चुनाब हार्नुमा पार्टी कै नेताहरुले जिम्मेवारी लिनुपर्छः कांग्रेस नेता रामहरि खतिवडा (भिडियो)

२०७५ बैशाख १९ गते १०:४९ मा प्रकाशित


काठमाडौँ । पुर्वी पहाडी जिल्ला ओखलढुंगाका पुर्व–सांसद तथा नेपाली कांग्रेसका नेता हुन रामहरि खतिवडा । यस पटकको चुनाबमा देशब्यापी कांग्रेस पार्टी पछाडी परेसंगै उनले पनि आफ्नो पक्षमा निर्बाचन पार्न सकेनन् । हार्नु जित्नुसंग धेरै अन्तर नदेख्ने तर जनताको कामलाई महत्वपुर्ण रुपमा लिने उनै पुर्व–सांसद खतिवडासंग समसामयिक विषयमा केटिएम खबरका लागि रवि भट्टराईले विशेष सम्वाद गरेका छन । प्रस्तुत छ सोही भिडियो कुराकानीको संपादित अंश:

RamHari Khatiwoda-Nepali Congress
यहालाई स्वागत छ ।
धन्यवाद ।
केमा ब्यस्त हुनुहुन्छ ?
हामी राजनीतिमा लागेका मान्छे फुर्सद प्राय नहुने रहेछ । समाजसेवा हरप्रकारकोे हुँदो रहेछ । साथीहरुले विबाह, ब्रतबन्धमा बोलाउनु हुन्छ त्यहा जानै पर्यो । कहिले विभिन्न कार्यक्रममा बोलाउनु हुन्छ त्यहा पनि जानै पर्यो । पहिले सांसद हुदा भन्दा केही कम ब्यस्तता जस्तो भन्यो त्यो नहुदो रहेछ । जिल्लाका बिभिन्न गतिबिधि, सामाजिक कार्यमा पनि म पुग्नै पर्यो । तपाईलाई थाहानै छ । यो भन्दा पहिले सांसद हुदा आफ्नो तलब भत्ता जनतालाई नै सुम्पिएर जनताको सेवाको लागी घर–घरमा नै सिडियोको टोली लगेर नागरिकतादेखि हर किसिमका जनसरोकारका विषयलाई मैले जनतालाई राहत पुर्याउने काम गरेको थिए । मलाई खुशि पनि लाग्छ । जनताका काम गर्न पाउनु मेरो अहोभाग्य पनि हो । चुनाब पराजय पछि पनि मैले जनताका विचमा बोलेका कुरा मैले हारौ या जितौ पुरा गर्ने छु भनेर बाचा गरेको थिए । त्यो बाचा पुरा गर्दै छु । तपाईलाई जानकारी गराउ चुनाब सकिएको पाँच महिना भयो । त्यस पछि पनि म सात पटक जिल्लामा पुगे र जनसरोकारका विषयमा खबरदारी गरि रहेको नै छु । मैले भर्खरै ओखलढुंगाका बिभिन्न दुर्गम वडाहरुमा पनि साथीहरुसंग भेटघाट गरेर फर्केको हुँ ।
चुनाब तपाईको पक्षमा अएन नी ?, कारण तपाईसंग जनता थिएनन् भन्ने बुझ्नु पर्यो हो ?
यसलाई यसरी नबुझौ । जनता मसंग थिएनन् भन्ने त हुदै हैन । जनताको मया सद्भाव थियो र अझै छ । रामहरिलाई माया नगर्ने ओखलढुंगामा जनता तपाईले भेट्नु हुन्न । तर चुनाब टेक्निकल कारण भनौ न । देश भरि कांग्रेस पछि देखिएको एक प्रकारको लहरमा म परे भन्नु पर्यो । म स्पष्ट बोल्ने मान्छे हुँ । मैले मेरो जिल्लामा लगभग ४ अरब भन्दा बढि रुपैया स्कुल निर्माणमा लागेको छ । त्यो मेरो नै इनिसियसनमा भएको हो । मैले भुकम्प ग्रसित जिल्ला घोषणामा पहल नगरेको भए त्यहा अहिले बिभिन्न लगानिहरु जादैन थिए ।
हामीले सुनकोसीको पुल मात्र बनाएनौ भर्खरै नवरपुरको पुल पनि धमाधम काम भैरहेको छ । केहि दिन पहिले सिरेसो पुलको काम सुरु गराएका छौ । चुनाब हारे पछि पनि मैले भनेका बाचाहरु पुरा गरि रहेको छु र यो क्रम जारी रहने छ । तर पनि जनताले मलाई जिताउनु भएन भनौ न । मेरा विपक्षी साथी जित्नु भएको छ । तर तपाईलाई म भनौ मेरो पक्षमा नतिजा नआए पनि जनसरोकारका विषमा म कुनै कसर बाकि राख्ने छैन ।
तपाईको पक्षमा मात्र हैन, समग्र रुपमै पार्टी पछाडी पर्यो कारण के हो जस्तो लाग्छ ?
मेरो जिल्लामा दुई पार्टीको गठबन्धनले भन्दा पनि गाँठ बन्धनले हामी हार्यौ । गुटबन्दिले पछि पर्यौ । अझ बुझ्ने गरि भनौ पार्टी भित्रैबाट असहयोगको वातावरण समेत श्रृजना भयो । एका तर्फ दुई ठुला पार्टीहरु मिलेर चुनाबमा जाने । अर्को तर्फ हामै्र साथीहरु सहयोग नगर्ने । अब भन्नुहोस् कसरी जितिन्छ चुनाव ? यो मेरो क्षेत्रमा मात्र हैन सबै ठाउँमा यस्तै भएको हो । कांग्रेस भित्रको रोग हो यो । एउटाले अर्कोको अस्तित्व स्विकार्न नसक्नु । यो रोगलाई निर्मुल पार्न जरुरी छ । मैले भने बहुदलमा चुनाब जित्नु हार्नु भनेको सामान्य कुरा हो । त्यसकारण एउटा ब्यक्तिले चुनाव हार्दै गर्दा लोकतन्त्रले हार्न भएन । विकास निर्माणका काम रोकिन भएन भन्ने चाहीँ प्रमुख हो ।
अब अहिले ओखलढुँगे जनताको सरोकारलाई लिएर के गर्दै हुनुन्छ ?
म हिजो सदनमा हुँदा जुन भुमिकामा थिए, जनसरोकारका विषयमा त्यही भुमिकामा रहन्छु । फरक यत्ति मात्र हो हिजो म सदनमा जान्थे तर आज सदनमा उपस्थित हुन्न । रामहरिले गरेन हैन भन्ने वाताबरण तपाईले पाउनु हुने छैन ।
तपाईले अहिलेको राष्ट्रिय राजनीतिलाई कसरी लिनु भएको छ ?
हामीले धेरै ठुला कुरा गरेका छौ । भाषण उखान टुक्का धेरै छाटेका छौ तर भाषण गरेर मात्र देश विकास हुदैन । तपाईलाई भनौ मेचि–महाकाली रेल बोल्ने वित्तिकै बन्दैन र सगरमाथामा केवलकार पनि टुक्का हान्दैमा बन्दैन । स–साना काम पहिले गर्नुपर्यो अनि ठुलाकामको जग बस्दै जान्छ । यहाँ त जगनै नहाली १० तले घर बनाउन खोजिदैछ । सरकार बनेको यत्रो समय भयो काम गर्ने लक्षण देखिन सकोको छैन । त्यसकारण पहिले जग निर्माण गरेर लगानिको वातावरण श्रृजना गर्न लाग्नु पर्यो ।
बाम गठबन्धनको सरकारले रेलको कुरा गर्र्दै छ, घर–घरमा ग्यासको पाईप लाईनको कुरा गर्दै छ, पानिजहाजको कुरा पनि छ, के यो संभव देख्नु हुन्छ ?
केपी ओली जी नेपालको राजनीतिमा धेरै पुरानो मान्छे योगदानको हिसाबले पनि उहाँको योगदान धेरै छन् । यसमा कुनै शंखा उप–शंखा रहेन । तर काम कुरो एकातिर कुम्लो बोकि ठिमि तिर भन्ने उखान जस्तो उहाँको यो राज्य सत्ता आरोहण नहोस भन्ने हाम्रो भनाई हो । नेपालमा सिमित श्रोत साधन छन् । लगानिको वातावरण अझ श्रृजना भएको छैन । तर उहा उखान कै भरमा सबै हुन्छ भन्दै हिड्नु भयो भने त्यो त ठिक भएन नि । धेरै स–साना कुरा बनाउन बाकि नै छ । त्यसलाई ध्यान दिनुको सट्टा उहाँ उखानमा हिडेको महसुस हुन्छ । तर त्यस्तो वातावरण नहोस भन्ने हाम्रो कुरा हो ।
चुनाब सकिएसंगै कांग्रेस कमजोर भयो र अब यो कांग्रेसबाट जनताले आश के गर्ने ?
कांग्रेस कमजोर भएको छैन । यसरी नबुझि दिनु होला । आजसम्मका सबै उपलब्धि कांग्रेस कै नेतृत्वमा भयो र विकास पनि हामीले नै गर्ने हो । म तपाईलाई भनौ अझ सशक्त भएर जनसरोकारका विषयलाई खरो रुपमा आत्मसाथ गर्दै हामी आउछौ । अव तपाईलाई भनौ मेरो जिल्लामा कसरी चुनाव हारियो ? भन्ने कुरा म जिम्मेवारी लिन तयार छु र पछि एक नम्बर बनाएर चुनाब जिताएर पनि ल्याउने जिम्मा लिन्छु । त्यस्तै समग्र कांग्रेस हारको जिम्मा पनि नेताहरुले नै लिन जरुरी छ । आफुलाई आत्मआलोचना गर्दै फेरि गृहकार्य गर्न जरुरी छ । जनता हाम्रै पक्षमा छन । हारको जिम्मेवारी सभापतिले लिनुपर्छ, महामन्त्रिले लिनु पर्छ र अन्य बरिष्ठ नेताहरुले लिनै पर्छ । हिजोका नेताहरु पार्टीलाई परिवार सम्झन्थे, अहिलेका नेताहरु परिवारलाई पार्टी सम्झन्छन अनि कसरी चुनाब जितिन्छ ? त्यसैले अब तलदेखि माथिसम्म आ–आफ्नो कमजोरीलाई औल्याउदै एक ढिक्का भएर गएको खण्डमा हामीलाई फेरि जनताले पहिले कै बनाउने छन् ।
समय र संवादको लागि धन्यवाद ।
यहाँलाई र केटिएम खबर परिवारलाई मेरा कुराहरु राख्ने अवसर दिनु भएकोमा धन्यवाद ।
नेपाली कांग्रेसका नेता रामहरि खतिवडासंगको भिडियो कुराकानी हेर्नका लागि तलको युटुब लिंकमा जानुहोसः

You may also Like this

थप समाचार

फ्रान्सले जित्यो विश्वकप फुटबलको उपाधि
फ्रान्सले जित्यो विश्वकप फुटबलको उपाधि

काठमाडौँ । क्रोएसियालाई हराउँदै फ्रान्सले २० वर्षपछि दोस्रो पटक विश्वकप फुटबलको उपाधि जित हात पारेको छ । आइतबार राति भएको खे ...

भोजपुरको समृद्धि नै मेरो पहिलो प्राथमिकता होः सांसद सुदन किराती
भोजपुरको समृद्धि नै मेरो पहिलो प्राथमिकता होः सांसद सुदन किराती

काठमाण्डौ । एक मात्र निर्बाचन क्षेत्र रहेको पुर्वी पहाडि जिल्ला भोजपुरबाट निर्वाचित सांसद तथा नेकपाका युवा नेता हुन् सुदन किर ...

गण्डकी प्रदेशको नाम खारेज गर्न वैद्यको माग
गण्डकी प्रदेशको नाम खारेज गर्न वैद्यको माग

काठमाडौं । मोहन वैद्य नेतृत्वको नेकपा क्रान्तिकारी माओवादीले गण्डकी प्रदेशको नाम खारेज गर्न माग गरेको छ । बिहीबार विज्ञप्ति ...

रोशीखोलाको बाढीमा फसेका दुईजनाको हेलीकोप्टरबाट उद्दार
रोशीखोलाको बाढीमा फसेका दुईजनाको हेलीकोप्टरबाट उद्दार

काभ्रे । काभ्रेको नमोबुद्ध नगरपालिका ६ स्थित खाक्सेको रोशीखोलाको बाढीमा फसेका दुई जनालाई नेपाली सेनाको हेलिकोप्टरबाट उद्दार ग ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...