बच्चाको अगाडि यी पाँच काम गर्नुहोस्

२०७४ जेष्ठ ४ गते १४:१३ मा प्रकाशित


baby-care४ जेठ । आफ्ना आमाबुवा जे गर्छन्, बच्चाले त्यसैको सिको गर्छन् । भनिन्छ, बच्चाले आमाबुवालाई आफ्ना आदर्श ठान्ने गर्छन् । आमाबुवाले जे गर्छ, त्यो सहि र राम्रो भन्ने उनीहरुको मनोविज्ञान हुन्छ । त्यसैले बच्चाको अगाडि यस्तो व्यवहार गर्नुपर्छ, जो उनीहरुका निम्ति अनुसरणयोग्य होस् ।

१. पार्टनरसँग सम्मानजनक व्यवहार


आफ्नाा पार्टनरप्रति नकारात्मक टिप्पणी गर्ने, होच्याउने जस्ता गतिविधिको सोझो असर बच्चामा पनि पर्छ । आमाबुवा नै आपसमा होच्याउने, हेला गर्ने गर्छन् भने बच्चाले उनीहरुमाथि सम्मानजनक दृष्टिकोण राख्दैनन् । ठूलालाई आदर वा सम्मान गर्नुपर्छ भनेर मात्र पुग्दैन, त्यसका लागि आफु स्वंम उदाहरण बन्नुपर्छ । यसका लागि पार्टनरले एकअर्कासँग सम्मानजनक व्यवहार गर्नुपर्छ ।

२. संघर्ष गर्नु

जिन्दगी चलाउन सजिलो मात्र छैन । विभिन्न अप्ठ्यारा पनि आइलाग्छन् । परिवारका समस्या, अप्ठ्याराहरु बच्चालाई पनि अवगत गराउनुपर्छ । साथसाथै, त्यस्ता अप्ठ्यारामा कसरी अगाडि बढ्ने, कसरी समाधान खोज्ने भन्ने कुरा पनि सिकाउनुपर्छ । यसले उनीहरुलाई संघर्ष गर्न सिकाउँछ र व्यवहारिक रुपले बाँच्न पनि ।

आफ्नो पुस्ता मिलाउने, खेलौना मिलाएर राख्ने, व्याग वा कपी, पेन्सिल राख्ने काम बच्चालाई नै गर्न दिनुपर्छ । यसले पनि उनीहरुमा काम गर्ने बानीको विकास हुन्छ ।

३. हार्न पनि सिकाउने

बच्चालाई हामी जित्न प्रेरित गर्छौ, हरेक कुरामा सफल भएको हेर्न चाहन्छौं । तर, जीवनमा सधै सफलता मात्र हात लाग्दैन । जतिसुकै संघर्ष गरेपनि, जतिसुकै प्रयास गरेपनि कहिले कहिं नतिजा सोचेजस्तो आउँदैन । त्यस्तो बेला के गर्ने रु

बच्चालाई सिकाउनुहोस् कि, हार्न पनि । कुनैपनि कुरामा असफलता हुँदा कसरी धैर्यता अपनाउने र आफ्नो आत्माविश्वास, उर्जा नगुमाउने भन्ने कुरा सिकाउनुहोस् । सधै जित्न मात्र प्रेरित गर्दा बच्चाले जब कुनै असफलता पाउँछ, एकदमै हतोत्साही हुनसक्छ । त्यसैले यस्ता खतराबाट बचाउनका लागि बच्चालाई हार्न पनि सिकाउनुहोस् ।

४. अरुको नकारात्मक कुरा नगरौं

बच्चाको अगाडि अरुको नकारात्मक टिप्पणी गर्नु एकदमै हानिकारक हुन्छ । छिमेकी वा परिवारका सदस्यमाथि हामीले गर्ने टिका टिप्पणीको कारण बच्चामा उक्त व्यक्तिलाई हेर्ने दृष्टिकोण बद्लिन्छ । यसले उनीहरुमा सानैदेखि नकारात्मक धारणा विकास हुन्छ । अरुको कुरा काट्ने, नकारात्मक टिप्पणी गर्ने, दोष लगाउने जस्ता बानी बिकास हुन्छ । यदि बच्चालाई असल व्यक्ति बनाउन चाहनुहुन्छ भने यस्ता कुराबाट अलग राख्नुहोस् । बरु, अरुको सकारात्मक कुरा गर्नुहोस्, जसबाट बच्चाले केहि कुरा आर्जन गर्न सकोस् ।

५. संस्कार सिकाउनुहोस्

संस्कारले मानिसलाई सहि बाटोमा डोहोर्‍याउँछ । पथभ्रष्ट हुन दिदैन । त्यसैले सानै उमेरदेखि बच्चालाई संस्कार सिकाउनुहोस् । परिवारमा कसरी मिलेर बस्ने, कसलाई कस्तो व्यवहार गर्ने, के गर्ने, के नगर्ने जस्ता संस्कार दिनुहोस् । यससँगै स्वस्थ्य जीवनयापनमा अभ्यस्त गराउनुहोस् । योग गर्ने, व्यायाम गर्ने बानी सानैदेखि लगाउनुपर्छ ।

You may also Like this

थप समाचार

काठमाडौँ मलले गर्यो उत्कृष्ठ ब्यापारीलाई सम्मान
काठमाडौँ  मलले गर्यो उत्कृष्ठ ब्यापारीलाई सम्मान

काठमाडौँ सुन्धारा स्थित काठमाडौँ मलले नया वर्षको अवसर पारेर मल भित्र संचालित व्यबसायीको मनोबल उच्च बनाउने अभिप्राय स्वरुप उत ...

डिआईजी रमेश खरेलको राजीनामा स्वीकृत
डिआईजी रमेश खरेलको राजीनामा स्वीकृत

काठमाडौं । सरकारले सर्वेन्द्र खनाललाई महानिरीक्षक बनाएपछि असन्तुष्टि व्यक्त गर्दै डिआईजी रमेश खरेलले दिएको राजीनामा स्वीकृत ...

गुन्डा नाइके गणेश लामालाई इन्काउन्टरको प्रयास
गुन्डा नाइके गणेश लामालाई इन्काउन्टरको प्रयास

काठमाडौं । गुन्डा नाइके गणेश लामालाई पिंगलास्थानमा भएको ‘फाइट’मा इन्काउन्टर गर्न खोजिएको तथ्य फेला परेको छ । तर ...

विमान दुर्घटना अपडेटः जलेको अवस्थामा दुई जनालाई नर्भिक अस्पताल ल्याइयो
विमान दुर्घटना अपडेटः जलेको अवस्थामा दुई जनालाई नर्भिक अस्पताल ल्याइयो

काठमाडौ । त्रिभुवन विमानस्थलमा सोमबार साँझ भएको युएस बंगला एयरको विमान दुर्घटनामा उद्दार गरिएका दुई जना यात्रुलाई नर्भिक अन् ...

IME Rashifall Ncell

worldब्लग /विचारपुरा हेर्नुहोस्

नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...


मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...