दोस्रोपटक बाबु बने कपिल शर्मा

बलिउड कमेडियन कपिल शर्मा र उनका फ्यानका लागि खुशीको खबर छ । यी कमेडियन पुनः दोस्रोपटक बाबु बनेका छन् ।

कपिलकी पत्नी गिन्नी चतरथले छोरालाई जन्म दिएकी हुन् । यो कुराको जानकारी कपिलले सामाजिक सन्जालका माध्यमबाट फ्यानलाई दिएका हुन् ।

सामाजिक सन्जालमा कपिलको  ट्वीट भाइरल भइरहेको छ ।

गत वर्ष कपिलले आफ्नो सहकर्मी तथा साथी भारती सिंहको करवा चौथको समयमा एक इन्स्टाग्राम लाइभ गरेका थिए । जसमा गिन्नीलाई गर्भवती भएको देखाइएको थियो । गिन्नी केही व्यक्तिमाझ करवाचौथ मनाइरहेकी थिइन् । तर उनको गर्भवतीका विषयमा कपिलले आधिकारिक रुपमा केही बताएका थिएनन् ।

सन् २०१९ मा गिन्नीले छोरीलाई जन्म दिएकी थिइन् । उनीहरुको छोरीको नाम अनायरा शर्मा हो । कपिल र गिन्नीले सन् २०१८ डिसेम्बर १२ मा विवाह गरेका थिए ।