जनप्रिय भन्दा धनप्रिय, राम्रो भन्दा हाम्रो खोज्ने प्रवृति पार्टीमा हाबी भयोः सांसद खतिवडा (भिडियो)

२०७४ भदौ २८ गते १९:१६ मा प्रकाशित


काठमाडौँ । ओखलढुंगा क्षेत्र नम्वर २ का निर्वाचित सांसद तथा नेपाली कांग्रेसका युवा नेता रामहरी खतिवडा जनप्रिय आवाजहरु संसद भवन भित्र उठाइ रहने लोकप्रिय जनप्रतिनीधि मध्यमा पर्दछन् । त्यसैले सधै उनी चर्चामा हुन्छन । उनै सांसद खतिवडासंग समसामयिक राजनीतिक विषयमा केटिएम खबरका लागि रवि भट्टराईले विशेष सम्वाद गरेका छन् । प्रस्तुत छ सोही भिडियो कुराकानीको संम्पादित अंश:

ramhari khatiwoda
यहालाई स्वागत छ
धन्यवाद
के मा ब्यस्त हुनुहुन्छ ?
हामी राजनीतिक ब्यक्तिहरु जनसरोकारका विषयमा केन्द्रित हुन्छौ । विहान पाँच बजे बाट नै साथीहरुका फोनहरु बज्न सुरु हुन्छन । त्योसंगै दिनचर्या सुरु हुन्छ र जनताका काममा समय बित्छ । कसैले त राति अबेरसम्म माननियले फोन उठाउछकी उठाउदैन ? भनेर चेक गर्नका निमित्त पनि फोन गर्छन । विशेषगरी सार्वजनिक लेखा समितिको माध्यमबाट काठमाण्डौ बाहिरका गौरवका योजनाहरु भैरवा एअरपोर्टको स्थलगत निरिक्षण गर्न गर्यौ । सबै सदस्यहरु गएका थियौ । भैरवा बुटवलमा ६ लेनको बाटो बन्दै छ त्यसको पनि निरिक्षण गर्यौ । अर्को तर्फ संसद र संसदिय समितिका कामहरुमा ब्यस्त छौ । मेरो कार्यकाल भरी यता कता दुःख, बिराम, अप्ठ्यारो परेको तिन चार दिन बाहेक म सधै संसदमा जनताको आवाजहरु बोली रहेको हुन्छु ।
पहिलेको दाजोमा तपाईको सक्रियता कम भएको हो ?
हैन, त्यसरी नबुझिदिनुहोस । रामहरी खतिवडा जनताको आबाज उठाउन कुनै कसर वाकी राख्दैन त्यो पनि निकास सहितको आवाज उठाई रहेको छु । चाहे म पदमा रहुँ या नरहुँ जनसरोेकारको पक्षमा म आवाज उठाई रहन्छु । आफ्नो निर्वाचन क्षेत्रमा पनि ब्यस्त छु । संसद बैठक पनि समयमा बस्न सकिरहेको छैन । देशमा प्राकृतिक विपत्ति बाढि पहिरोले बिनास निम्त्याएको बेला पनि हामीले आवाज उठायौँ । मैले नै सबैभन्दा पहिला पार्टी सभापतिलाई बाढी पिडितलाई एक महिनाको तलब दिनुपर्छ भनेर सर्वप्रथम भने त्यसै अनुसार पार्टीले निर्णय गर्यो । पछि माओवादीले गर्यो अनि एमालेले पनि गर्यौ ।
सस्तो लोकप्रियताका लागी राहत दिने निर्णय गर्ने तर राहत पिडितले नपाउने हुन्छ भन्छन नी ?
तपाईले राम्रो प्रश्न उठाउनु भयो । भुकम्पको बेला पनि मैले धेरै ठुला मान्छेहरुले राहतको घोषणा गर्दै हिडेको सुनेको थिएँ तर खै उहाँहरुले त्यो राहत सामाग्री पिडितको हातमा परेको समाचार सुनिएन । तपाईहरुलाई थाहा नै छ । लोकप्रियताका निम्ति बोलीन्छ तर बोलेको कुरो पुर्याईदैन । मैले भुकम्पको बेलामा बिनोद चौधरी जीले हजार वटा घर बनाई दिन्छु भनेको सुने । हाम्रै सांसद साथीहरुले पनि प्रत्येक भुकम्प गएका १३ ओटा जिल्लाहरुमा एउटा गाउ बनाउछौ भनेको सुने तर बिडम्बना आजका मितिसम्म राहत पिडितले पाउन सकेका छैनन् । म तपाईलाई अनुरोध गर्न चाहान्छु १४ जिल्ला मध्य कै म एउटा माननीय हुँ । मैले हेलिकप्टरबाट गाउमै राहत बोकेर घर–घरमा राहत पुर्याएको छु । मलाई त्यति बेला दुसप्रचार गर्ने तबरबाट ठुला–ठुला अक्षरमा राहतमा रजाई भनेर कान्तिपुरको फ्रन्ट पेजमा समाचार छापियो । म तपाईलाई अनुरोध गर्दछु मैले अफ्नो काम गरेको छु । जनताको सेवाको निम्ति कुनै कसर बाकि राखेको छैन । बाढी पिडितहरुको सवालमा पनि हामी त्यति कै खटेका छौ तर जुन तरिकाले युद्ध स्तरमा सरकार जानु पर्ने थियो त्यो चाँही नभएको हो भन्ने लाग्छ तर हामी लागि नै रहेका छौँ ।
अहिले तपाईको पार्टी सरकारमा छ, जनतासंग कस्तो कमिटमेन्ट गर्नु हुन्छ ?
मन्त्री र प्रधानमन्त्री हुनु भनेको फोटो झुण्डाउनका लागि मात्र हैन । हामिले जनतालाई केही गरेर देखाउनु छ । खुशिको कुरा तपाईलाई अवगत गराउ सत्तरी बर्षदेखी बन्न नसकेको संविधान नेपाली कांग्रेसको नेतृत्वमा पुरा भयो । दाश्रो काम धेरै बर्षदेखि हुन नसकेको स्थानिय चुनाब गरायौँ । कसले जित्यो ? कसले हार्यो ? मेजर कुरा हैन हामी बहुदलमा बिश्वास गर्छौ । यो हामीले पुरा गर्यौ । हामी लोकतन्त्रमा विश्वास गर्छौ । हिजो कमल थापाहरु सरकारमा हुँदा हामी अटाएनौ तर हामी सरकारमा हुँदा उहाँहरु पनि अटाउनु भयो । प्रचण्डको एक दलमा हिजो कोही अटाएनन् तर आज हामीसंग उहाँ अटाउनु भयो नी । भनेपछि हाम्रो उपलब्धि भने कै यहि हो र हाम्रो पार्टी लोकतन्त्रमा विश्वास गर्दछ ।
कांग्रेस पार्टीमा समस्याहरु प्रसस्तै छन, संभावना भएकालाई पाखा लगाएर पहुँचका आधारमा मन्त्री, सांसद बाईन्छ भन्ने सुनिन्छ नी ?
ठिकै भन्नु भयो । अहिले कांग्रेसमा दुई प्रकारका कार्यकर्ता छन् । एउटा जनताले स्थापित कार्यकर्ता जसलाई नेताले विस्थापित गर्न खोज्छन् । अर्को नेताले स्थापित कार्यकर्ता जसलाई जनताले विस्थापित गर्न खोज्छन । जनताले स्थापित मान्छेलाई नेताले स्थापित गरायो भने बिकासको मुल फुट्न सक्छ ।
तपाईलाई चाहीँ जनताले स्थापित गराए, नेताले गराएनन् भन्ने हो ?
यस बारेमा कमेन्ट नगरौ । अन्य साथीहरु जो मन्त्री बन्नु भएको छ । उहाँहरु पनी योग्य नै हुनुहुन्छ । तपाईको प्रश्नको आशय मैले बुझे, मैले मेरो पार्टी सभापती तथा सम्माननीय प्रधानमन्त्री ज्यूलाई भेट्न गएको थिए । मलाई तयारीमा बस भन्नु भयो । खै के तयारी शायद उहाँको आशय मन्त्री बन्नलाई थियो होला तर उहाँका पनि आफ्नै समस्याहरु बाध्यताहरु थिए होला । मलाई गुनासो छैन मलाई राज्यमन्त्रीमा बस भन्नु भयो मैले मानिन । मलाई माया गरेर त नै भन्नु हुन्छ । त पहिलो पटक जितेको छस् प्रधानमन्त्री बनाईदिऊ त ? भन्नु भयो मैले उहाँलाई भने तपाईले ४८ सालमा चुनाव लड्दा कति पटक चुनाब जित्नु भएको थियो । उहाँ पनि पहिलो पटक जितेर नै गृहमन्त्री बन्नु भएको हो । खैर म जनताको एक सिपाई हुँ, जनताको आवाज सधै उठाई रहन्छु मलाई गुनासो छैन ।
कांग्रेस पार्टीमा यूवालाई अगाडि बढाउनलाई बडो मुस्किल पर्छ, समस्या कहाँनेर हो ?
हेर्नुस्, मन्त्री बन्नलाई मन्त्री नै भएको चाहिन्छ भन्न थालियो भने त्यो गलत हुन्छ । म अनुरोध गर्छु अब यूवा साथीहरुलाई ठाउ दिनै पर्छ । राजनीति भनेको जादु जस्तो हैन, यहाँ त जनतालाई गरेर देखाउनु पर्ने हुन्छ । हामी बलियो नहुनुको कारण गुटको कारण हो । कोही खुमबहादुर कांग्रेस, कोही ससांख काग्रेस, कोही प्रकाशमान कांग्रेस, कोही शेरवहादुर कांग्रेस, कोही कता, कोही कता यहि कारण हो हामी कमजोर भएको । अर्को कुरा जनप्रिय भन्दा धन प्रिय खोज्ने प्रवृती सबै पार्टीमा हावी भयो । एमालेले राज्य लक्ष्मी गोल्छालाई ल्यायो अन्य पार्टीमा पनि त्यस्तै छ । माओवादीमा हेर्नुहोस लारकेल लामा हाम्रै पार्टीमा पनि यस्तो पद्धती हाबी हुन खोजेको छ । यसले नकारात्मक असर गर्ने नै भयो ।
भनेपछी पैसा गोजी भरि भएकाहरु सांसद बन्न पाउछन् हो ?
सबैलाई एकै ठाउमा मुछेर हेर्न मिल्दैन तर यसको गन्ध कतै–कतै आएको छ । त्यसैले हामीले अहिले स्थानिय निकायमा प्रत्यक्ष निर्वाचित प्रणालीलाई ब्यबस्था गर्यो । हामीले अब छलछामको राजनीति अन्त्य गर्नै पर्छ । जे भन्छौ त्यो गर्नु पर्छ, जे गर्छौ त्यो भन्नु पर्छ ।
कांग्रेस भित्र एक हातले टिकट दिइन्छ, अर्को हातले अन्य ब्यक्तीलाई पैसा दिएर आधिकारीक ब्यक्तीलाई हराउन पाठईन्छ भन्छन् नी ?
हाम्रो पार्टीमा यतीसम्म भएको त मलाई थाहा छैन तर घात र अन्तरघात भन्ने भएका छन् । हाम्रो पार्टीमा मात्रै हैन एमाले लगाएतका पार्टीमा पनि भएको हामीले सुनेका छौ । मैले भनि सके यस्तो कार्यबाट पार्टीलाई फाईदा हुदैन । सकेसम्म यस्तो कार्यलाई रोक्दै पार्टीलाई मजबुद बनाउनेमा मेरो भुमिका रहन्छ ।
प्रदेश नम्वर २ मा चुनाव हुदैछ के अपेक्षा गर्नु भएको छ ?
पहिलो चरण र दोस्रो चरणको चुनाबमा कांग्रेसलाई आंशिक धक्का परेको कुरा भनिरहन जरुरी छैन तर पहिलो दोस्रो भन्ने सवाल रहेन । लोकतन्त्रको जीत भयो । यो पनि कांग्रेसको जीत हो । केहि समय अगाडि मधेसबादी नेताहरु वारी खाने पारी गएर ढुंगा हान्ने गर्दथे तर अहिले उनिहरु पनि चुनावमा भाग लिन गए । त्यो हाम्रो पहिलो जीत हो । अव अर्को कुरा काग्रेसको गणितिय परिणाम मधेसमा राम्रो आउनेमा ढुक्क हुनुहोस । त्यहाका जनताले नेपाली कांग्रेस पार्टीले गरेका बिकास निर्माणका कार्यको राम्ररी मुल्यांकन गरेका छन र हाम्रो परिणाम सकारात्मक आउनेमा ढुक्क छौ ।
अन्य पार्टीहरु पनि छन् नी कांग्रेस कै पक्षमा परिणाम आउने आधार चाहीँ के नी ?
म तपाईलाई अनुरोध गर्छु । आफुलाई राष्टवादी बताउने केपी ओली जीहरु आफु सत्तामा हुँदा कानमा तेल हालेर बस्ने तर सत्ताबाट बाहिरिन नपाउदै सबै खत्तम भयो भन्न मिल्छ त ? मैले केपी ओली प्रधानमन्त्री हुँदा संसदमा भनेको थिए चीनमा जादा रेलको कुरा गर्ने, भारतमा जादा तेलको कुरा गर्ने किन लीपुलेकको बारेमा कुरा नगर्ने भनेर मैले भनि सके । नेपाली कांग्रेसले जनतको आवाज बोकेर हिडेको छ । हामीले भुमिसुधार अन्त्य गर्र्र्याै । बिर्ता उन्मुलन गर्यौ । देशमा बहुदलीय ब्यवस्था ल्यायौँ । माओवादीलाई युद्धबाट यहाँसम्म ल्यार्यौ । अब भन्नुहोस नेपाली कांग्रेसले के गरेको छैन देश र जनताको लागि । हामीले योगदान गरेका छौ त्यसैले जनता हाम्रो पक्षमा छन् ।
कार्यक्रमको अन्त्यमा छौ, अन्त्यमा के भन्नु हुन्छ ?
म जनताको सेवक हुँ । जनताको आवाज उठाउन जनताका आम सरोकारका विषयमा अनवरत लागि रहने छु ।
यहाँको अमुल्य समय र सम्वादको लागि धन्यबाद ।
मेरा कुराहरु राख्ने अवसर दिनु भएकोमा केटिएम खबर परिवारलाई पनि धन्यवाद ।
सांसद रामहरी खतिवडासंगको भिडियो कुराकानी हेर्नका लागि तलको युटुब लिंकमा जानुहोसः 

You may also Like this

थप समाचार

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण
दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण ...

प्यूठानमा जिप दुर्घटना, एकको मृत्यु
प्यूठानमा जिप दुर्घटना, एकको मृत्यु

प्यूठानमा आज बिहान भएको जिप दुर्घटनाका एकको ज्यान गएको छ ।लु१च ३४७२ नं को पिकअप जिप दुर्घटनामा गौमुखी गाउँपालिका–५ बस्न ...

जापानको पर्यटन एक्स्पोमा नेपालको सहभागिता
जापानको पर्यटन एक्स्पोमा नेपालको सहभागिता

टोकियो, जापान । नेपाल पर्यटन बोर्डले पर्यटन एक्स्पो जापान (जाटा २०१८) मा प्रभावकारी सहभागिता जनाएको छ । सेप्टेम्बर २० देखि २ ...

शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)
शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)

काठमाडौँ । राष्ट्रिय निजी तथा आवासीय विद्यालय एसोसियसन नेपाल (एनप्याब्सन) काठमाडौँले शिक्षा विधेयक संशोधनको माग राख्दै शुक्र ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...