पाँच हजार भन्दाबढी विद्यार्थीले कक्षा छाडे, कारण यस्तो !

२०७३ चैत्र १७ गते १४:१९ मा प्रकाशित


चितवन, १७ चैत । जिल्लाका सामुदायिक विद्यालयका प्राथामिक तहमा अध्ययन गर्ने धेरै विद्यार्थी भर्ना भएर बीचमानै विद्यालय छाड्ने गरेको पाइएको छ ।

जिल्ला शिक्षा कार्यालयका अनुसार चालु शैक्षिक सत्रमा जिल्लामा पाँच हजार ३३६ विद्यार्थीले बीचैमा विद्यालय छाडेका हुन् । जसमध्ये प्रावि तहका मात्रै तीन हजार १४५ छन् । जुन कुल विद्यार्थीको ९ प्रतिशत हुन आउदछ ।

त्यसैगरी निमावि तहका एक हजार २२३ अर्थात ५ प्रतिशत र मावि तहमा ९९६ जनाले विद्यालयमा भर्ना भई बीचमै पढाइ छाडेको उक्त कार्यालयले जनाएको छ ।  सामुदायिक विद्यालयमा प्रावि तहमा ३४ हजार ९५१, निमावि तहमा २४ हजार ५२५ र मावि तहमा १६ हजार ६०५ जना विद्यार्थी भर्ना भएका थिए ।

एउटा विद्यालयमा भर्ना भएर अर्को विद्यालयमा गएको भन्ने विद्यार्थीको व्यक्तिगत विवरण आउन नसक्दा विद्यालय भर्ना भई छाड्नेको सङ्ख्यामा वृद्धि भएको देखिएको जिल्ला शिक्षा अधिकारी गोविन्द अर्यालले जानकारी दिए ।

अर्यालका अनुसार यो सङ्ख्या घटाउनका लागि कार्यालयले अभिभावक अन्तक्र्रिया कार्यक्रम गर्न लागेको छ । यसरी विद्यालय छाड्नेमा पहाडी क्षेत्रका विद्यार्थी र दलित जनजाति रहेको उनले बताए । निमावि तह अध्ययन गर्दा गर्दै वैवाहिक सम्बन्ध कायम हुनु र पहाडी क्षेत्रमा रहेको गरिबीका कारण यस्तो समस्या आएको हुनसक्ने उनले बताए ।

यस्तै संस्थागत विद्यालयतर्फ भने विद्यालय छाड्नेको सङ्ख्या न्यून रहेको सो कार्यालयको तथ्याङ्कले देखाएको छ । जस्मा संस्थागत विद्यालयतर्फ प्रावि तहमा ३४ हजार ६६१, निमावि तहमा १८ हजार ४७१ र मावि तहमा १० हजार २२६ विद्यार्थी छन् । संस्थागत विद्यालयमा भने एक प्रतिशतमा मात्र यस्तो समस्या आउने कार्यालयले जनाएको छ ।

अभिभावक र विद्यार्थी सबैले पढाइ राम्रो हुने भन्दै संस्थागतलाई रोज्ने गर्दा शैक्षिक सत्र २०७२/७३ को तुलनामा अघिल्ला शैक्षिक वर्ष हरेक तहमा एक हजारका दरले विद्यार्थी वृद्धि भएको कार्यालयको तथ्याङ्कले देखाएको छ । रासस

 

 

You may also Like this

थप समाचार

कुलो भत्काइदिएपछि गाउँ अन्धकार !
कुलो भत्काइदिएपछि गाउँ अन्धकार !

१२ जेठ, तेह्रथुम । आफ्नो जग्गामा पहिरो गएको भन्दै स्थानीयवासीले जलविद्युत् आयोजनाको कुलो भत्काइदिएपछि तेह्रथुमको खाम्लालुङका ...

पत्रकारलाई धम्की दिइएकोमा आपत्ति
पत्रकारलाई धम्की दिइएकोमा आपत्ति

१२ जेठ, काठमाडौँ । प्रेस चौतारी नेपालले कास्कीका पत्रकार एवम् नेपाल पत्रकार महासङ्घका केन्द्रीय सदस्य सुष्मा पौडेललाई सामाजिक ...

भोजपुरी फिल्मकी यी नायिका, जसको हट अवतारले नै फिल्म चल्छ
भोजपुरी फिल्मकी यी नायिका, जसको हट अवतारले नै फिल्म चल्छ

११ जेठ । कतिपय कलाकार यस्ता पनि हुन्छन्, जसले अभिनय कमजोर भए पनि दर्शकले हेरिदिन्छन् । भारतको भोजपुरी फिल्म उद्योगमा एउटी हट ...

राष्ट्रिय खेल ‘भलिबल’ भएपछि ‘गैंडा’ तनावमा
राष्ट्रिय खेल ‘भलिबल’ भएपछि ‘गैंडा’ तनावमा

९ जेठ । डण्डीबियो खेलको विषयमा ‘डण्डीबियो’ नाम राखेर चलचित्र बनाउने तयारीमा रहेका निर्माता तथा निर्देशक निर्मल शर ...

IME Rashifall Ncell

worldब्लग /विचारपुरा हेर्नुहोस्

विदेशिएका नेपालीको अधिकार घोषणापत्रको कुन बुँदामा छ नेता ज्यू ?

१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दि ...


प्रशंग स्थानीय तह निर्वाचनको !

कुमार शर्मा करीब दुई दशक पछि नेपालमा स्थानीय निकाय गाउँपालीका तथा नगरपालीकाको निर्वाचन हुदै छ । नेपाल संघीय लोकतान्त्रीक गणतन्त्र ...