लिभरपुलको विजय यात्रा जारी, चेल्सी स्तब्ध

काठमाडौं ।

आइतबार राति भएको खेलमा लिभरपुलले इंग्लिस प्रिमियर लिग फुटबलमा चेल्सीलाई पराजित गरेको छ ।

लिभरपुलले उसैको मैदानमा चेल्सीलाई २-१ गोलअन्तरले पराजित गरेको हो । लिभरपुलको जितमा एलेक्जेन्डर अर्नोल्ड र रोबेर्टो फिर्मिन्होले गोल गरे । यता चेल्सीका लागि एन्टोनी कोन्टेले गोल फर्काए ।

अर्नोल्डले खेलको १४ औं मिनेटमा गोल गर्दै लिभरपुललाई अग्रता दिलाएका थिए । फिर्मिन्होले ३० औं मिनेटमा गोल गर्दै लिभरपुललाई २-० गोलको अग्रता दिलाए ।

पहिलो हाफमा नै लिभरपुलसँग २-० गोलले पछि परेको चेल्सीले दोस्रो हाफमा एक गोल गर्न सफल भयो । तर चेल्सी हारबाट जोगिन भने सकेन ।

खेलको ७१ औ मिनेटमा कोन्टेले गोल गर्दै चेल्सीलाई २-१ गोलको स्थितिमा ल्याएका थिए । तर बाँकी समयमा गोल गर्न नसक्दा हार व्यहोरेको हो ।

जितपछि लिभरपुलको ६ खेलबाट १८ अंक भएको छ । लिभरपुल अंकतालिकामा शीर्ष स्थानमा छ । यस्तै ६ खेलबाट ८ अंक बनाएको चेल्सी ११ औँ स्थानमा छ ।