नयाँबानेश्वर र महाराजगञ्जमा पनि अन्डरपास

२०७४ माघ २४ गते ०९:२० मा प्रकाशित


Underpass

२४ माघ, काठमाडौं । अत्यधिक सवारी चाप रहने कलंकीमा अन्डरपास निर्माण अन्तिम चरणमा पुग्दै गर्दा सरकारले थप दुई ठाउँमा पनि सम्भाव्यता अध्ययन थालेको छ ।

कलंकीजस्तै सवारी चाप रहने महाराजगञ्ज र नयाँबानेश्वरमा पनि सुरुङमार्ग निर्माणको योजना अगाडि बढेको हो । सम्भाव्यता अध्ययनका लागि परामर्शदाता छनोटको प्रक्रिया शुरु भएको छ ।

यसअघि दुवै स्थानमा फ्लाइओभर निर्माण गरेर सवारी व्यवस्थापन मिलाउने सरकारी योजना थियो । काठमाडौं–भक्तपुर ६ लेन सडकको एक मुख्य खण्ड हो, नयाँबानेश्वर चोक । र, चक्रपथमा पर्ने महाराजगञ्ज सडकलाई पनि आठ लेनको बनाउने योजना छ ।

सडक विस्तारसँगै फ्लाइओभर निर्माण असम्भव भएकाले अन्डरपासको योजना अगाडि सारिएको सडक विभागको भनाइ छ ।

विभागका उपमहानिर्देशक अर्जुनजंग थापाका अनुसार चार वर्षभित्र अन्डरपास नै तयार पारिसक्ने सोचअनुसार अध्ययन गर्न लागिएको हो । र, सम्भाव्यता अध्ययन १० महिनामा सक्ने योजना छ ।

‘काठमाडौंको जाम हटाउन सडक विस्तारसँगै अन्डरपासहरुको निर्माण गर्नुपर्ने देखियो, त्यसैले अहिलेलाई दुई स्थानमा अध्ययन गर्न लागिएको हो,’ थापाले भने ।

नयाँबानेश्वरमा कोटेश्वर, तीनकुने, रत्नपार्क, शंखमुल, पुरानोबानेश्वर र अनामनगर आउजाउ गर्ने सवारीसाधनको चाप रहन्छ । महाराजगञ्जमा चक्रपथ, लाजिम्पाट, बालुवाटार, बूढानीलकण्ठ आउजाउ गर्ने सवारी साधनले जाममा फस्नुपर्छ ।

नयाँबानेश्वरमा बन्ने अन्डरपासका कारण पुरानोबानेश्वर, शंखमुल, कोेटेश्वर र बबरमहलतर्फ आउजाउ गर्ने सवारी साधनले जाममा फस्नु पर्दैन । महाराजगञ्जको अन्डरपासले लाजिम्पाट, बूढानीलकण्ठ आउजाउ गर्ने सवारी पनि ट्राफिक जामबाट मुक्त हुनेछन् ।

दुवै सुरुङमार्ग स्वदेशी लगानीमै निर्माण गर्ने विभागको योजना छ । तर, महाराजगञ्जको अन्डरपासका लागि चिनियाँ पक्षले पनि चासो देखाएको छ ।

कलंकीको अन्डरपास चिनियाँ लगानी र कम्पनीबाटै निर्माणाधीन छ । २७ दशमलव दुई किलोमिटरको चक्रपथको विस्तारमा पनि चीन संलग्न छ ।

साभारः अनलार्ईन खवरबाट । 

You may also Like this

थप समाचार

स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह
स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह

काठमाडौं । स्वास्थ्य तथा जनसंख्या मन्त्रालयले देशमा बाढी पहिरो र सरुवा रोगको प्रकोप बढ्न सक्ने हुनाले विदामा नबस्न सबै सरकारी ...

५० देशका सुन्दरी प्रतियोगितामा नेपालबाट युनिता
५० देशका सुन्दरी प्रतियोगितामा नेपालबाट युनिता

काठमाडौँ ५० देशको सुन्दरी प्रतियोगिता दोस्रो ‘मिस वर्ल्ड डाइभर्सिटी २०१८’ मा नेपालबाट युनिता खत्रीले सहभागीता जना ...

विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !
विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !

अाजबाट सुरू हुन लागेकाे विश्वकप फुटबलकाे उद्घाटन खेलमा रूसले जित्ने भविष्यवाणी भएकाे छ । ‘एकिलिज’ नामकाे कान नसुन ...

पूरै सेवाको भावना राखेर राजनीतिमा लाग्नुस्, झन्झट लाग्छ भने छोड्दिनुहोस्ः कांग्रेस नेता सिंह
पूरै सेवाको भावना राखेर राजनीतिमा लाग्नुस्, झन्झट लाग्छ भने छोड्दिनुहोस्ः कांग्रेस नेता सिंह

काठमाडौं । नेपाली कांग्रेसका नेता प्रकाशमान सिंहले नेता कार्यकर्ताहरुलाई निराश नहुन र पार्टीको सुधारमा लाग्न निर्देशन दिएका ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...