संवैधानिक नियुक्ति, निरंकुशता,जोरजबर्जस्ती र निर्लज्जताको पराकाष्ठ- प्रचण्ड-नेपाल समुह

संवैधानिक निकायमा भएको पदाधिकारी नियुक्ति जोरजबर्जस्ती र निर्लज्जताको पराकाष्ठ भन्दै प्रचण्ड नेपाल समुहले बक्तब्य जारी गर्दै आन्दोलनको घोसणा गरेको छ । दाहाल-नेपाल समूहले बिहीबार आमहड्ताल घोषणा गरेको छ ।

प्रतिनिधिसभा विघटन गरि संसदीय सुनुवाइ बिना नै पदाधिकारी नियुक्त गरेको भन्दै दाहाल-नेपाल समूहको केन्द्रीय संघर्ष समितिले आज पार्टी कार्यालय पेरिसडाँडाँमा गरेको पत्रकार सम्मेलनमा प्रवक्ता नारायणकाजी श्रेष्ठले भोलिको आमहड्तालअघि आज साँझ मसाल जुलुस हुने जानकारी पनि दिए ।

सरकार र राष्ट्रपति मिलेर असंवैधानिक एवं गैरकानूनी ढंगले गरिएका नियुक्तिलाई सभामुखलाई समेत आमन्त्रण नगरी बलमिच्याँई ढंगले सपथग्रहण गराउनु अवैधानिक भएको दाहाल-नेपाल समूहको ठहर छ ।