भक्तपुर नगरपालिकामा नेमकिपाको जित सुनिश्चित

२०७४ जेष्ठ ५ गते १८:०५ मा प्रकाशित


madal_1भक्तपुर, जेठ ५ । भक्तपुर नगरपालिकाको प्रमुखमा नेपाल मजदुर किसान पार्टीका उम्मेदवार सुनिल प्रजापतिको जित सुनिश्चित भएको छ ।


भक्तपुरका १० मध्ये ८ ओटा वडाको मतगणना सम्पन्न हुँदा नेमकिपाका प्रजापतिले नेपाली कांग्रेसका रामप्रसाद कासुलाभन्दा झन्डै चौब्बर मतअन्तरले अग्रता लिएका हुन् ।

पछिल्लो मतगणनामा प्रजापतिले २० हजार एक सय ९४ र कासुलाले पाँच हजार छ सय १७ मत प्राप्त गरेका छन् ।

उपप्रमुखमा पनि नेमकिपाकी रजनी जोशीको जित पक्का भएको छ । जोशीले २० हजार तीन सय ३३ र कांग्रेसकी गंगालक्ष्मी अवालले पाँच हजार दुई सय ९४ मत प्राप्त गरेका छन् ।

मतगणना सम्पन्न भएका ८ ओटै वडामा नेमकिपाको समूह नै विजयी भएको छ ।

विजयी हुने वडाध्यक्षमा क्रमशः श्यामकृष्ण खत्री, हरिप्रसाद वासुकला, राजकृष्ण गोरा, कुमार चवाल, प्रेमगोपाल कर्माचार्य, हरिराम सुवाल, उकेश कवां र महेन्द्र खायमली छन् ।

त्यसैगरी, मध्यपुर थिमी नगरपालिकाको मतगणना सम्पन्न भएका चारओटा वडामध्ये सबै वडाध्यक्षमा कांग्रेसका उम्मेदवार विजयी भएका छन् ।

प्राप्त परिणामानुसार मध्यपुर–१ मा सुरज खड्का, २ मा राम थापामगर, ३ मा प्रेमबहादुर कुटु र ४ मा कुमार श्रेष्ठ विजयी भएका हुन् ।

मध्यपुर वडा नम्बर–१ र ३ मा कांग्रेसको समूह तथा वडा नम्बर–२ मा नेकपा एमालेले महिला सदस्य एक र वडा नम्बर–४ मा खुला सदस्यमा जित हासिल गरेको छ ।

सूर्यविनायक नगरपालिकामा पनि मिश्रित परिणाम आएको छ । सूर्यविनायकका पाँचओटा वडाको नतिजा सार्वजनिक हुँदा काँग्रेसले दुई र एमालेले तीनओटा वडामा अध्यक्ष जितेको छ ।

सूर्यविनायक–१ मा एमालेका सानुकाजी कायस्थको समूहले जित हासिल गरेको छ भने वडा नम्बर–२ मा कांग्रेसले खुला एक सदस्यबाहेकमा कमलनाथ आचार्यको नेतृत्वमा जित हासिल गरेको छ ।

वडा नम्बर–३ मा कांग्रेसका शिवशरण खत्रीको समूह तथा वडा नम्बर–४ मा एमालेका उत्तम थापा र ५ मा राजकुमार जोशीको समूह विजयी भएको छ ।

चाँगुनारायणमा भने अहिलेसम्म वडाध्यक्षमा कांग्रेसका क्रमशः राजेश खड्का र शिवहरि केसीका समूह विजयी भएका छन् । रासस

You may also Like this

थप समाचार

ट्रम्प र किमको भेट सिंगापुरमा हुने टुंगो
ट्रम्प र किमको भेट सिंगापुरमा हुने टुंगो

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ तारिखमा सिंगापुरमा भेटवार्ता ह ...

पर्सामा स्थानीय र प्रहरीबीच झडप, ५ प्रहरी घाइते
पर्सामा स्थानीय र प्रहरीबीच झडप, ५ प्रहरी घाइते

२४ वैशाख, वीरगञ्ज । अपराधी छुटाउन प्रहरी कार्यालय पुगेका स्थानीय र प्रहरीबीच पर्सामा झडप भएको छ । घटनामा ५ प्रहरी घाइते भएका ...

डा. देवकोटालाई नेपाल ल्याइयो
 डा. देवकोटालाई नेपाल ल्याइयो

काठमाडौं । प्रख्यात न्युरो सर्जन डा. उपेन्द्र देवकोटालाई बेलायतमा रहेको किङ्स कलेज हस्पिटलमा पाँच महिना लामो उपचारपछि नेपाल ...

ऐतिहासिक वार्तापछि दुई कोरियाको ‘परमाणु वाचा’
ऐतिहासिक वार्तापछि दुई कोरियाको ‘परमाणु वाचा’

दुई कोरियाको सीमाक्षेत्रमा भएको ऐतिहासिक वार्तापश्चात् उत्तरका नेता किम जङ-अन तथा दक्षिणका राष्ट्रपति मून जे-इनले कोरियाली प ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...