पाकिस्तानी प्रधानमन्त्री इमरान खानलाई कोरोना संक्रमण भएको बेलायती टिभीको खुलासा

काठमाडौं ।
विश्वभर डरलाग्दो तरिकाले महामारीका रुपमा फैलिएको कोरोनो भाइरसको त्रास बढ्दै गइरहेको छ । बेलायतका प्रधानमन्त्री बोरिस जोनसनलाई कोरोना संक्रमण भएको खबर बाहिर आएको छ ।

उनी आफैंले यस घटनाको पुष्टि गर्दै आफु अब क्वारेन्टाइनमा बसेर काम गर्ने र कोरोनासँगको लडाँई लड्ने बताएका छन् । तर यो बीचमा अर्को खबर भाइरल भएको छ । भएको के भने पाकिस्तानी प्रधानमन्त्री इमरान खानलाई पनि कोरोना संक्रमण भएको खबर आएको छ ।

बेलायतको एक चर्चित टेलिभिजनले यस्तो खबर भाइरल बनाएको हो । तर यो खबरमा कुनै सत्यता भने छैन । भएको के भने बेलायतका प्रधानमन्त्री बोरिस जोनसनको नाम हुनुपर्नेमा मानविय गल्तीका कारण पाकिस्तानका प्रधानमन्त्री इमरान खानको नाम राखिएको थियो । उक्त समाचारमा कुनै सत्यता नभएको पाकिस्तान तहरीक–ए–इन्साफ (पीटीआई) का नेताहरुले स्पष्ट पारेका छन् । उक्त समाचार अहिले च्यानलले हटाएको भए पनि उक्त क्लिप सामाजिक सञ्जालमा भाइरल भएको छ ।

برطانوی اخبار نے غلطی سے وزیراعظم عمران خان کا نام لکھ کر غلط خبر چلا دی کہ ان کا کرونا ٹیسٹ + آیا ہے۔انہوں نے برطانوی وزیراعظم کا نام لکھنا تھا غلطی سے خان صاحب کا لکھا اللہ کے کرم سے خان صاحب بلکل ٹھیک ہیں اور ابھی تھوڑی دیر پہلے دفتر سے گھر گئے ہیں https://t.co/Jjbc12GOrA

— Dr. Shahbaz GiLL (@SHABAZGIL) March 27, 2020