जोन एकेडेमीमा खेलकुद समारोह (फोटोफिचर)

८ फाल्गुन, काठमाडौँ ।
काठमाडौँ महानगरपालिका वडा नम्वर ६, बौद्ध नयाँबस्तीमा रहेको जोन एकेडेमीले खेलकुद दिवस सुरु गरेको छ ।
फाल्गनु ७ गते उद्घाटन कार्यक्रमका विच खेलकुद उत्सव सुरु गरिएको हो ।

कार्यक्रमलाई विद्यालय सञ्चालक समितिका अध्यक्ष प्रकाश पुडाशैनीले उद्घाटन गरेका हुन् ।

३ दिनसम्म चल्ने उक्त प्रतियोगितामा विजयी भएका विद्यार्थीहरुलाई फाल्गनु ९ गते गरिने समापन कार्यक्रममा ट्रफी, मेडल र प्रमाण–पत्रद्धारा पुरस्कृत गरिएको प्रिन्सिपल भोज कुमार धमलाले बताए ।

विद्यार्थीमा भएको अन्तर निहित प्रतिभाको उजागर गर्न खेलकुद उत्सवको आयोजना गरिएको ईसिए इन्चार्ज नारायण चौलागाईले बताए ।

उद्घाटन कार्यक्रममा अभिभावकहरुलाई घैटो फोर खेलमा सहभागि गराई कार्यक्रमको थप रौनकता थपिएको थियो ।