पौडी टोली हंगेरी प्रस्थान

१ भाद्र, काठमाडौँ ।
सातौं विश्व जुनियर पौडी प्रतियोगितामा सहभागी हुन ८ खेलाडी सहित १० सदस्यीय नेपाली टोली शनिबार हंगेरीको बुडापेस्टप्र स्थान गरेको छन्।अगष्ट २० देखि २५ तारिखसम्म हुने प्रतियोगितामा समान ४–४ पुरुष/महिला खेलाडीले नेपालको चुनौती प्रस्तुत गर्ने छन् ।

पुरुषमा सैयद हम्जा शाह, गौरव लामा, वैदज्ञराज जोशी र विकास कुमाल तथा महिलामा टीसा शाक्य, अदिप्सा वैद्य, युस्का महर्जन र अनुष्का पोख्रेलले सहभागिता जनाउने छन्।

प्रशिक्षकमा ईश्वर कार्की तथा टिम व्यवस्थापकमा वैभव पौडेल रहेका छन्। टोलीलाई राष्ट्रिय खेलकुद परिषद्का सदस्य–सचिव रमेश कुमार सिलवाल, नेपाल पौडी संघका अध्यक्ष अशोक वज्राचार्य, महासचिव जगतमान श्रेष्ठ लगायतले एक कार्यक्रमबीच बिदाइ गरेका छन् ।