कोटेश्वर तीनकुने सुरुङमार्ग सम्भाव्यता अध्ययन अन्तिम चरणमा

सबैभन्दा धेरै जाम हुने ठाउँ भनेर चिनिने तीनकुने जडिबुटी सडकखण्डमा अब यात्रुले राहात महसुस गर्न पाउने संभाबना बढेको छ ।

तीनकुने कोटेश्वर सडकखण्डमा सुरुङ बन्यो भने यात्रुहरु जाममा पर्ने संभाबना हटेर जानेछ । सुरुङ निर्माणका लागि सम्भाव्यता अध्ययनको काम अन्तिम चरणमा रहेको छ ।

एक वर्षअघि सुरु भएको सम्भाव्यता अध्ययनको काम अन्तिम चरणमा पुगेको सडक विभागसँगको सहकार्यमा एक वर्षअघि जापान अन्तर्राष्ट्रिय सहयोग नियोग जाईकाले आफ्नै खर्चमा सम्भाव्यता अध्ययन सुरु गरेको थियो ।

अहिले कोरोना महामारीका कारण अध्ययन टोलीका प्रतिनिधिहरू जापानमै रहेकाले भर्चुअल प्रविधिमार्फत् विभागसँग नियमित सम्पर्क भइरहेको छ । टोलीले सम्भाव्यतासम्बन्धी अन्तिम चरणका कामहरु जापानबाटै गरिहेको छ । अध्ययन सकिएपछि विभागसँगको सहकार्यमा जाईका आफैँले सुरुङ निर्माण गर्नेछ । झण्डै ८ सय मिटर लामो सुरुङ मार्ग चार लेनको हुनेछ ।

।