माओवादी जनताको साथी हो, नीति र नेतृत्वको जिम्मा लिन तयार छः अधिकारी (अन्तरवार्ता)

२०७३ चैत्र २३ गते १६:५६ मा प्रकाशित


काठमाडौँ । १९ बर्ष पछी हुन लागेको स्थानिय निकायको चुनाबी रौनक यति बेला चिया पसल देखि उच्च स्थानसम्म बहसको विषय बन्न थालेको छ । ०७४ बैशाख ३१ मा हुने भनिएको चुनावमा यति बेला कसलाई उम्मेदवार बनाउँने भन्ने विषयमा विभिन्न दलका नेता, कार्यकर्ताहरु केन्द्रित रहेका छन् भने यसमा सबैको चासो बढेको छ । यस्तै राजधानीको उत्तरी भेगमा रहेको बुढानिलकण्ठ नगर पालिकामा पनि निर्वाचनको पुर्वसन्ध्यामा उम्मेदवारीको विषयमा कसको उम्मेदवार को रहला ? भन्ने कुरामा धेरैको लागि चासोको विषय बन्न थालेको छ ।
यी यावत चुनाबी गतिविधिलाई समेट्दै यत्ति बेला माओवादी केन्द्रले पनि आफ्नो क्रियाशिलता अगाडी बढाईरहेको छ । वडा गठन देखि नगर गठनसम्म गरि सकेको छ । नगर कमिटिका अध्यक्ष भएका छन् रविन अधिकारी । उनै अधिकारीसंग केटिएम खबरले विशेष भिडियो कुराकानी गरेको छ । प्रस्तुत छ केटिएम खबरका लागि श्याम कार्कीसंग गरिएको कुराकानीको अंशः

Rabin adhikari
माओवादी केन्द्रको बुनपा नगर कमिटिको नेतृत्व दिईरहनु भएको छ, यत्ति बेलाको व्यस्तता कता तिर छ ?
अहिलेको स्थानिय निकायको चुनाबलाई मध्यनजर गर्दै प्रत्यक वडाहरुमा वडाका अध्यक्ष लगायत दुई जना पुरुष सदस्य, एक जना महिला सदस्य र एक जना दलित महिला सदस्य छान्ने प्रक्रियमा नै व्यस्त छु । हामीमा १३ वडा रहेको छ । प्रत्येक वडाबाट उम्मेदवारीका लागि प्रस्तावित नामहरु नगर कमिटिमा जम्मा हुँदै छन् । त्यी प्रक्रियालाई अगाडी बढाउँदै छु । नगरको प्रमुख र उप–प्रमुखको पनि यहि २५ गते भित्र हामीले जिल्ला पार्टीमा बुझाई सक्नु पर्ने भएकाले अहिलेको व्यस्तता खास त्यतै तिर केन्द्रित गरेको छु ।
माओवादीको हिजोका दिनहरुको गतिविधिहरुबाट आजसम्म नगरबासीले के पाए ?, अब त समिक्षा गर्ने बेला पनि आएको छ, के भन्नु हुन्छ ?
पहिलो कुरा त मलाई बुढानिलकण्ठ नगरपालिका जति बेला बुढानिलकण्ठ नगरपालिकाको नयाँ नाम लिएर अगाडी आयो त्यतिबेला देखि नै पार्टीले विश्वास गरेर पार्टी प्रतिनिधि र सहजीकरण सदस्यमा पठाएको कारणले नजिकबाट बुढानिलकण्ठ नगरपालिकाको भुगलको कुना–कुनासम्म पुग्ने अवसर पाए र नियाले । त्यसैले अब मलाई थाहा छ बुढानिलकण्ठ नगरपालिकाको कुन वडामा के चाहीँ गर्दा त्यी वडाहरुको विकास, उन्नत छ । जनसंख्याले मात्र नभएर अब चाहीँ उन्नत नगरपालिका बनाउँनका लागि के कस्ता योजनाहरु हाल्न सकिन्छ भन्ने अध्यनमा व्यस्त छु । जसरी बुढानिलकण्ठ नगरपालिकालाई बुझ्ने मौका पार्टीले दियो । त्यसका लागि आभारी पनि छु र आफ्नो कर्तव्य यहाँका जनताहरुलाई उच्च, निच नसम्झि को आफ्नो, को पराई भन्दा पनि जनताको मुख्य समस्या के हो ? भनेर पनि पहिल्याउँन लागि रहेको छु ।
यहाँले लामो समय देखि राजनीतिमा क्रियाशिलता दिईरहनु भएको छ, आम मासिहरुको प्रतिनिधित्व आवाज बनि रहनु भएको छ, मुलतः नगरबासीहरुले के चाहन्छन् र माओवादी केन्द्रले के गर्दै आएको छ ?
नगरबासिहरुको असिमित इच्छाहरु छन्, समस्याहरु छन् । खास समस्या के हो ? र यसको समाधान कसरी गर्न सकिन्छ ? भनेर करिब–करिब अध्यन गर्ने मौका पाएको छु । यो कुरा मैले पुर्व–उद्घोष पनि गरि सकेको छु । माओवादी केन्द्रका श्रद्धय अध्यक्षले जुन आफ्नो भिजन नेपालमा ल्याउनु भएको छ । त्यसले गर्दा हामीलाई सजिलो पनि बनाएको छ । जसले गर्दा हामी अब नयाँ योजनाका साथ जनतासंग जादै छौँ । “जनताको घर–घरमा माओवादी यानकि जनताका साथी माओवादी” भन्नुको अर्थ के हो भने जुन जनताको बोेल्दिने कोही छैनन् अब माओवादीले पक्कै बोल्दिन्छ र विशेष समस्या के हो ? कार्यलयमा बसेर जनताको समस्या पहिचान हुदैन र जनताको घर–घर जानु पर्छ र जनताको घर–घर गई सके पछी सामुहिक समस्या के हो ? भनेर हामीलाई जति अरु कसैलाई थाहा नहोला । त्यसैको कारण मलाई लाग्छ माओवादी केन्द्रलाई एक चोटि जनताहरुले अब बुढानिलकण्ठ नगरपालिकाका हुँदै गरेका नागरिकहरुले पुर्णत विश्वास गर्नुहुन्छ भन्ने मेरो विश्वास छ ।
बुनपा माओवादीले उम्मेदवारहरुको नाम कहिले घोषणा गर्दै छ ?, यत्ता–कत्ता बुनपा मेयर उम्मेदवारका लागि तपाईको नाम आउँदै छ भन्ने कुरा सुनिन्छ, के भन्नुहुन्छ ?
त्यो त कस्तो रह्यो भने हाम्रो पार्टीले अहिले नै उम्मेदवार यो हो भनेर चयर गरि सकेको अबस्था हैन । हामीले पार्टीको नीति भन्दा बाहिर बोल्नु पनि मिल्दैन । नगर अध्यक्षको हैसियतले प्रमुख कुरो के हो भने पार्टी एकताबद्ध रुपले सकिन्छ भने सिंगल नाममा, सकिदैन भने पार्टीले दिएको कार्यतालिका अनुसार र एउटा सिमित ठाउँ छ । त्यस अनुसार हामीले वडाबाट उम्मेदवार छान्ने अवस्था करिब–करिब सकि सकेका छौँ र मेयर र उप–मेयरको हिसाबमा पनि बढीमा तिन जनाको नाम जिल्लामा पठाउँछौ । मलाई लाग्छ जिल्लाले प्रदेशमा पठाउँछ र पछी त्यहाबाट निर्णय भएर आउँछ । मेरो हिसाबले भन्नु पर्दा १९ बर्ष पछी हुन लागेको स्थानिय निकायको यो निर्वाचनमा मेरो नाम भए हुन्थ्यो भन्ने त लागेको छ तर जसको नाम आए पनि हामीले एकताबद्ध भएर माओवादी केन्द्रको भिजनलाई पुरा गर्न लाग्ने छौँ ।
चुनाबी मैदानमा अरु पार्टीहरु छन्, सबैले राम्रो कुरा गर्छन् नै तर यहाँहरु राम्रो भन्नका लागि नगरबासीहरुले मुल्यांकन गर्ने आधारहरु चाही के छन् ?
असाध्यै सान्दर्भिक प्रश्न, त्यसका लागि धन्यवाद पनि । अरु पार्टीहरुले गर्ने गतिविधिलाई यहाँका जनताहरुले राम्रोसंग नियालेका छन् र अब माओवादी केन्द्रले गर्ने नगरका योजनाहरुको बारेमा करिब–करिब बुनपाका जनताहरुले त्यति बुझ्ने मौका पाईरहनु भएको छैन । त्यसैले पनि हाम्रो एजेण्डा भनेको नै जसको नीति, उसैको नेतृत्व भन्ने हो । जसले गर्दा हामीले बनाएको एउटा नीति अरुले प्रयोग गर्दै गर्दा नुन नपुगेको तरकारी जस्तो हुन्छ ।
रविन अधिकारीसंगको थप कुराकानी तथा भिडियो कुराकानी हेर्नका लागि तलको युटुब लिंकमा जानुहोसः

You may also Like this

थप समाचार

अन्नपूर्ण बुद्धिचाल प्रतियोगिताको उपाधि पायोनियरलाई
अन्नपूर्ण बुद्धिचाल प्रतियोगिताको उपाधि पायोनियरलाई

काठमाडौँ । १३ औं राष्ट्रव्यापी विद्यालयस्तरीय अन्नपूर्ण मैत्री खुला बुद्धिचाल प्रतियोगिताको उपाधि कपनमा रहेको पायोनियर पब्लिक ...

काठमाण्डौमा अन्तरघातका कारण कांग्रेस पछाडि पर्योः युवा नेता सिग्देल
काठमाण्डौमा अन्तरघातका कारण कांग्रेस पछाडि पर्योः युवा नेता सिग्देल

काठमाडौँ । गत बैसाख ३१ गते सम्पन्न स्थानिय निकायको चुनाबी परिणाम नेपाली कांग्रेसका लागि सन्तुष्टिजनक देखिएन । कांग्रेसको बाहु ...

बुढानिलकण्ठ नगरका जनतामा परिचित र लोकप्रिय पार्टी एमाले नै हो, हामीले जित्छौँः उद्धव खरेल
बुढानिलकण्ठ नगरका जनतामा परिचित र लोकप्रिय पार्टी एमाले नै हो, हामीले जित्छौँः उद्धव खरेल

काठमाडौँ । मुलुक यत्ति बेला चुनाबि महोलले केन्द्रित रहेको छ । पार्टीका उम्मेदवारहरु अहिले नगर, वडा–बासीहरुको घर दैलो का ...

माओवादी जनताको साथी हो, नीति र नेतृत्वको जिम्मा लिन तयार छः अधिकारी (अन्तरवार्ता)
माओवादी जनताको साथी हो, नीति र नेतृत्वको जिम्मा लिन तयार छः अधिकारी (अन्तरवार्ता)

काठमाडौँ । १९ बर्ष पछी हुन लागेको स्थानिय निकायको चुनाबी रौनक यति बेला चिया पसल देखि उच्च स्थानसम्म बहसको विषय बन्न थालेको छ ...

IME Rashifall Ncell

worldब्लग /विचारपुरा हेर्नुहोस्

दातको दुखाई र समाधान

सामान्यतया दाँतको दुखाई दुई प्रकारको हुने गर्दछ ।  (१) दाँत किराले खाएर/सड्दै/बिग्रदै दुख्ने(२) दाँत किराले नखाई/नसड्दै/नबिग् ...


भारत ब्रिटिसको गुलाम थियो, त्यहाँ अझै ब्रिटिसको बिऊ बाकी छ

रवि भट्टराई । रोटी र बेटीको संबन्ध हो भनेर नेपाल र भारतको सम्बन्धलाई आफै प्रस्ट्याउने भारतले, बेटीलाई रोटी बन्द गर्ने तहसम्म आफै ...