४ नेपाली कोरोना संक्रमित भएको युएईको पछिल्लो अवस्था के छ ?

संयुक्त अरब इमिरेट्स (युएई) मा फेरि दुई जना नेपालीलाई कोरोना भाइरसको संक्रमण देखिएको छ ।यूएईको स्वास्थ्य मन्त्रालयको पछिल्लो (शनिबारको) तथ्याङ्क अनुसार  ६३ जनामा थप संक्रमण देखिएको र त्यसमध्ये २ जना नेपाली रहेको पुष्टि गरेको हो । उपचारार्थ २ को अवस्था सामान्य रहेको दूतावास आवुधावीले जनाएको छ।

युएईमा शनिबारसम्म ४ सय ६८ जनामा कोरोना संक्रमणको पुष्टि भएको छ । मन्त्रालयका अनुसार शुक्रबार एक पाकिस्तानी र दुई जना बंगलादेशी नागरिक गरि ३ जना उपचारपछि निको भएका छन् । यो सँगै युएईमा उपचारपछि निको हुनेको संख्या ५५ पुगेको छ। त्यसरी निको हुनेमा दुई जना नेपाली पनि छन् ।

यसैबीच युएईमा तीन दिनका लागि लकडाउनको घोषणा गरिएको आज  अन्तिम दिन हो ।