रोमालाई हराउँदै युभेन्टस कोपा इटालियाको सेमिफाइनलमा

९ माघ, काठमाडौँ ।
युभेन्टस कोपा इटालियाको सेमिफाइनलमा प्रवेश गरेको छ ।
युभेन्टसले बुधबार राति भएको खेलमा एएस रोमालाई ३–१ गोलले हराउँदै सेमिफाइनलमा स्थान बनाएको हो ।

एल्लियन्ज स्टेडियममा भएको उक्त खेलमा युभेन्टसलाई जिताउन क्रिस्टियानो रोनाल्डो, रोड्रिगो बेन्टान्कर र लियोनार्दो बोनुक्किले समान एक–एक गोल गरे ।

रोमाले भने एक आत्मघाती गोल उपहारमा पाएको थियो ।

खेलको २६औं मिनेटमा रोनाल्डोको गोलमा युभेन्टसले सुरुआती अग्रता बनाएको थियो । यस्तो खेलको ३८औं मिनेटमा बेन्टान्करले गोल गर्दै उसको अग्रता दोब्बर बनाए ।

पहिलो हाफको इन्जुरी समयमा बोनुक्कीले गोल गरेपछि पहिलो हाफभरि युभेन्टसले ३–० गोलको अग्रता बनायो ।

खेलको ५०औं मिनेटमा युभेन्टसका गोलरक्षक जियानलुइगी बुफनले आतम्घाती गोल गरेपछि खेलको अवस्था ३–१ मा आयो ।