राष्ट्रियसभा निर्वाचन भोलि, ३२ पदका लागि ५२ जना प्रतिस्पर्धामा

२०७४ माघ २३ गते १८:५५ मा प्रकाशित


nirbachan aayog

काठमाडौं । बुधबार देशका ६ वटा प्रदेशमा राष्ट्रियसभा सदस्यको निर्वाचन हुँदैछ ।

प्रदेश नम्बर २ मा सबै ८ पदमा सदस्यहरु निर्विरोध चयन भएकाले बुधबार मतदान हुने छैन । राष्ट्रियसभाका ५६ सदस्य चयनका लागि हुने निर्वाचनमा २४ जना निर्विरोध भइसकेका छन् भने ३२ पदमा मात्र निर्वाचन हुँदैछ । ३२ पदमा ५२ जनाले उम्मेदवारी दिएका छन् ।

राष्ट्रियसभा निर्वाचनमा एउटा प्रदेशबाट ८ जना निर्वाचित हुने व्यवस्था छ । जसमा ३ जना खुला, ३ जना महिला, एक जना अपांग वा अल्पसंख्यक र एक जना दलित सदस्य रहन्छन् ।

प्रदेश ३ र ६ का सबै ८ पदमा निर्वाचन हुँदैछ । प्रदेश १ मा दलित र अपाङ्ग वा अल्पसंख्यक सदस्य चयनका लागि मतदान हुँदैछ । प्रदेश ४ मा महिला, अन्य र दलित सदस्य चयनका लागि मतदान हुँदैछ । प्रदेश ५ मा अन्य, दलित र

अल्पसंख्यक वा अपाङ्ग सदस्य चयनका लागि मतदान हुँदैछ । प्रदेश ७ मा दलित र अल्पसंख्यक वा अपांग सदस्य चयनका लागि मतदान हुँदैछ ।

निर्वाचन आयोगले मंगलबार पत्रकार सम्मेलन गरी राष्ट्रियसभा निर्वाचनको सबै तयारी पूरा भएको जानकारी दिएको छ ।

राष्ट्रियसभा निर्वाचनमा स्वस्तिक छापको प्रयोग नहुने भएको छ । स्थानीय तह, प्रदेश र प्रतिनिधिसभा निर्वाचनमा मतसंकेत गर्न स्वस्तिक चिहृनको प्रयोग भए पनि राष्ट्रियसभा निर्वाचनमा भने मतदाताले उम्मेदवारको नाम भएको कोठामा रेजा चिहृन लगाएर मत संकेत गर्नुपर्नेछ ।

मतभार अनुसार अलग अलग मतपत्र

राष्ट्रियसभा निर्वाचनमा प्रदेश सांसद र स्थानीय तहका अध्यक्ष, उपाध्यक्ष तथा प्रमुख उपप्रमुखले मात्र मतदान गर्नेछन् । प्रदेश सांसद ५५० जना र स्थानीय तहका प्रमुख र उपप्रमुख १५०६ जना मतदाता रहेका छन् ।

प्रदेश सांसदको मतभार ४८ र स्थानीय तहका प्रमुख उपप्रमुखको मतभार १८ हुनेछ । त्यसैले उनीहरुले मतदान गर्ने मतपत्रसमेत फरक फरक हुने निर्वाचन आयोगले जानकारी दिएको छ ।

मंगलबार आयोगमा आयोजित पत्रकार सम्मेलनमा प्रमुख आयुक्त यादवले भने ‘मतदानका लागि प्रदेश सभाका सदस्यले हरियो रंगको मतपत्रबाट र स्थानीय तहका मतदाताले रातो रङ्गको मतपत्रमा मत सङ्केत गर्नु हुनेछ ।’

चारवटा मतपत्र

निर्वाचनमा महिला, अन्य, दलित र अल्पसंख्यक वा अपांग सदस्य चयनका लागि अलग अलग मतपत्र हुनेछ । तीन महिला र अन्य ३ सदस्यका लागि एकल सङ्क्रमणीय मतका आधारमा मत सङ्केत गर्नुपर्ने हुन्छ । ‘यसमा मतदाताले बढीमा तीनजना उम्मेदवारलाई १, २ र ३ भनी प्राथमिकता तोक्नुपर्नेछ’ प्रमुख आयुक्त यादवले भने ।

दलित र अपाङ्गता भएका वा अल्पसङ्ख्यक समुदायका सदस्य चयनका लागि भने सदस्यको नाम अगाडिको खाली कोठामा रेजा चिहृन लगाउनुपर्नेछ ।

मतदाताले मतदान गर्न जाँदा आफू निर्वाचित भएको प्रमाणपत्र लिएर जानुपर्नेछ । यदि प्रमाणपत्र हराएमा वा बिगि्रएमा मतदाता परिचयपत्र वा नागरिकताको आधारमा पनि मतदान गर्न पाउने आयोगले जनाएको छ ।

माघ २५ गतेभित्र मतपरिणाम

बुधबार १० बजेदेखि ३ बजेसम्म मतदान हुनेछ । मतगणना सकिएलगत्तै मतगणना शुरु हुने आयोगले जनाएको छ । मतगणनामा सहयोग गर्न आयोगले ६ वटै प्रदेशमा टोलीसमेत खटाएको प्रमुख आयुक्त यादवले जानकारी दिए । माघ २५ गतेसम्म मतगणनाको नतिजा आउने उनले बतताए ।

‘आयोगले सातवटै प्रदेशको अन्तिम परिणाम प्राप्त गरेपछि आवश्यक तयारी पूरा गरी राष्ट्रिय सभा सदस्य निर्वाचनको अन्तिम मतपरिणाम यथाशीघ्र राष्ट्रपतिसमक्ष पेश गर्ने तयारी पनि आयोगले गरेको जानकारी गराउन चाहन्छु’ उनले भने ।

प्रतिनिधिसभाको नतिजा फागुन पहिलो हप्ता

आयोगले राष्ट्रियसभा सदस्यको निर्वाचनको मत परिणाम आए लगत्तै प्रतिनिधिसभा सदस्यको समानुपातिकको नतिजा दिने बताएको छ । आयोगले सुरुमा दलहरुले प्राप्त गरेको सिट संख्या, समावेशी समूहबाट हुने प्रतिनिधित्व, न्यूनतम मतसीमा दलहरुलाई पठाएर उम्मेदवार सिफारिस गर्न दलहरुलाई तीन दिनको समय दिएर पत्राचार गर्ने जनाएको छ ।

‘दलहरुले गरेको सिफारिस अनुसार समावेशी समूह मिले नमिलेको जाँच गरी नमिलेको भएमा मात्रै दलहरूलाई सच्याउन पुनः दुई दिनको समय दिइने व्यवस्था मिलाइएको छ’ प्रमुख आयुक्त यादवले भने । सबै प्रक्रिया पूरा गरी फागुनको पहिलो हप्ताभित्रै राष्ट्रपतिलाई नतिजा बुझाउने प्रमुख आयुक्त यादवले बताए ।

को को भए निर्विरोध निर्वाचित ?

प्रदेश १

अन्य सदस्य  : रमेशजंग रायमाझी, परशुराम मेघी गुरुङ, हरिचरण शिवाकोटी
महिला सदस्य : सरिता प्रसाईं, नैनकला ओझा, बिना पोखरेल

प्रदेश २

अन्य सदस्य : जितेन्द्रनारायण देव, रमेशप्रसाद यादव, सुमनराज प्याकुरेल
महिला सदस्य : शशीकला दाहाल, मुक्ताकुमारी यादव, प्रमिलाकुमारी
अल्पसंख्यक : वृषेशचन्द्र लाल
दलित : रामप्रित पासवान

प्रदेश ४

अल्पसंख्यक वा अपांग : प्रकाश पन्थ

प्रदेश ५

महिला : अनिता देवकोटा, कोमल ओली, मीना बुढा

प्रदेश ७

अन्य सदस्य : बद्री पाण्डे, शेरबहादुर कुावर, हरिराम चौधरी

महिला : तारादेवी भट्ट, इन्दु कडरिया, कमलाकुमारी ओली

समाचार अनलाइन खवर डटकम बाट ।

You may also Like this

थप समाचार

स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह
स्वास्थ्यकर्मीलाई विदामा नबस्न र हड्ताल नगर्न स्वास्थ्य मन्त्रालयको आग्रह

काठमाडौं । स्वास्थ्य तथा जनसंख्या मन्त्रालयले देशमा बाढी पहिरो र सरुवा रोगको प्रकोप बढ्न सक्ने हुनाले विदामा नबस्न सबै सरकारी ...

५० देशका सुन्दरी प्रतियोगितामा नेपालबाट युनिता
५० देशका सुन्दरी प्रतियोगितामा नेपालबाट युनिता

काठमाडौँ ५० देशको सुन्दरी प्रतियोगिता दोस्रो ‘मिस वर्ल्ड डाइभर्सिटी २०१८’ मा नेपालबाट युनिता खत्रीले सहभागीता जना ...

विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !
विश्वकप फुटबलः बिरालोले गर्‍यो उद्घाटन खेलमा रूसले जित्ने भविष्यवाणी !

अाजबाट सुरू हुन लागेकाे विश्वकप फुटबलकाे उद्घाटन खेलमा रूसले जित्ने भविष्यवाणी भएकाे छ । ‘एकिलिज’ नामकाे कान नसुन ...

पूरै सेवाको भावना राखेर राजनीतिमा लाग्नुस्, झन्झट लाग्छ भने छोड्दिनुहोस्ः कांग्रेस नेता सिंह
पूरै सेवाको भावना राखेर राजनीतिमा लाग्नुस्, झन्झट लाग्छ भने छोड्दिनुहोस्ः कांग्रेस नेता सिंह

काठमाडौं । नेपाली कांग्रेसका नेता प्रकाशमान सिंहले नेता कार्यकर्ताहरुलाई निराश नहुन र पार्टीको सुधारमा लाग्न निर्देशन दिएका ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...