दिल्लीको तेस्रो खेलमा नेपाली लेग स्पिनर सन्दीप प्लेइङ ११ मा

काठमाडौं :

इन्डियन प्रिमियर लिग (आईपीएल) अन्तर्गत दिल्लीको तेस्रो खेलमा नेपाली लेग स्पिनर सन्दीप लामिछाने प्लेइङ ११ मा समेटिएका छन् ।

शनिबारको दोस्रो खेलमा दिल्ली क्याापिटलले कोलकाता नाइट राइडर्सको सामना गर्दैछ । दिल्लीले यसअघिका दुई खेलमध्ये एक जित र अर्को हार ब्यहोरेको छ ।

दिल्लीले तेस्रो खेल फिरोज कोट्ला स्टेडियममा खेल्दै छ। सुरुवाती दुई खेलमा मौका नपाएका नेपाली स्पिनर सन्दीपले आज मौका पाएका हुन् । दिल्लीले टस जितर फिल्ड राेजेको छ ।

पहिलो खेलमा दिल्लीले मुम्बई इन्डियन्सलाई ३७ रनले पराजित गरेको थियो। दोस्रो खेलमा भने दिल्ली चेन्नई सुपर किंग्ससँग ६ विकेटले पराजित भयो।

दोस्रो खेलमा एक सय ४८ रनको विजयी लक्ष्य पछ्याएको चेन्नईले १९.४ ओभरमा ४ विकेटको क्षतिमा एक सय ५० रन जोड्दै लक्ष्य भेट्टाएको थियो।

गतसाल सन्दीपले पछिल्ला ३ खेलमा मात्रै खेल्ने अवसर पाएका थिए।  सन् २००८ देखि सुरु भएको आईपीएलको यो १२ औं संस्करण हो। सन्दीप आईपीएलमा सहभागी पहिलो नेपाली क्रिकेटर हुन्।