संसदमा गगनको गर्जन : एमसीसी संविधानभन्दा माथि भनेर हावा कुरा गर्ने ?

नेपाली कांग्रेसका सांसद गगन थापाले अमेरिकी सहयोग संझौता,मिलेनियम च्यालेञ्ज कर्पोरेशन एमसीसी नेपालको संविधानभन्दा माथि नभएको दाबी गर्दै संबिधान भन्दा माथि एमसीसी भएको भन्ने हावादी कुरा नगर्न भनेका छन् ।

आइतबार प्रतिनिधि सभामा एमसीसीमाथिको सैद्धान्तिक छलफलमा भाग लिदैं सांसद थापाले एमसीसी नेपालको संविधान भन्दा माथि छ भनेर हावा कुरा नगर्न पनि राजनीतिक दलका नेताहरुलाई आग्रह गरेका हुन् । सबै दल र नेता एमसीसीमा चोखो नरहेको बताउदै गगनले भ्रमको खेती बन्द गर्न आब्हान समेत गरेका छन् ।

एमसीसी पनि विगतमा नेपालले अरु संझौता गरेजस्तै संझौता रहेको भन्दै नेपालको कानुनसंग संझौतामा भएको कुरा बाझिएमा त्यो लागू हुन नसक्ने उल्लेख गरे ।

तर अन्य राजनीतिक दलका नेताहरुले एमसीसी नेपालको संविधान भन्दा माथि रहेको भनेर झुट बोलेका थापाको भनाई छ ।