आइपिएल मैदानमा गुञ्जियो ‘चौकीदार चोर है’

इन्डियन प्रिमियर लिग (इपिएल) मा सोमबार राती जयपुरको सवाइ रंगशालामा किंग्स ११ पन्जाब र राजस्थान रोयल्सबीच खेल भइरहेको थियो । किंग्स ११ पन्जाबले पहिले ब्याटिङ गर्ने मौका पायो भने घरेलु टोली राजस्थानले बलिङ सुरु गर्‍यो ।

१४ औं ओभरको खेल चलिरहेको बेला स्पिकरमा कसैले नारा लगायो, ‘जितेगा भइ जितेगा १’ त्यसपछि भीडले नारा लगायो, ‘राजस्थान जितेगा १’ यो नारा केहीबेरसम्म चल्यो । खेल १८ औं ओभरमा पुगेपछि नारा बद्लियो ।

१८ औं ओभरको पहिलो बलमा रंगशालमा ‘मोदी–मोदी’ नारा लाग्यो । त्यसपछि यसको जवाफमा अर्को नारा लाग्यो, ‘चौकीदार चोर है, चौकीदार चोर है ।’ चौकीदार चोर है’ नारा लगाउँदाको करिब २४ सेकेन्डको भिडियो अहिले सामाजिक सञ्जालमा भाइरल भएको छ ।