नवलपरासीमा लागुऔषध सहित दुई जना पक्राउ

असार ६, नवलपुर । 

नवलपरासीको पाल्हिनन्दन गाउँपालिकाको भारतीय सिमावर्ती क्षेत्रबाट पदैल आउदै गरेका दुई जनालाई प्रहरीले लागुऔषध सहित पक्राउ गरेको छ ।

पक्राउ पर्नेहरुमा रामग्राम नगरपालिका वडा नं.३ बस्ने २५ वर्षे लक्षु लोहार र रामग्राम नगरपालिका वडा नं.८ बस्ने ३८वर्षे राकेश कुवार भने बुद्ध देब दत्त रहेका छन् ।

उनीहरुलाई चोकजाचको क्रममा बुद्ध देव दत्त बोकेको पहेलो रंगको झोला भित्र ३ वटा प्लाष्टिकमा लुकाई राखेको अवस्थामा डाइजापाम, फेनारगन र बुफ्रिनोफिन २र२ एम.एल.को एक सयका दरले ३०० एम्पुल लागु औषध फेला पारेको जिल्ला प्रहरी कार्यालय नवलपरासीले जानकारी दिएको छ ।

दुवैलाई “लागु औषध नियन्त्रण ऐन २०३३” बमोजिम मुद्धा दर्ता गरी आवश्यक अनुसन्धान भैरहेको बताईएको छ ।