रोकिएन सिरियामा आक्रमण, राष्ट्रसंघीय युद्धविरामको अवज्ञा

२०७४ फागुन १४ गते २३:१४ मा प्रकाशित


syria

दमास्कस — राष्ट्रसंघीय सुरक्षा परिषद्ले द्वन्द्वका कारण पिडित सर्वसाधारणलाई आवश्यक मानवीय सहायता प्रदान गर्न युद्धविराम प्रस्ताव पारित गरेको २ दिन बितिसक्दा पनि सिरिया सरकारले हवाई आक्रमण जारी राखेको छ । 

 
रूसी सेनाको समर्थनमा सिरियाली सरकारी सेनाले सोमबार पनि भीषण आक्रमण गरेको अनुगमनकर्तालाई उदृत गर्दै बीबीसीले जनाएको छ । सोमबार गोटाको पुर्वी क्षेत्रमा गरिएका आक्रमणमा परि ९ जना मारिएका छन् ।
 
सिरियाली प्रतिरक्षा फौज ‘ह्वाईट हेल्मेट्स’ ले डोउमास्थित एक भवनमा गरिएको तोप प्रहारका कारण २४ जना मारिएको र दर्जनौं घाइते भएको जनाएको छ । मृत्यु हुनेमध्ये ९ जना एकै परिवारका भएको जनाइएको छ ।
 
विगत ८ दिनदेखि जारी भिषण बमबारीका कारण हालसम्म ५ सय ४१ जनाको मृत्यु भइसकेको छ । जसमध्ये कम्तीमा १ सय ३० बालबालिका छन् ।
 
मानवअधिकारवादी संस्था ‘सिरियन अब्जर्भेटरी फर ह्युमन राइट्स’ ले आक्रमण जारी नै रहेकाले क्षतिको एकिन विवरण संकलन गर्न कठिन भइरहेको जनाएको छ ।
 
आक्रमण नरोकिएपछि राष्ट्रसंघले युद्धविरामका लागि पुन आग्रह गरेको छ । महासचिव एन्टोनियो गुटेरेसले सोमबार सिरियालाई ‘पृथ्वीको नर्क हुनबाट रोक्नुपर्ने’ बताउँदै तत्काल अन्त्य गर्न आग्रह गरेका छन् ।
 
जेनेभास्थित राष्ट्रसंघीय मानव अधिकार परिषद्लाई सोमबार सम्बोधन गर्दै उनले सुरक्षा परिषदद्वारा पारित प्रस्ताव ‘कार्यान्यन भएमात्र त्यसको अर्थ हुने’ बताए । उनले ‘युद्धविराम प्रस्ताव तत्काल कार्यान्वयन हुने र दिगो हुने’ आशा व्यक्त गरे ।
 
युरोपेली संघका विदेश निति प्रमुख फेडेरिका मोग्हेरिनीले सिरियाली सरकार र यसका समर्थकलाई द्वन्द्व अत्यको प्रक्रिया सुनिश्चित गर्न आग्रह गरेकी छन् । तर सिरियाली सरकारले सर्वसाधारण लक्षित आक्रमण नगरेको दाबी गर्दै पूर्वी गोटालाई आतंकवादीको नियन्त्रणबाट मुक्त गर्ने दाबी गरे ।
 
यसैबीच, रूसी राष्ट्रपति भ्लादिमिर पुटिनले सिरियामा मानविय सहयोग उपलब्ध गराउन दैनिक केही समय आक्रमण रोक्न निर्देशन दिएका छन् । रूसी रक्षामन्त्री सर्गेइ सोइगुले स्थानीय समयअुनसार हरेक दिन विहान ९ देखि २ बजेसम्म आक्रमण रोक्ने जनाए । उनले उक्त स्थान छोड्न चाहने सर्वसाधारणलाई समय दिन दैनिक ५ घण्टा आक्रमण स्थगित गर्ने निर्णय गरेको जनाए ।
 
राजधानी दमास्कसको नजिकै रहेको पूर्वी गोटा विद्रोहीको नियन्त्रणमा रहेको मुख्य क्षेत्र हो । उक्त क्षेत्र सन् २०१३ देखि रूस र इरानको समर्थन प्राप्त सिरियाली सेनाको नियन्त्रणमा रहेका स्थानको बीचमा छ ।
 
पूर्वी गोटामा अस्पताल संचालन गर्दै आएको संगठन यूओएसएसएमले आइतबार र सोमबार सरकारी फौजले गरेको हवाई आक्रमणका कारण कम्तिमा ३ दर्जन सर्वसाधारण मारिएको जनाएको छ ।
यसअघि, सुरक्षा परिषद्ले मानवीय सहायत प्रदान गर्न ३० दिनका लागि युद्धविराम गर्ने प्रस्ताव पारित गरेको थियो । शुक्रबार युद्धविराम प्रस्तावमा सुरक्षा परिषदका सबै सदस्य राष्ट्र सहमत भएका थिए ।
 
युद्धविरामले आवश्यक मानवीय सहायता सामग्री वितरण गर्न तथा उपचारका लागि कदमहरू चाल्न मद्दत गर्ने बताइएपनि जिहादी समूह र उसका सहयोगीलाई सम्बोधन नगरेका कारण कार्यान्वयन हुनेमा आशंका गरिएको थियो ।
 
राष्ट्रसंघका लागि रुसी राजदूत भिटाली चुर्किनले पनि युद्धविराम कार्यान्वयन हुनेमा यसअघिनै आशंका व्यक्त गरेका थिए । रूस सिरियाली सरकारी सेनाको महत्वपूर्ण साझेदार हो ।
 
के हो सिरियाली युद्ध ?
सिरियाली युद्ध बाथ पार्टीको सरकार र उसलाई परास्त गर्न उद्दत फौजबीचको लडाई हो । तर द्वन्द्व बढै गएपछि अमेरिका, रूस, टर्की, इरान, साउदी अरब तथा लेबनानलगायतका देश प्रत्यक्ष वा परोक्ष रुपमा युद्धसँग जोडिएका छन् ।
 
राष्ट्रपति बशर अल(असदको राजीनामा माग गर्दै सन् २०११ को मार्च १५ मा शुरू भएको विरोध प्रदर्शनमाथि सेनाले हस्तक्षेप गरेपछि शसस्त्र विद्रोह शुरु भएको हो ।
 
सिरियामा सन् १९७१ देखि असदको परिवारले शासन गर्दै आएको छ । असद सन् २००० मा राष्ट्रपति बनेका हुन् । उनका समर्थकहरु शिया समुदायका मुस्लिम हुन् भने अधिकांश विपक्षीहरु सुन्नि छन् । सन् २०१२ मा राष्ट्रसंघले सिरियामा राजनीतिक कारणले शुरू भएको द्वन्द्व सिया र सुन्नि समुदायबीचको युद्धमा परिणत भएको जनाएको थियो ।
 
केन्द्रिय नेतृत्व नरहेको विद्रोहीका अधिकांश लडाकु भगौडा सेना छन् । सन् २०११ को अन्त्यमा इस्लिामिक समूह अल(नुसरा फ्रन्टले विद्रोहीको समर्थनमा युद्धमा होमिएपछि थप द्वन्द्व चर्केको हो ।
 
सन् २०१३ मा लेबनानको इस्लामिक राजनीतिक संगठन तथा अर्धसैन्य समूह हेज्बुल्लाहले सिरियाली सेनाको पक्षमा सामेल भयो ।
 
सिरियाली सरकारलाई रूस र इरानले सैन्य सहयोग प्रदान गर्दै आएका छन् । कतार र साउदी अरबले भने विद्रोहीलाई हतियार आपूर्ति गर्ने गरेका छन् ।
 
यसअघि सन् २०१३ मा सिरियाले विद्रोहीविरुद्ध रसायकिन हतियार प्रयोग गरेको पुष्टि भएपछि अन्तर्राष्ट्रिय समुदायले ब्यापक आलोचना गरेका थिए । त्यसयता रसायनिक हतियारको प्रयोग रोकेको सरकारले विद्रोहीबीचका आक्रमण भने गर्दै आएको छ । सन् २०१४ यता सिरियाको आधाभन्दा बढी भू(भाग ‘इस्लामिक स्टेट अफ इराक एण्ड सिरिया’ (आइएसआइएस) को नियन्त्रणमा छ ।
 
युद्धका कारण ३ लाख ५० हजार मानिसको मृत्यु भइसकेको छ भन ३० लाखले शराणार्थी जीवन बाँचिरहेका छन् । अनुगमनकर्ताहरुका अनुासर करिब ६३ लाख सर्वसाधारण आन्तरिक रुपमा विस्थापित छन् । कान्तिपुरबाट 

You may also Like this

थप समाचार

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण
दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण ...

प्यूठानमा जिप दुर्घटना, एकको मृत्यु
प्यूठानमा जिप दुर्घटना, एकको मृत्यु

प्यूठानमा आज बिहान भएको जिप दुर्घटनाका एकको ज्यान गएको छ ।लु१च ३४७२ नं को पिकअप जिप दुर्घटनामा गौमुखी गाउँपालिका–५ बस्न ...

जापानको पर्यटन एक्स्पोमा नेपालको सहभागिता
जापानको पर्यटन एक्स्पोमा नेपालको सहभागिता

टोकियो, जापान । नेपाल पर्यटन बोर्डले पर्यटन एक्स्पो जापान (जाटा २०१८) मा प्रभावकारी सहभागिता जनाएको छ । सेप्टेम्बर २० देखि २ ...

शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)
शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)

काठमाडौँ । राष्ट्रिय निजी तथा आवासीय विद्यालय एसोसियसन नेपाल (एनप्याब्सन) काठमाडौँले शिक्षा विधेयक संशोधनको माग राख्दै शुक्र ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...