सोलु हाइड्रो पावर र साल्मेलीबीच सहमति

२०७४ भदौ ३१ गते ११:३७ मा प्रकाशित


neaसोलुखुम्बु, भदौ३१ । निर्माणाधीन माथिल्लो सोलु हाइड्रो पावर कं र प्रभावित क्षेत्र साल्मेका बासिन्दाबीच आंशिक सहमति भएको छ ।

जिल्ला प्रशासन कार्यालयमा शुक्रबार बसेको सर्वपक्षीय बैठकले स्थानीयवासीले राखेका मागलाई केन्द्र भागमा राखेर पूरा गर्न सकिने माग तत्काल कार्यान्वयन गर्ने गरी द्विपक्षीय सहमति गरिएको छ ।

सोलु दूधकुण्ड नगरपालिका–७ साल्मेका प्रभावित १९ परिवारले राखेका सातबुँदे मागका आधारमा छलफल गरी निष्कर्ष स्वीकार्ने सहमतिका आधारमा प्रभावित क्षेत्रको वास्तविकता पहिचानका लागि उच्चस्तरीय प्राविधिकविज्ञ टोली तत्काल गठन गर्ने निर्णय गरिएको छ ।

यसअघि साल्मेलीले माथिल्लो र तल्लो सोलु हाइड्रो पावर कंको कामले बस्ती बाढीपहिराको जोखिम परेको भन्दै पुनःस्थापनाको माग गर्दै आएका थिए तर कंले पुनःस्थापना गर्न नसक्ने भएपछि सहमतिका लागि प्रभावित क्षेत्रका बासिन्दा लचक बनेका हुन् । टोलीको प्रतिवेदनलाई दुवै पक्षले स्वीकार्ने सहमतिसमेत गरिएको हो ।

सांसद बलबहादुर केसी, कं प्रमुख नाम्गेलजाङ्बु शेर्पा र प्रजिअ भूपेन्द्र थापा उपस्थित बैठकले प्रभावित समुदायले राखेको जीवन बीमाको मागलाई कंको माथिल्लो निकायसम्म पुनः व्याख्या गर्ने, प्रभावित परिवारका लागि दुई करोड रुपैयाँ फ्री शेयरबापत डिम्याट खातामा जम्मा गर्नुपर्ने मागका सम्बन्धमा सम्बोधनका लागि बोर्ड बैठकमा पेश गर्ने र १५ दिनभित्र सकारात्मक निर्णय पेश गर्ने द्विपक्षीय सहमति गरिएको छ ।

त्यस्तै प्रभावित १९ परिवारमा ‘एक घर एक रोजगारी’को व्यवस्था मिलाउन कं सहमत देखिएको छ । उनीहरुको क्षमताका आधारमा रोजगारी प्रदान गरिने सहमति गरिएको हो ।

हाइड्रोले नेपाल सरकारसँग प्रतिबद्धता गरेको सामाजिक उत्तरदायित्वभित्रका काम गर्न तत्काल शुरु गर्ने गरी गरिने केही कामसमेत तोकिएको छ । साल्मेस्थित पौराणिक पक्की पाटीको निर्माण गर्ने, प्रभावित साल्मे बस्तीलाई सल्लेरी चयाल्साको विद्युत् प्रसारण लाइन विस्तार गर्ने, साल्मे र गार्मा क्षेत्रमा पर्ने पुरानो बाटामा आवश्यकतानुसार क्रसिङ पुल निर्माण गर्ने, आयोजना अवधिभर सञ्चालनका लागि दक्ष स्वास्थ्यकर्मीको व्यवस्थासहित मेडिकल क्याम्प स्थापना गर्ने र साल्मे–गार्मा विद्यार्थी आवतजावतका लागि यातायातको व्यवस्था गर्ने गरी कं र आन्दोलनरत पक्षबीच सहमति गरिएको संघर्ष समितिका संयोजक राजकुमार प्रधानले जानकारी दिए । रासस

You may also Like this

थप समाचार

ट्रम्प र किमको भेट सिंगापुरमा हुने टुंगो
ट्रम्प र किमको भेट सिंगापुरमा हुने टुंगो

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ तारिखमा सिंगापुरमा भेटवार्ता ह ...

पर्सामा स्थानीय र प्रहरीबीच झडप, ५ प्रहरी घाइते
पर्सामा स्थानीय र प्रहरीबीच झडप, ५ प्रहरी घाइते

२४ वैशाख, वीरगञ्ज । अपराधी छुटाउन प्रहरी कार्यालय पुगेका स्थानीय र प्रहरीबीच पर्सामा झडप भएको छ । घटनामा ५ प्रहरी घाइते भएका ...

डा. देवकोटालाई नेपाल ल्याइयो
 डा. देवकोटालाई नेपाल ल्याइयो

काठमाडौं । प्रख्यात न्युरो सर्जन डा. उपेन्द्र देवकोटालाई बेलायतमा रहेको किङ्स कलेज हस्पिटलमा पाँच महिना लामो उपचारपछि नेपाल ...

ऐतिहासिक वार्तापछि दुई कोरियाको ‘परमाणु वाचा’
ऐतिहासिक वार्तापछि दुई कोरियाको ‘परमाणु वाचा’

दुई कोरियाको सीमाक्षेत्रमा भएको ऐतिहासिक वार्तापश्चात् उत्तरका नेता किम जङ-अन तथा दक्षिणका राष्ट्रपति मून जे-इनले कोरियाली प ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...