भोलि रातिबाटै मत गणनाः निर्वाचन आयोग

२०७४ बैशाख ३० गते १४:०१ मा प्रकाशित


Election-Commission-Nepal_1काठमाडौँ, बैशाख ३० । निर्वाचन आयोगले स्थानीय तहको पहिलो चरणको मतदान लगत्तै सम्बन्धित स्थानीय तहको केन्द्रमा मतगणना सुरु गर्ने भएको छ। आयोगका प्रवक्ता सूर्यप्रसाद शर्माका अनुसार, २ सय ८३ वटै स्थानीय तहमा एकसाथ मतगणना हुनेछ। उनले यससम्बन्धी अधिकार निर्वाचन अधिकृतको कार्यालयलाई दिइएकोले मतगणना सम्बन्धमा आयोगले थप नयाँ निर्णय गर्नु नपर्ने समेत बताए।

मतपेटिका ओसार(पसार गर्दा सुरक्षामा जटिलता आउनसक्ने भएकाले सदरमुकामसम्म नलैजाने र स्थानीय तहको केन्द्रमा नै मतगणना गर्ने आयोगले जनाएको नेपालखबरलाई जानकारी दिए। दोस्रो चरणको निर्वाचनसम्म मतगणना पर्खिने कि नपर्खिने भन्ने द्विविधाबीच मतपेटिका गणनास्थल पुगेपछि प्रक्रिया पुरा गरेर मतगणना सुरु गरिने भएको हो। मतगणना कहिलेबाट र कहाँ गर्ने भन्ने अधिकार निर्वाचन ऐनले नै निर्वाचन अधिकृतको कार्यालयलाई प्रदान गरेको हो।

निर्वाचन अधिकृतको कार्यालयले स्थानीय राजनीतिक दलसँगको समझदारीमा मतगणना हुने स्थान तथा समय टुंगो लगाउने र त्यसबारे सूचना टाँसेर जानकारी दिने कानुनी व्यवस्था छ। हरेक गाउँपालिकाको केन्द्रमा निर्वाचन अधिकृतको कार्यालय खुलेकाले सोही कार्यालयमै हरेक वडा र तहको मतगणना हुनेछ।

आयोगले वैशाख ३१ गते बिहान ७ देखि साँझ ५ बजेसम्म मतदानको समय निर्धारण गरेको छ । साँझ ५ बजेसम्म मतदानको समय तोकिए पनि ५ बजेसम्म लाममा बसेकाले आफ्नो मत राख्न पाउनेछन्। दिनभरिको थकाइ, मतपेटिका संकलन, गणना गर्ने स्थल छनोटलगायत प्राविधिक काम गर्नुपर्ने भएकाले जेठ १ गतेबाट सबै ठाउँमा गणना सुरु हुनसक्ने आँकलन गरेको आयोगले केही स्थानमा ३१ गते रातिबाटै मतगणना सुरु हुने जनाएको छ।

पहिलो चरणमा तीन प्रदेशका ३४ जिल्लाका २ सय ८३ स्थानीय तहमा निर्वाचन हुँदैछ । उक्त निर्वाचनमा १३ हजार ५ सय ५६ जनप्रतिनिधिका लागि ४९ हजार तीन सय ३७ जना उम्मेदवारले प्रतिस्पर्धा गर्दैछन्। उनीहरुलाई ४९ लाख ५६ हजार नौ सय पच्चीस मतदाताले मतदान गर्नेछन् । निर्वाचन आयोगले मनाङ, डोल्पालगायत केही हिमाली जिल्लाका मतपेटिका सम्बन्धित तहमा लैजान हेलिकोप्टरको प्रयोग गर्ने तयारी गरेको छ।

निर्वाचन सम्पन्न भएको तीन घन्टाभित्र मतदान अधिकृतको कार्यालयसम्म मतपेटिका पुर्‍याउने तयारी गरेको निर्वाचन आयोगले आवश्यक परेका अन्य स्थानमा समेत हेलिकोप्टरबाट मतपेटिका ओसारपसार गर्ने भएको छ। मतपत्र र मतपेटिकाको सुरक्षाको जिम्मा नेपाली सेनालाई दिएको छ।

You may also Like this

थप समाचार

कालीकोटमा कफ्र्यु दुई दर्जन घाइते
कालीकोटमा कफ्र्यु दुई दर्जन घाइते

कालीकोट – म्यादी प्रहरी विवेक ऐडीको मृत्युको विषयलाई लिएर जिल्ला प्रशासन कार्यालयमा धर्नामा बसेका नागरिक समाजका अगुवामा ...

चलचित्र फिक्काको उत्साहजनक व्यापार
चलचित्र फिक्काको उत्साहजनक व्यापार

काठमाडौँ । चलचित्र फिक्काले पहिलो दिन उत्साहजनक व्यापार सुरु गरेको छ। सोचे भन्दा धेरै नै बढी राम्रो प्रतिकृया पाएको चलचित्रक ...

बिनाको जीवनका ती प्रकाश सँधैका लागि निभे ! (तस्विरहरु)
बिनाको जीवनका ती प्रकाश सँधैका लागि निभे ! (तस्विरहरु)

काठमाडौ । आगामी मंसिरमा हुने निर्वाचनमा कञ्चनपुरबाट उम्मेदवार बनेकी माओवादी केन्द्रकी नेतृ तथा प्रकाश दाहालकी पत्नी बिना मगर ...

राष्ट्रपति र प्रमुख निर्वाचन आयुक्तवीच भेटवार्ता हुँदै
राष्ट्रपति र प्रमुख निर्वाचन आयुक्तवीच भेटवार्ता हुँदै

२८ असोज, काठमाडौं । प्रधानमन्त्री शेरबहादुर देउवाले निर्वाचन आचारसंहिता विपरीत मन्त्रिपरिषद विस्तार गरेपछि नयाँ मन्त्री र रा ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...