रेशमलाल चौधरी अस्पताल भर्ना

स्वास्थ्यमा समस्या देखिएपछि सासंद रेशमलाल चौधरी अस्पताल भर्ना भएका छन् । टीकापुर हत्याकाण्डमा कैलाली जिल्ला अदालतबाट दोषी ठहर भई जेल जीवन बिताईरहेका सांसद रेशमलाल चौधरीको स्वास्थ्यमा समस्या आएपछि अस्पताल भर्ना भएका हुन् ।

प्रतिनिधिसभा निर्वाचनमा कैलाली क्षेत्र नं १ बाट निवाचित सासंद चौधरीको फोक्सो र बोनम्यारोमा समस्या देखिएका पछि उनलाई काठमाण्डौको वीर अस्पताल भर्ना गरिएको हो । केहि दिनदेखी निरन्तर उपचार र चेकजाच गराईरहेका चौधरीलाई बिहीबार स्वाश फेर्न र हिँड्न कठिनाई भएपछि अस्पताल भर्ना गरिएको उनका आफन्तले बताएका छन् ।

उनको केही दिन अस्पतालमै उपचार हुने भएको छ । २०७२ भदौ ७ गते भएको टीकापुर हत्याकाण्डका मुख्य अभियुक्त भन्दै जिल्ला अदालत कैलालीले दोषी ठहर गरेको थियो । उनी १५ महिनादेखि काठमाण्डौको डिल्लीबजार कारागारमा जेल जीवन बिताइरहेका थिए । अदालतले चौधरीसहित ११ जनालाई जन्मकैद फैसला सुनाएको थियो ।