नक्कली कोरोनाको खोप बनाएको आरोपमा ८० पक्राउ

चीनमा कोरोनाविरुद्धको नक्कली खोप बनाएको आरोपमा ८० जना पक्राउ परेका छन् । चिनियाँ सञ्चारमाध्यमहरुका अनुसार नक्कली खोप बनाउने जियांग्सु, बीजिंग र शानडोंगबाट ३ हजार नक्कली खोपसहित उनीहरुलाई प्रहरीले पक्राउ गरेको हो ।

ग्लोबल टाइम्सका अनुसार प्रहरीले गत बर्ष सेप्टेम्बरमा गिरोहले उच्च मूल्यमा खोप वितरण गरेको जानकारी पाएको थियो सोही अनुसन्धानका क्रममा प्रहरीले उनीहरुलाई पक्राउ गरेको जनाएको छ ।

पक्राउ परेकाहरुको बयान अनुसार उक्त खोप मुलुकबाहिर पनि बिक्री वितरणको तयारी भइरहेको ग्लोबल टाइम्सले जनाएको छ। उनीहरूले सिनोभ्याक खोप भन्दै उक्त नक्कली खोप मुलुकबाहिर पठाउने तयारी गरिरहेको पनि ग्लोबल टाइम्सले जनाएको हाे ।

चीनमा २ कम्पनी सिनोवाक र सिनाफार्मलाई मात्र खोप लगाउन जिम्मा दिइएको छ। दुबै कम्पनीहरूले अन्य धेरै देशहरूमा खोपहरू पठाउँदै आएका छन् ।