काठमाडौँ । पिक प्वाइन्टले बार्षिक रुपमा गर्दै आईरहेको किड्स इभेन्ट सानो संसार भाग–३ सम्पन्न गरेको छ । शनिबार चुनिखेल स्थित पिक प्वाइन्टको प्रांगनमा गरिएको उक्त कार्यक्रममा एनप्याब्सन काठमाडौँ अध्यक्ष बिष्णु पराजुलीको प्रमुख आतिथ्यतामा सम्पन्न भएको थियो ।

कार्यक्रममा अभिभाव, एनप्याब्सन काठमाडौँ सदस्य शक्ति नेपाल, स्थानिय व्यक्तिहरु, अध्यनरत विद्यार्थी, विभिन्न स्कुलका प्रिन्सिपलहरुको उपस्थिति रहेको थियो ।

विद्यार्थीहरुले आफ्ना अभिभावकहरुको उपस्थितिमा आफ्नो कलाकारीता प्रस्तुत गरेका थिए भने हास्य कलाकार सुलेमान शंखर 'इकु' ले उपस्थित सबैलाई आफ्नो प्रहशनबाट मनोरञ्जन प्रदान गरेका थिए ।

कार्यक्रममा बोल्दै प्रमुख अतिथि पराजुलीले पिक प्वाइन्टले शिक्षा क्षेत्रका लागि पारेको प्रभाव बारे सकारात्मक टिप्पनी गरेका थिए ।

विद्यार्थीहरुको चौतर्फि विकासमा समर्पित रहेको पिक प्वाइन्टले यी र यस्ता कार्यक्रम गर्दै आएको छ र आजको कार्यक्रम विशेष गरी हामीले पिजी देखि दुई कक्षासम्म अध्यनरत विद्यार्थीहरुको अभिभावक दिवसको रुपमा आयोजना गरेका हौँ । विभिन्न अतिरिक्त क्रियाकलापमा उत्कृष्ठ रहेका विद्यार्थीलाई पुरस्कार समेत वितरण गर्यौ स्कुलका फाउण्डर/प्रिन्सिपल विनय श्रेष्ठले बताउनु भयो ।