आरआर क्याम्पसमा मतदान हुँदै, निर्बाचन विथोल्न पेट्रोल बम प्रहार

२०७३ चैत्र १५ गते ११:३५ मा प्रकाशित


काठमाडौं, चैत १५ । काठमाडौंको प्रदर्शनीमार्गस्थित रत्नराज्य लक्ष्मी क्याम्पसमा कडा सुरक्षाकाबीच आज स्ववियु निर्वाचन भइरहेको छ ।

बिहान ८ बजेदेखि हुने भनिएको मतदान एक घण्टा ढिला गरी सुरु भएको छ । मतदानका लागि विद्यार्थीहरु लाइनमा लागेका छन् ।

क्याम्पस परिसरमा प्रहरीले कडा सुरक्षा दिइरहेका छन् । संयुक्त विद्यार्थी संगठनका केही विद्यार्थीहरुले चुनाव रोक्न माग गर्दै प्रदर्शन गरेपछि प्रहरीले सुरक्षा व्यवस्था कडा पारेको हो ।

असन्तुष्ट विद्यार्थीहरुले चुनाव विथोल्न पेट्रोल बमसमेत प्रहार गरेका छन् । गत फागुन २३ गतेका लागि तय भएको आरआरको स्ववियु चुनाव निर्वाचन आयोगको निर्देशनपछि रोकिएको थियो ।

तर, सर्वोच्च अदालतले चुनाव रोक्ने निर्णय कार्यान्वयन नगर्न अन्तरिम आदेश लिएपछि चुनाव भएको हो ।

आरआरको स्ववियु निर्वाचनमा प्रमुख विद्यार्थी संगठनहरु प्यानल बनाएरै मैदानमा उत्रिएका छन् ।

आरआरमा एमाले निकट अनेरास्ववियु, कांग्रेस निकट नेवि संघ र माओवादी केन्द्र निकट अखिल क्रान्तिकारीबीच प्रतिस्पर्धा छ ।

एमाले निकट अनेरास्ववियुबाट टपेन्द्रबहादुर शाही, कांग्रेस निकट नेविसंघबाट उत्तम साउद र माओवादीसम्बद्ध अखिल क्रान्तिकारीबाट ध्रुवराज वाग्लेको प्यानल मैदानमा उत्रिएको छ ।

क्याम्पसमा करिव ३ हजार ५ सय मतदाता छन् । मतदान साँझ ५ बजेसम्म हुने छ ।

यता अखिल(क्रान्तिकारी)ले निर्बाचन विधी र प्रक्रिया नभएको भन्दै मतदान बहिस्कार गरेको छ । निर्बाचन विथोल्न उनीहरुले क्याम्पसमा ढुंगामुढा समेत गरेका छन । पेट्रोल बम समेत प्रहार भएको छ ।

क्याम्पस आसपासको क्षेत्र तनाववपूर्ण छ । पेट्रोल बम खुट्टानेर पड्किएपछि प्रहरीले आक्रमणकारीलाई पद्मोदय मोडसम्म लखेटेको छ

माओवादी केन्द्र सम्बद्ध अखिल क्रान्तिकारीका विद्यार्थीले मतदान बिथोल्न विहानैदेखि मतदानस्थलमाा ढुंगा प्रहार गरिरहेका थिए ।

क्याम्पसका नियमित बिद्यार्थीलाई प्रहरीले परिचयपत्रका आधारमा मतदान स्थलमा प्रवेश गराइरहेको छ भने अन्यलाई क्याम्पस परिसरमा प्रवेश गर्न रोकिएको छ ।

 
 

You may also Like this

थप समाचार

ट्रम्प र किमको भेट सिंगापुरमा हुने टुंगो
ट्रम्प र किमको भेट सिंगापुरमा हुने टुंगो

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ तारिखमा सिंगापुरमा भेटवार्ता ह ...

पर्सामा स्थानीय र प्रहरीबीच झडप, ५ प्रहरी घाइते
पर्सामा स्थानीय र प्रहरीबीच झडप, ५ प्रहरी घाइते

२४ वैशाख, वीरगञ्ज । अपराधी छुटाउन प्रहरी कार्यालय पुगेका स्थानीय र प्रहरीबीच पर्सामा झडप भएको छ । घटनामा ५ प्रहरी घाइते भएका ...

डा. देवकोटालाई नेपाल ल्याइयो
 डा. देवकोटालाई नेपाल ल्याइयो

काठमाडौं । प्रख्यात न्युरो सर्जन डा. उपेन्द्र देवकोटालाई बेलायतमा रहेको किङ्स कलेज हस्पिटलमा पाँच महिना लामो उपचारपछि नेपाल ...

ऐतिहासिक वार्तापछि दुई कोरियाको ‘परमाणु वाचा’
ऐतिहासिक वार्तापछि दुई कोरियाको ‘परमाणु वाचा’

दुई कोरियाको सीमाक्षेत्रमा भएको ऐतिहासिक वार्तापश्चात् उत्तरका नेता किम जङ-अन तथा दक्षिणका राष्ट्रपति मून जे-इनले कोरियाली प ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...