राष्ट्रसंघ भन्छ, म्यानमारका ८७ हजार शरणार्थी बंगलादेशमा

२०७४ भदौ १९ गते १७:१२ मा प्रकाशित


myaanmaarबंगलादेश, भदौ १९ । म्यानमारमा केही समययता भड्किएको हिंसाको कारण विदेशिएका रोहिंग्या मुस्लिम शरणार्थीको संख्या बंगलादेशमा करिब ८७ हजार पुगेको छ ।


छिमेकमा पर्ने देश म्यानमारमा गत अगस्त २५ बाट सुरु भएको हिंसाको कारण शरणार्थीको रुपमा ती व्यक्ति बंगलादेश आइपुगेका संयुक्त राष्ट्रसंघले जानकारी दिएको छ ।

म्यानमारको अल्पसंख्यक हजारौ रोहिंग्या मुस्लिम पछिल्लो समयमा म्यानमारको राखिन राज्यमा सुरु भएको द्वन्द्वको कारण बंगलादेश छिर्ने सीमामा बसेका छन् ।

म्यानमारको पश्चिमी राज्य राखिन र बंगलादेशको सीमा क्षेत्रमा पर्ने स्थानमा करिब २० हजार प्रायः रोहिंग्या मुस्लिम समूदायका व्यक्ति बंगलादेश छिर्नको लागि पर्खेर बसेका संयुक्त राष्ट्रसंघद्धारा जारी प्रतिवेदनमा जनाइएको छ ।

करिब दश दिनयतादेखि सुरु भएको हिंसाको कारण ढाकाले आफ्नो सीमा क्षेत्रमा नियन्त्रण गर्न छोडेको छ ।

हालैका दिनमा बंगलादेशी सीमा सुरक्षा गार्डहरु पनि म्यानमारका शरणार्थीहरुलाई त्यहाँबाट भाग्न र बंगलादेश छिर्न सघाइरहेका छन ।

संयुक्त राष्ट्रसंघले प्राप्त गरेको समाचारअनुसार ती सुरक्षा गार्डहरुले म्यानमारबाट बंगलादेशको सीमा पारगर्न रोक लगाइएका छैन ।

गत पाँच वर्षयता म्यानमारको राखिन राज्यमा जाती र धर्मका कारण हिंसा अत्यन्तै भड्किदै गएको छ ।

राष्ट्रसंघका अनुसार म्यानमारको रोहिंग्या राज्यमा सुरु भएको हिंसापछि बंगलादेश भागेर जाने क्रममा नाफ नदी पार गर्दा बगाएर सयौँ व्यक्तिको मृत्यु भइसकेको छ ।

म्यानमारबाट भागेर आएका व्यक्तिले शरणार्थी शिवीर भरिएको हुनाले स्थानीय व्यक्तिहरुले समेत शरणार्थीलाई सहयोग गर्ने गरेका संयुक्त राष्ट्रसंघले जनाएको छ ।

म्यानमारको राखिन राज्यमा सन् २०१२ बाट सुरु भएको धार्मिक हिंसाको कारण सयौं रोहिंग्या मुस्लिमहरुको मृत्यु भएको छ भने लाखौंको संख्यामा विस्थापित भएका छन् ।

रोहिंग्या विद्रोही समूहले दुर्गम क्षेत्रमा रहेका प्रहरी चौकीमा गरेको आक्रमणमा करिब १५ प्रहरी अधिकारीको मृत्यु भएको थियो । साथै कैयाँै गाउँमा आगजनी पनि गरिएकोे अधिकारीहरुले जानकारी दिएका थिए ।

तर, म्यानमारका सैनिक प्रमुखका अनुसार यस आक्रमणमा परी ३७० रोहिंग्या आतंककारीलगायत ४ सय व्यक्तिको मृत्यु भएको थियो । राससःएएफपी

You may also Like this

थप समाचार

ट्रम्प र किमको भेट सिंगापुरमा हुने टुंगो
ट्रम्प र किमको भेट सिंगापुरमा हुने टुंगो

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ तारिखमा सिंगापुरमा भेटवार्ता ह ...

पर्सामा स्थानीय र प्रहरीबीच झडप, ५ प्रहरी घाइते
पर्सामा स्थानीय र प्रहरीबीच झडप, ५ प्रहरी घाइते

२४ वैशाख, वीरगञ्ज । अपराधी छुटाउन प्रहरी कार्यालय पुगेका स्थानीय र प्रहरीबीच पर्सामा झडप भएको छ । घटनामा ५ प्रहरी घाइते भएका ...

डा. देवकोटालाई नेपाल ल्याइयो
 डा. देवकोटालाई नेपाल ल्याइयो

काठमाडौं । प्रख्यात न्युरो सर्जन डा. उपेन्द्र देवकोटालाई बेलायतमा रहेको किङ्स कलेज हस्पिटलमा पाँच महिना लामो उपचारपछि नेपाल ...

ऐतिहासिक वार्तापछि दुई कोरियाको ‘परमाणु वाचा’
ऐतिहासिक वार्तापछि दुई कोरियाको ‘परमाणु वाचा’

दुई कोरियाको सीमाक्षेत्रमा भएको ऐतिहासिक वार्तापश्चात् उत्तरका नेता किम जङ-अन तथा दक्षिणका राष्ट्रपति मून जे-इनले कोरियाली प ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...