प्रदेशमा ५ वर्षलाई कांग्रेस सत्ताबाहिर : प्रमुख प्रतिपक्षी दलको नेतामा को-को आकांक्षी ?

२०७४ माघ २३ गते १९:२७ मा प्रकाशित


nc

काठमाडौं–वामगठन्धन प्रदेश सरकारको तयारीमा जोडतोडले लागिरहँदा नेपाली काँग्रेस भने सुस्त गतिमा प्रदेशमा विपक्षी दलको नेता चयन प्रक्रियामा लागेको छ । 

काँग्रेसका शीर्ष नेताको बैठकले तीन दिनअघि संसदीय दलको नेता चयन र दलको सञ्चालनको विधी मस्यौदा गर्न तीन सदस्यीय समिति गठन गरिएको थियो  । नेता मिनेन्द्र रिजाल संयोजक रहेको समितिमा केन्द्रीय कार्यालयका मुख्य सचिव कृष्ण प्रसाद पौडेल र सूचना अधिकारी केशव रिजाल सदस्य छन् । 

प्रदेश २ मा नेपाली काँग्रेसबाट दलको नेता चुन्ने काम सकिएको छ भने राष्ट्रिय सभाको निर्वाचन लगत्तै अन्य प्रदेशका दलको नेता चयन हुने बताइएको छ । चयन हुन बाँकी रहेका प्रदेशहरुमा  दर्जन बढी नेताहरु आकांक्षी देखिएका छन् । ५ वर्षकाे लागि प्रदेश नम्बर २ बाहेकका प्रदेशमा वाम सरकार बन्दै छ भने प्रदेश २ मा मधेसी दलको सरकार बन्दैछ । 

प्रदेश १
प्रदेश १ मा  वाम गठबन्धनले सरकार बनाउने तयारी गर्दै  गर्दा कांग्रेस भने विपक्षी दल बन्ने भएको छ ।  प्रदेश २ मा प्रमुख  प्रतिपक्षी दलका लागि विशेषगरी दुई अनुहार अगाडि देखिएका छन् ।  सुनसरी पार्टी सभापति राजीव कोइराला र मोरङका महाधिवेसन प्रतिनिधि केदार कार्की  प्रमुख प्रतिपक्षी दलको नेताको रुपमा अगाडि देखिएका हुन् । 
कोइराला सुनसरी २ को ख बाट निर्वाचित भएका थिए भने कार्की मोरङ ६ को ख बाट विजयी भएका थिए । प्रदेश १ बाट प्रदेशसभा सदस्यमा नेपाली काँग्रेसले प्रत्यक्षमा ८ र  समानुपातितर्फ १३ स्थान जितेको थियो । 
प्रदेश २ 
प्रदेश २ मा काँग्रेस संसदीय दलको नेतामा रामसरोज यादव सोमवार चयन भएका छन् । धनुषा ३ क बाट निर्वाचित यादव धनुषा जिल्ला सभापति पनि हुन् । 
संसदीय दलको नेतामा आकाक्षी देखिएका पर्साका ओमप्रकाश शर्माले पनि यादवलाई समर्थन गरेपछि यादवको वाटो खुलेको थियो । प्रदेश २ मा नेपाली काँग्रेस चौथो स्थानमा रहेको छ । नेपाली काँग्रेसका प्रदेश २ मा १९ सदस्य छन् । प्रदेश सभातर्फ प्रत्यक्षमा आठ स्थान जितेको  काँग्रेसले समानुपातिकतर्फ ११ जनालाई चयन गरेको छ । प्रदेश नम्बर २ मा एक्लाएक्लै भएको अवस्थामा एमाले प्रमुख प्रतिपक्षी दलको रुपमा देखिएको छ ।  २ मा मधेसी दलले सरकार बनाउने तयारी थालेका छन् । 
प्रदेश ३ 
प्रदेश ३ मा वाम सरकार बनाउने तयारी भइरहँदा प्रमुख प्रतिपक्षी दलमा मुख्यतयाः दुई नेताको नाम चर्चामा आएको छ । प्रत्यक्षमा काठमाडौं ४ क वाट जितेका नरोत्तम वैद्य र मकवानपुरबाट समानुपातिकमा परेका इन्द्र वहादुर बानियाँको नाम चर्चामा आएको छ । वैद्य कांग्रेस महासमिती सदस्य हुन् भने वानिया मकवानपुर जिल्ला सभापति हुन् । 
पशुपति विकास कोषमा लामो समय काम गरेका वैद्य काँग्रेसमा सादगाी नेताका रुपमा चिनिन्छन् । पर्यटन र गृह राज्यमन्त्रीको भुमिका निर्वाह गरिसकेका वानियाले भने ‘ विधान तयारीसँगै प्रदेश ३ मा दलको नेता चयन हुन्छ ।’ काँग्रेसमा दलको हस्तक्षेप पनि हुने भएकोले केन्द्रले जसलाई भन्यो त्यहि व्यक्ति हुनसक्ने वताए । 
६६ सिट रहेको प्रदेश ३ मा प्रदेश सभा सदस्यमा काँग्रेसले सात स्थानमा मात्रै जीत निकालेको थियो । समानुपातिक तर्फ छनोट भएका ३ सदस्यसँगै प्रदेश सभामा १० सदस्यले प्रतिनीधित्व गर्ने  भएका छन् । 
प्रदेश ४ 
नवलपुर १ क बाट प्रत्यक्षमा निर्वाचित कृष्णचन्द्र नेपाली र कास्कीबाट समानुपातिकमा छनोट भएका कुमार खड्का प्रदेश ४ को  प्रमुख प्रतिपक्षी दलको आंकाक्षीका रुपमा अघि देखिएका छन् ।
काँग्रेसका पूर्व केन्द्रिय सदस्य समेत रहेका नेपाली नवलपरासी काँग्रेसको ४ पटक जिल्ला सभापति भएका थिए । नेपाली काँग्रेसमा लामो समयको त्यागका कारण दलको नेता चुनिनेमा विस्वस्त रहेको नेपालीले बताए  । अखण्ड पार्टीबाट काँग्रेस प्रवेश गरेका कुमार खड्का पनि ४ नम्बर प्रदेशको प्रतिपक्ष दलको नेतामा अर्का बलियो आंकाक्षी देखिएका छन् । 
कास्कीबाट समानुपातिक सूचीमा परेका खड्का काँग्रेसको आमन्त्रित केन्द्रिय सदस्य समेत हुन् । प्रतिनिधी तथा प्रदेश सभा सदस्य भइसकेका खड्का महिला तथा वालवालिका मन्त्री पनि भएका थिए । 
खड्काले प्रतिपक्ष दलको नेतालाई दलले औपचारिक निर्णय नगरिसकेको जनाउँदै संसद र मन्त्रीको अनुभव संगालिसकेकोले आफू प्रमुख दावेदार रहेको तर्क गरे । 
बागलुङबाट समानुपातिकमा परेका मणि भद्र शर्मा कँडेलले इच्छा व्यक्त गरेपनि नेपालीलाई समर्थन गर्ने मनशाय बनाएका छन् । काँग्रेसबाट प्रदेश ४ मा प्रदेश सभा प्रत्यक्षमा छ जना विजयी भएका थिए भने समानुपातिकबाट ९ जना  चयन भएका थिए । प्रदेश संसदमा काँग्रेसबाट १५ जना सदस्य रहेका छन् । 
प्रदेश ५ 
प्रदेश ५ मा प्रमुख विपक्षी दलको नेतामा कांग्रेसमा त्रिपक्षी भिडन्त हुने देखिएको छ ।  विरेन्द्र कुमार कनौडिया, डिल्ली वहादुर चौधरी र वीर वहादुर रानाले प्रतिपक्ष दलको नेतामा दावी गरेका छन् । 
कपिलवस्तु ३ ख बाट विजयी भएका  विरेन्द्रकुमार कनौडियाले प्रमुख दावेदार रहेको बताए । ०५६ मा निर्वाचित सांसद रहेका कनौडिया जलस्रोत मन्त्री पनि भएका थिए । कनौडियाले आफ्नो आसपासका जिल्लाका प्रदेश सदस्यहरुले सहयोग गर्ने भएकोले आफु नै दलको नेता भएको दावी गरे । काँग्रेसले कपिलवस्तुवाट समानुपातिकमा ४ सदस्य छनोट गरेको थियो ।  दलले प्रदेश मुख्य मन्त्रीका रुपमा अघि सारेको वताउँदै कनौडियाले भने ‘मेरो प्रतिस्पर्धी  अरु छैनन् ।’ 
श्रमराज्य मन्त्री समेत रहेका चौधरी पनि प्रतिपक्ष दलको नेताका अघि सरेका  छन् । दाङ ३ क बाट विजयी चौधरीले ०७० को निर्वाचनमा पनि दाङबाट चुनिएका थिए । काँग्रेस पाल्पाका जिल्ला सभापति वीर वहादुर रानाले पनि इच्छा  देखाएका छन् । समानुपातिकमा छनौट भएका राना काँग्रेस पाल्पाका पुराना नेता हुन् । 
५२ स्थान रहेको प्रदेश सभामा प्रदेश ५ बाट काँग्रेस उम्मेदवारले सात स्थान जितेका थिए भने समानुपातिकका १२ गरि १७ जनाले प्रदेश सभामा प्रतिनीधित्व गरेका छन् । 
प्रदेश ६ 
प्रदेश ६ मा भने दलको नेतामा कांग्रेसबाट एक्लो दावी परेको छ । काँग्रेसका केन्द्रिय सदस्य जीवन वहादुर शाही प्रमुख प्रतिपक्ष दलको नेतामा चुनिने भएका छन् । 
हुम्ला ख बाट विजयी भएका शाही प्रदेश ६ मा काँग्रेसबाट विजयी हुने एक्ला उम्मेदवार हुन् । प्रमुख प्रतिपक्ष दलको नेता बन्न लागेका शाही पुर्व मन्त्री पनि हुन् । शाहीले पर्यटन र खानेपानी तथा सरसफाई मन्त्रालय सम्हालेका थिए । प्रदेश  सिट संख्या २४ रहेको प्रदेश  ६ मा काँग्रेसवाट शाहीले नेपाली काँग्रेसलाई निल हुनबाट जोगाएका थिए । 
प्रदेश ७
प्रदेश ७ मा कांग्रेसका प्रत्यक्षमा निर्वाचन जितेका तीन र समानुपातिकमा परेका एकले गरि चार जना  दलको नेताको चर्चामा  आएका छन् । डा. रण वहादुर मल्ल ,कर्ण वहादुर मल्ल र डिल्लीराज पन्त र देवराज पाठक आकाक्षी देखिएका छन् । रावलले कैलाली १ को ख, मल्लले डडेल्धुरा ख र पन्तले कैलाली ५ ख बाट निर्वाचन जितेका थिए भने पाठक डोटीबाट समानुपातिकमा परेका थिए । 
आकांक्षी रावल कैलालीमा ०७० को निर्वाचनमा पराजित उम्मेदवार हुन् । मल्ल डडेल्धुरा जिल्ला सभापति हुन् भने पाठक डोटीका पुर्व उपसभापति हुन् । पन्त महासमिती सदस्य हुन् । डोटीबाट समानुपातिकमा परेका पाठकले सहमति आफ्नो नाममा नभए मतदान मार्फत चयन हुने वताए । 
प्रदेश ७ मा काँग्रेसबाट प्रदेश सभा सदस्यमा ४ उम्मेदवार विजयी भएका थिए भने समानुपातिक तर्फ ८ जना सदस्य छनोट भएका थिए । कुल ३२ सदस्यीय प्रदेश सभामा नेपालीबाट प्रतिनीधित्व गर्ने १२ जना छन् । 

साभारः रातोपाटी डटकम 

You may also Like this

थप समाचार

कसले जित्ला वल्र्ड कपको उपाधि ?, फ्रान्स कि क्रोएसिया ?, मत सर्वेक्षण
कसले जित्ला वल्र्ड कपको उपाधि ?, फ्रान्स कि क्रोएसिया ?, मत सर्वेक्षण

कसले जित्ला वल्र्ड कपको उपाधि ?, फ्रान्स कि क्रोएसिया ? ...

स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह
स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह

काठमाडौं । स्वास्थ्य तथा जनसंख्या मन्त्रालयले देशमा बाढी पहिरो र सरुवा रोगको प्रकोप बढ्न सक्ने हुनाले विदामा नबस्न सबै सरकारी ...

५० देशका सुन्दरी प्रतियोगितामा नेपालबाट युनिता
५० देशका सुन्दरी प्रतियोगितामा नेपालबाट युनिता

काठमाडौँ ५० देशको सुन्दरी प्रतियोगिता दोस्रो ‘मिस वर्ल्ड डाइभर्सिटी २०१८’ मा नेपालबाट युनिता खत्रीले सहभागीता जना ...

विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !
विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !

अाजबाट सुरू हुन लागेकाे विश्वकप फुटबलकाे उद्घाटन खेलमा रूसले जित्ने भविष्यवाणी भएकाे छ । ‘एकिलिज’ नामकाे कान नसुन ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...