अमेरिकी कम्पनीसँग जहाज खरिद गरिदैँ, भुक्तानी पोर्चुगलको कम्पनीलाई

२०७४ साउन २६ गते ११:२५ मा प्रकाशित


nepal-airlines२६ साउन । अमेरिकी कम्पनीसँग खरीद गर्न लागिएको जहाजको भुक्तानी पोर्चुगलको कम्पनीमार्फत भएको छ ।

व्यवस्थापिका–संसद्को सार्वजनिक लेखा समितिको बुधबारको बैठकमा यस विषयमा छलफल भएपछि जहाज खरीद गर्ने सम्बन्धमा गरेका निर्णय र खरीद प्रक्रियाका कागजात पाँच दिनभित्र पेश गर्न नेपाल वायु सेवा निगमलाई निर्देशन दिइएको छ ।

समितिको बुधबारको बैठकले यसअघि पनि जहाज खरीद प्रक्रियाका कागजात मागिएकामा निगमले पेश नगरेको भन्दै पाँच दिनको अवधि तोकेर पुनः कागजात माग गरिएको सभापति डोरप्रसाद उपाध्यायले बताए । उनले भने– ‘निगमले अमेरिकाको एआर कम्पनीसँग ‘वाइड बडी एयर बस’ खरीदका लागि पोर्चुगलको हाई फ्लाई कम्पनीलाई आठ अर्ब रुपैयाँ भुक्तानी दिएको थियो । एउटा कम्पनीसँग विमान किन्ने सम्झौता गरेर अर्कै कम्पनीमार्फत पैसा पठाइएको पाइएकाले कागजात पेश गर्न निर्देशन दिइएको हो ।’

बैठकमा संस्कृति, पर्यटन तथा नागरिक उड्डयन मन्त्री जीतेन्द्रनारायण देवले सांसदहरूले उठाएका विषयलाई आफूले विस्तृत रुपमा अध्ययन गरी खरीद प्रक्रियाका बारेमा भएगरेका निर्णय बुझ्ने जानकारी गराए ।

सांसदहरू उषा गुरुङ, भरतकुमार साह, धनराज गुरुङ, रामहरि खतिवडा, ममता गिरी, आनन्दप्रसाद पोखरेल लगायतले जहाज खरीद प्रक्रियाका बारेमा आएका तथ्यको थप अध्ययनका लागि खरीद प्रक्रियाको कागजात मगाउनुपर्ने बताएका थिए । निगम सञ्चालक समितिको अध्यक्षसमेत रहेका मन्त्रालयका सचिव शंकरप्रसाद अधिकारीले आवश्यकताका आधारमा प्रक्रिया पूरा गरी जहाज खरीद गर्न लागिएको बताए। निगमका महाप्रबन्धक सुगतरत्न कंसाकारले जहाज खरीद गर्न सञ्चालक समितिले गरेको निर्णय ठीक रहेको दाबी गरे । रासस

You may also Like this

थप समाचार

महानगरपालिकाले २५ करोड खर्चिएर खाल्डा पुर्ने
महानगरपालिकाले २५ करोड खर्चिएर खाल्डा पुर्ने

काठमाडौं, कात्तिक २० । काठमाडौं महानगरपालिकाले आफ्नो क्षेत्रभित्र पर्ने भित्री सडकका खाल्डाखुल्डी पुरेर कालोपत्रे गर्ने भएको ...

साउदी राजकुमारको हेलिकोप्टर दुर्घटनामा निधन
साउदी राजकुमारको हेलिकोप्टर दुर्घटनामा निधन

कात्तिक २० । साउदी अरेबियाका राजकुमार मन्सुर बिन मुक्रिनको हेलिकोप्टर दुर्घटनामा निधन भएको छ । राजकुमार मन्सुर चढेको हेलिकोप ...

मोदी तेस्रोपटक नेपाल आउँदै
मोदी तेस्रोपटक नेपाल आउँदै

काठमाडौँ । भारतीय प्रधानमन्त्री नरेन्द्र मोदी तेस्रोपटक नेपाल आउने प्रायस् निश्चित भएको छ । प्रधानमन्त्री भएलगत्तै उनी नेपाल ...

राजपाले मार्‍यो बाजी
राजपाले मार्‍यो बाजी

काठमाडौं, असोज ५ । बाराको देवताल गाउँपालिका अध्यक्षमा राजपाका उम्मेदवार विजयी भएका छन् । राजपा नेपालका उम्मेदवार चन्दन कुमार ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...