शैक्षिक हड्तालले पठन-पाठन प्रभावित

सरकारले प्रतिबन्ध लगाएको नेत्रविक्रम चन्द (विप्लव) नेतृत्वको नेपाल कम्युनिस्ट पार्टी निकट अनेरास्ववियू क्रान्तिकारीको शैक्षिक हड्तालले सोमबार दाङसहित साबिक राप्तीका  पाँच जिल्लाका शैक्षिक संस्थामा पठन-पाठन प्रभावित भएका छन् । जिल्ला प्रहरी कार्यालय दाङले जिल्लाको घोराही, तुलसीपुर, लमहीका सरकारी तथा निजि सस्थाहरु बन्द भएको जनाएको छ । बिहानै पढ्न हिँडेका बिद्यार्थिहरु विद्यालय   बन्द भएका कारण फर्किएको प्रहरीले बताएको छ ।

रूकुम पश्चिममा अखिल (क्रान्तिकारी) का नेता पक्राउ परेको विरोध विप्लव समूहले दाङसहित साबिक राप्तीका सल्यान, प्यूठान, रोल्पा, रूकुममा एकदिने शैक्षिक हड्तालको घोषणा गरेको हो  ।

अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) को २४औं जिल्ला सम्मेलन आयोजक समिति दाङका संयोजक अनिल केसीले विज्ञप्ति प्रकाशित गर्दै सोमबारको शैक्षिक हड्तालबारे बताएका थिए ।