उपत्यकामा सवारी जामको समस्या बढ्दो, व्यवस्थापन कार्य जटिल एंव चुनौतीपूर्ण बन्दै

२०७३ जेष्ठ ९ गते २०:२३ मा प्रकाशित


काठमाडौ उपत्यकामा सवारी जामको समस्या दिनानुदिन बढिरहेको छ । काठमाडौका बिभिन्न स्थानमा सडक फराकिलो त भयो तर समस्या भने ज्युँका त्युँ छन । तत्काल यसको न कुनै समाधान देखिन्छ न त कूनै बिकल्प नै खोजिएको छ । त्यसैले पनि उपत्यकाको जामबाट सवारी प्रयोगकर्ताहरु दिक्क हुन थालेका छन् ।

उपत्यकामा ट्राफिक जामको समस्या पुरानो होईन । तर यो समस्या दिनानु दिन बढ्दै छ । एकातिर उपत्यकामा सवारी साधनको चाप बढ्दै छ भने अर्कोतिर साँघुरा सडकहरुका कारण यात्रुहरुले यो समस्या भोग्दै आएका छन् । काठमाडौँ उपत्यकामा आठ लाख ५० हजारभन्दा बढी सवारीसाधन रहेको र एक हजार ५०० किलोमिटर मात्र सडक भएकाले धेरै जाम पर्ने गरेको ट्राफिक महाशाखाले जनाएको छ । काठमाडौँ उपत्यकामा धेरै सवारीसाधन, साँघुरो सडक, निर्माणाधीन सडकहरुको कारण र जथाभावी सवारीसाधन रोक्दा धेरै जाम हुने गरेको महानगरीय ट्राफिक प्रहरी महाशाखाका प्रबक्ता लोकेन्द्र मल्लले जानकारी दिनुभयो ।

काठमाडौँ उपत्यकाका मुख्य चोकमा ट्राफिक जाम हुने गरेको छ । काठमाडौँ उपत्यकाको त्रिपुरेश्वर, कालीमाटी, भोटेबहाल, थापाथली, माइतीघर, कलङ्की, जमल, सोह्रखुट्टे, बालाजु, चावहिल, कोटेश्वर लगायतका चोकमा धेरै ट्राफिक जाम हुने प्रबक्ता मल्लले बताउनुभयो । यी चोकमा एउटा सवारीसाधनले कम्तीमा १५ देखि मिनेट रोकिनुपर्ने उहाँले बताउनुभयो ।

अर्कोतिर काठमाण्डौमा उपयुक्त पार्किङको अभाबका कारण सडकमै पार्किङ गर्दा सवारी जाम हुने गरेको छ । त्यस्तै बिभिन्न राजनैतिक पार्टीहरुले सडकमा नारा जुलुस गर्दा यसको असर झनै बढि पर्ने गरेको देखिन्छ । यस्तै, बर्खायाममा उपत्यकाका अधिकांश सडकमा पानी जम्ने हुनाले अझ धेरै जाम हुने गरेको छ । यतिमात्र नभई उपत्यकामा ट्राफिक जनशक्ति कम र विशिष्ट व्यक्तिको आवागमन हुँदा सवारी जाममा थप समस्या पर्ने गरेको छ । उपत्यकामा दुई हजारभन्दा बढी ट्राफिक जनशक्ति हुनुपर्नेमा हाल एक हजार २०० जनशक्ति रहेको छ । यस्तै, नारा, जुलुस निस्कँदा त सवारीसाधन झन् अस्तव्यस्त हुने गरेको महाशाखाले जनाएको छ ।

पछिल्लो समय काठमाण्डौ उपत्यकाको ट्राफिक व्यवस्थापन गर्ने कार्य जटिल एंव चुनौतीपूर्ण बन्दै गएको छ । काठमाण्डौ उपत्यकाको शहरी विकासको अनुपातमा सडक बिस्तार र सडक पूर्वाधारहरु निर्माण हुन नसक्नु, पार्किङको असुबिधा, विविध कारणबाट यातायात क्षेत्र सरकारको प्राथमिकतामा पर्न नसक्नु, यातायात क्षेत्रमा रुट, सिण्डिकेट लगायत कुराहरुमा निश्चित समूहहरुको मात्र पहुंच हुनु आदि कारणले गर्दा समस्या जटिल बन्दै गएको छ । यसतर्फ सरकारले बिशेष योजनाका साथ सोच्नु जरुरी देखिन्छ ।

श्रोत : न्युज२४टेलिभिजन

You may also Like this

थप समाचार

मिस वर्ल्डको उपाधि भारत की मानुषी छिल्लरलाई
मिस वर्ल्डको उपाधि भारत की मानुषी छिल्लरलाई

काठमाडौँ । चिनको सनाया सिटी एरेनममा शनिबार भएको मिस मिस वर्ल्ड २०१७ को उपाधि भारत की मानुषी छिल्लरले जितेकी छिन् । अन्य १०८ ...

लायन्स क्लब र सेचन हस्पिटलको सहकार्यमा ज्ञान चक्षुले गर्यो विद्यार्थीहरुको निःशुल्क स्वास्थ्य जाच
लायन्स क्लब र सेचन हस्पिटलको सहकार्यमा ज्ञान चक्षुले गर्यो विद्यार्थीहरुको निःशुल्क स्वास्थ्य जाच

काठमाडौँ । बासबारी भेटघाट चोकमा रहेको ज्ञान चक्षु इंग्लिस हाई स्कुलले शुक्रबार आफ्ना अध्यनरत विद्यार्थीहरुको निःशुल्क स्वास् ...

गोप्य मतदानको बाधक प्रहरी नै !
गोप्य मतदानको बाधक प्रहरी नै !

गोप्य मतदानबाट जनप्रतिनिधि चुनिने संवैधानिक र कानुनी व्यवस्था छ। मतदाता पनि आफैंले मतदान गरेको मतपत्र सार्वजनिक गरे सजायको भा ...

अस्ट्रेलियामा सबैभन्दा बढी रोजगारी पाउने आप्रवासी बने नेपाली
अस्ट्रेलियामा सबैभन्दा बढी रोजगारी पाउने आप्रवासी बने नेपाली

३० कात्तिक, काठमाडौं । अस्ट्रेलियामा विदेशी मुलका मानिसमध्ये बेरोजगारी दर कम हुने आप्रवासीमा नेपालीभाषी रोजगारी सूचीको अग्रस् ...

IME Rashifall Ncell

worldब्लग /विचारपुरा हेर्नुहोस्

दातको दुखाई र समाधान

सामान्यतया दाँतको दुखाई दुई प्रकारको हुने गर्दछ ।  (१) दाँत किराले खाएर/सड्दै/बिग्रदै दुख्ने(२) दाँत किराले नखाई/नसड्दै/नबिग् ...


भारत ब्रिटिसको गुलाम थियो, त्यहाँ अझै ब्रिटिसको बिऊ बाकी छ

रवि भट्टराई । रोटी र बेटीको संबन्ध हो भनेर नेपाल र भारतको सम्बन्धलाई आफै प्रस्ट्याउने भारतले, बेटीलाई रोटी बन्द गर्ने तहसम्म आफै ...