सिन्धुपाल्चोकमा बस पल्टिँदा १९ जना घाइते, एक जनाको अवस्था गम्भीर

सिन्धुपालचोक । थुम्पाखरमा भएको बस दुर्घटनामा परी १९ जना घाइते भएका छन् । घाइतेमध्ये दोलखाको बलेफी गाँउपालिका–७ का ३७ वर्षीय सिताराम थापाको अवस्था गम्भीर छ ।

ढाडमा चोट लागेको उहाँलाई काठमाडौं पठाउने तयारी भइरहेको जिल्ला प्रहरी कार्यालयका प्रहरी नायव उपरिक्षक प्रकाश सापकोटाले जानकारी दिनुभयो । बाँकी १८ जनाको खाडीचौर स्थित सिन्धु सदावहार अस्पतालमा उपचार भइरहेको छ ।

दोलखाको सिंगटीबाट काठमाडौ जाँदै गरेको बा २ ख २७८९ नम्बरको यात्रुवाहक बस लामोसाँघु जिरी सडक खण्डअन्तर्गत सुनकोशी गाउँपालिकास्थित ११ किलोमा दुर्घटना भएको हो ।

तीव्र गतिमा आएको बस सडक छेउमा पल्टिएको थियो । बस दुर्घटना भएपछि चालक भागेका छन् ।