काठमाडौँ ५ प्रदेशसभा ‘ख’: मतदाताहरुको यसरी मन जितेका छन् कांग्रेस उम्मेदवार खड्काले (भिडियो)

२०७४ कार्त्तिक २९ गते २२:४९ मा प्रकाशित


ramesh_1

काठमाडौँ । नेपाली कांग्रेसको काठमाडौँ क्षेत्र नम्वर ५ को क्षेत्रीय सभापतिको जिम्मेवारी सम्हालेर क्षेत्रका विकासमा प्रत्यक्ष रुपमा क्रियाशिल भइ रहेका क्षेत्रीय सभापति रमेश खड्का अहिले काठमाडौँ क्षेत्र नम्वर ५ प्रदेशसभा ‘ख’ का नेपाली कांग्रेसको तर्फबाट उम्मेदवार बनेका छन् । उनै खड्कासंग केटिएम खबरका लागि श्याम कार्कीले उम्मेदवारीको विषयमा विशेष भिडियो कुराकानी गरेका छन् । प्रस्तुत छ सोही कुराकानीको सम्पादित अंशः
यहाँलाई स्वागत छ ।
धन्यवाद
केमा केन्द्रित हुनुहुन्छ ?
चुनाबी माहोल तातेको छ । यहि कुरामा केन्द्रित छु ।
घरदैलो कार्यक्रममा यहाँहरु केन्द्रित भइ रहनु भएको छ, मतदाताहरुको कस्तो प्रतिक्रिया पाइ रहनु भएको छ ?
२०३६ सालदेखी नेपाली कांग्रेसमा आवद्ध रहेर अनवरत रुपमा जनताको सेवा र पार्टीको निरन्तर काम गर्दै आएको, विभिन्न चुनाबहरु मेरो नेतृत्वमा सञ्चालन गर्दै आएको छु । म बाह्रौ महाधिवेशनबाट निर्वाचित क्षेत्रीय सभापति र तेह्रौ महाधिवेशनबाट मेरो कार्यसमिति नै निर्विरोध निर्वाचित भएको कारणले म जनताको माझमा त्यत्ति कै मात्रामा निरन्तर भिजि रहेको छु ।
यो निर्वाचनलाई खास गरेर जुन वाम गठबन्धन छ त्यसलाई हामीले अस्वाभाविक रुपमा लिएको छौँ र जनताहरुले पनि त्यस्तै महशुस गरि रहनु भएको छ किनभने एमाले र माओवादी पनि प्रजातन्त्रलाई मान्छु, बहु–दललाई मान्छु भनेर आएका थिए । गठवन्धन पछी यो संविधान हामी फेर बदल गर्छौ, दुई तिहाइ ल्याउछौँ, कम्युनिष्ट शासन लागु गर्छौ, राष्ट्रपति शासन लागु गर्छौ भनेर वाम गठबन्धन अगाडी बढेको बुझिन्छ यो अस्वभाविक छ ।
यहाँहरु पनि आफ्नो गठवन्धन सहित उम्मेदवार बन्नु भएको छ, यहाँको क्षेत्रमा वाम गठबन्धनको अवस्था कस्तो रहेको छ ?
नेपाली कांग्रेसले दुइ पटक लगातार चुनाव जित्दै आएको छ । अघिल्लो चुनाबमा जसलाई हामीले हराई रहेका छौ उही नै अहिले हाम्रो प्रतिस्पर्धिको रुपमा हुनुहुन्छ । जो अर्को घटक माओवादी उहाँसंग मिलेको छ त्यसको अनुपातमा हामीसंग मिलेको राप्रपाको मत बढि छ । त्यसले पनि हामी बलियो छौँ ।
अहिले क्षेत्र नम्वर ५ प्रदेशसभा ‘ख’ को उम्मेदवार बन्नु भएको छ, क्षेत्रसंगको सम्वन्ध यहाँको कस्तो छ ?, के भन्नुहुन्छ ?
क्षेत्र नम्वर ५ मा नै म जन्मेको हुँ । हुर्केको, खेलेको, पढेको हुँ । मलाई त यो क्षेत्र मेरो घर, आगन जस्तै लाग्छ । टोखाको चण्डेश्वरी, बुढानिलकण्ठको डाडा गाउँ, हाडिगाउँ, लाजिम्पाट, महाराजगञ्ज, बासबारी, हात्तिगौडामा म सानैदेखी नै म परिचित छु । जसको कारण मेरो लागि यो क्षेत्र आफ्नो घर, आगन जस्तै लाग्छ ।
यहाँको उम्मेदवारी किन र केका लागि ?
खासगरी नेपाली कांग्रेसले बहुवाद, बहुदलिय व्यबस्था, स्वतन्त्र न्यायपालिका, आफ्नो सम्पतिलाई आफैले राख्न पाउने सुनिश्चितता, वाक स्वतन्त्रतालाई अंगाल्दै आएको छ र त्यसको लागि म लड्दै आइरहेको छु । त्यसलाई दिगो बनाउन र अहिलेको संविधानको मर्मलाई कार्यन्वयनका लागि मेरो उम्मेदवारी हो । यसैगरी म स्थानिय व्यक्ति पनि हुँ । यहाको दैनिक रुपमा आई पर्ने समस्याहरु, विकास निर्माणमा आइ पर्ने कठिनाईहरुको निवाकरण गर्नका लागि पनि मेरो उम्मेदवारी हो ।
यहाँबाट क्षेत्रबासीहरुले के पाए ?
अहिलेसम्म जननिर्वाचित भएर जनतामा जाने मौका पाएको छैन । पार्टीको माताहतमा रहेर सामाजिक काम गर्दै आएको छु । पार्टीमा रहेर पनि बासबारी प्रहरी सेवा केन्द्रको अध्यक्ष भएर काम गरे । त्यसबाट पनि धेरै सामाजिक गतिविधिलाई अगाडी बढाएको छु । जनप्रतिनिधि नभए पनि मैले क्षेत्रका जनताहरुको हरेक सुख–दुःखमा साथ दिएको छु । यहाँका स्थानियबासीहरुलाई सोध्नु भए पनि हुन्छ, मैले उहाँहरुलाई सक्ने सहयोग गरेको छु ।
मतदाताहरुको साथ, सहयोग पाउने कुरामा कत्तिको ढुक्क हुनुहुन्छ ?
म एकदम ढुक्क छु किनभने मतदाताहरु मेरो साथी, छिमेकी, सहकर्मी हुनुहुन्छ । यो क्षेत्रको सबै ठाउँबाट म परिचित पनि छु । हिजोको दिनहरुमा र अहिले पनि उहाँहरुको समस्याहरुको समाधानका लागि तल्लिन छु । यस हिसाबले पनि मतदाताहरुको साथ पाउने कुरामा ढुक्क छु ।
रमेश खड्कासंगको थप कुराकानी तथा भिडियो कुराकानी हेर्नका लागि तलको युटुब लिंकमा जानुहोसः

You may also Like this

थप समाचार

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण
दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण

दसैँको बेला भइरहेको महंगी नियन्त्रण गर्न के गर्नुपर्छ ?, मत सर्वेक्षण ...

प्यूठानमा जिप दुर्घटना, एकको मृत्यु
प्यूठानमा जिप दुर्घटना, एकको मृत्यु

प्यूठानमा आज बिहान भएको जिप दुर्घटनाका एकको ज्यान गएको छ ।लु१च ३४७२ नं को पिकअप जिप दुर्घटनामा गौमुखी गाउँपालिका–५ बस्न ...

जापानको पर्यटन एक्स्पोमा नेपालको सहभागिता
जापानको पर्यटन एक्स्पोमा नेपालको सहभागिता

टोकियो, जापान । नेपाल पर्यटन बोर्डले पर्यटन एक्स्पो जापान (जाटा २०१८) मा प्रभावकारी सहभागिता जनाएको छ । सेप्टेम्बर २० देखि २ ...

शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)
शिक्षा विधेयक संशोधनको माग राख्दै एनप्याब्सन काठमाडौको ११ बुँदे माग (भिडियो)

काठमाडौँ । राष्ट्रिय निजी तथा आवासीय विद्यालय एसोसियसन नेपाल (एनप्याब्सन) काठमाडौँले शिक्षा विधेयक संशोधनको माग राख्दै शुक्र ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...