लाइसियम मोडल स्कूलको ‘वार्षिक खेलकुद उत्सव’ सम्पन्न (फोटोफिचर)

२७ पुस, काठमाडौँ ।
काठमाडौँ महानगरपालिका वडा नम्वर ७, सिफलमा रहेको लाइसियम मोडल स्कूलको यस वर्षको ‘वार्षिक खेलकुद उत्सव’ सम्पन्न भएको छ ।

पुस २५ गते शुक्रबार स्कूलको प्रांगणमा विजयी विद्यार्थीहरुलाई पुरस्कृत गर्दै खेलकुद उत्सव सम्पन्न गरिएको हो ।

५ दिनसम्म चलेको खेलकुद उत्सवमा ५० भन्दा बढी खेलहरुलाई समावेश गरिएको थियो । जसबाट विजयी हुने खेलाडीहरुलाई शुक्रबार ट्रफी, मेडल र प्रमाण–पत्रद्धारा सम्मान गरिएको प्रिन्सिपल राजेन्द्र थपलियाले बताए ।

उक्त खेलकुद उत्सवको अवसरमा अभिभावकहरुलाई पनि शुक्रबार विभिन्न खेलहरुमा सहभागि गारइएको थियो । जसबाट विजयी हुने अभिभावहरुलाई समेत पुरस्कृत गरिएको थियो ।

शुक्रबार सम्पन्न खेलकुद उत्सवको समापन कार्यक्रममा स्कूलका प्रिन्सिपल राजेन्द्र थपलिया तथा स्कूल व्यबस्थापन टिम, शिक्षक, शिक्षिका, विद्यार्थी, अभिभावक लगायतको उपस्थिति रहेको थियो ।

समापन कार्यक्रमलाई सम्वोधन गर्दै प्रिन्सिपल थपलियाले खेलकुद उत्सव सभ्य, भव्य, अनुशासिर तवरबाट सम्पन्न भएको जनाकारी दिए । विद्यार्थीको चौतर्फी विकासमा समर्पित लाइसियमले अझ आगामी दिनहरुमा विभिन्न अतिरिक्त क्रियाकलापहरुको आयोजना गर्दै जाने प्रतिवद्धता समेत व्यक्त गरेका थिए ।