नेसनल प्याब्सनको नेतृत्व लिन तयार छुः पाण्डब हमाल (भिडियो)

२०७४ कार्त्तिक ६ गते २३:२५ मा प्रकाशित


pandab hamal I Interview

काठमाडौँ । राष्ट्रिय निजी तथा आवासिय विद्यालय एसोसियसन नेपाल (एनप्याब्सन) को छैठौँ महाधिवेशन यहि कार्तिक १७ देखी १९ गतेसम्म चितवन जिल्लाको सुन्दर नगरी सौराहामा हुँदै छ । यसै विषयमा केन्द्रित रहेर केटिएम खबर डट कमका लागि श्याम कार्कीले एनप्याब्सनका उपाध्यक्ष एवं छैठौँ महाधिवेशनका अध्यक्ष आकांक्षी पाण्डब हमालसंग विशेष सम्वाद गरेका छन् । प्रस्तुत छ सोही कुराकानीको सम्पादित अंशः
पाण्डब सर यहाँलाई स्वागत छ ।
धन्यवाद
के कुरामा केन्द्रित हुनुहुन्छ ?
अहिले हामी एनप्याब्सनको छैठौ महाधिवेशनको संहारमा छौँ । त्यस अन्तर्गत हाम्रा तमाम साथीहरुसंग जल्दा–बल्दा विषयहरुलाई लिएर मेची कालीको भ्रमणबाट अहिले काठमाडौँ आएको छु । यही कुरामा म अहिले केन्द्रित छु ।
छैठौ महाधिवेशनको तयारी कस्तो हुदै छ ?
हामी प्रथम महाधिवेशनबाट पाचौ महाधिवेशनसम्म आइरहदा नेसनल प्याब्सनको छुट्टै इतिहास बनेको छ । छैठौँ महाधिवेशनको संहारमा आउदा नयाँ नेतृत्वमा म पनि आकांक्षी रहेको छु । यो कुरा भन्नका लागि म पछी पर्न हुन्न किनभने हाम्रो राष्ट्रिय अध्यक्षले आफ्ना तमाम कुरा मिडियामा राखी सक्नु भएको अवस्था छ । त्यही सन्दर्भ जोडेर अहिलेको सन्दर्भमा निजी विद्यालयहरुको छाता संगठन एनप्याब्सन एउटा ऐतिहासिक मोडमा छ । देशले अहिले संघियताको सवालमा, प्रदेशको सबै सवालमा आफ्ना कुराहरु ल्याइरहेको छ । हाम्रो छैठौ महाधिवेशन पनि समय सापेक्षित औचित्यपुर्ण अवस्थामा छ । हामीले त्यहा जेन्युन कुराहरु उठाउनु पर्छ । त्यो उत्थान गरी सकेपछी आउने नेतृत्वले त्यी कुराहरुलाई सबल र सक्षम रुपमा निर्धक्कका साथ लड्न सक्ने किसिमको भुमिका निर्वाह गर्नु पर्छ । त्यसका लागि म तयारी भएको अवस्था हो ।
यहाँको उम्मेदवारी किन र केका लागि ?
लगभग नेसनल प्याब्सनको बिस वर्षको इतिहास र एक्काइस वर्षमा प्रवेश गरिरहदा म एउटा तदर्थ समितिको केन्द्रिय सदस्यमा रहेर, त्यसपछी निर्वाचित भएर दुई चोटी केन्द्रिय सचिव भएको अवस्था र केन्द्रिय उपाध्यक्ष भइसकेको हुँदा लामो अनुभव मसंग छ । मलाई लाग्छ मेचीदेखी महाकालीसम्मका मोफसलका विद्यालयहरुदेखी लिएर सिटीका विद्यालयका समस्याहरु र सम्पुर्ण कुराहरु मैले अवलोकन गरेको छु । हरेको विद्यालयहरुको समस्यासंगै त्यो भित्र रहेका आम–अभिभावक, विद्यार्थी, शिक्षक साथीहरुको समस्याका जल्दा–बल्दा कुराहरुलाई लिएर आफु अगाडी बढ्ने ठानेको छु र संगठन भित्र लामो समयदेखी काम गरेको हुँदा पनि अब मैले नेतृत्व लिएर अझ केही कुराहरु दिन सक्छु कि भन्ने लागेर आफ्नो कार्यक्रमहरु अगाडी बढाएको छु ।
शिक्षा क्षेत्रमा यहाँले दिनु भएको योगदानहरु के के छन् ?
शिक्षा क्षेत्रमा म लागिरहदा मैले आफुले सञ्चालन गरिरहेको विद्यालयमा गरिब, जेहेन्दार, अत्यन्तै निम्न वर्गीय (मुसहर, डुम, चमार) का बालबालीकाहरु पनि सुलभ रुपमा अध्यन गराए । उनीहरु अहिले नेपाल सरकारको सेवामा पनि कार्यरत रहेको अवस्था छ । त्यसबाट म अत्यन्तै खुशी छु । मेरो पेशा प्रती म सम्मान गर्न चाहन्छु । त्यसै गरी म संगठनमा आई सकेपछी संगठनमा रहेका तमाम विद्यालयहरुका साथीहरुको संरक्षण र संम्बद्र्धनका लागि मैले आफ्नो भुमिकाबाट, मैले पाएको जिम्वेवारीबाट मैले रत्तिभर पछी नपरीकन हरेका ठाउँमा उहाँहरुको समस्यालाई समाधान गर्न प्रत्येक जिल्लाहरुमा भौतीक रुपमा उपस्थित भएको छु । मलाई जुन रुपमा राष्ट्रिय अध्यक्षले जिम्वेवारी दिनु भयो र त्यो जिम्वेवारलाई मैले पुर्ण रुपमा निभाएको छु । अधिकांश जिल्लाहरुमा म आफै गएर संगठन निर्माण गरेको छु । म स्मरण गराउन चाहन्छु, तेश्रो राष्ट्रिय महाधिवेशनमा म सचिवमा निर्वाचित भई सकेपछी मैले त्यतिखेर पनि मेची–महाकाली भ्रमण गरेर देशका कुना–कुनामा पुगेर निजी विद्यालयको औचित्य बुझाएर र निजी विद्यालयको संरक्षण, सम्बद्र्धन मात्र नभएर स्तरीय शिक्षा कसरी दिनु पर्छ ? भन्ने सवालमा पनि मैले आफ्ना कुराहरु राखेर संगठन प्रती आवद्ध गराएका साथीहरु धेरै छन् ।
पाण्डब हमालसंगको थप कुराकानी तथा भिडियो कुराकानी हेर्नका लागि तलको युटुब लिंकमा जानुहोसः

You may also Like this

थप समाचार

पिक प्वाइन्टको खेलकुद सप्ताह सम्पन्न (भिडियो)
पिक प्वाइन्टको खेलकुद सप्ताह सम्पन्न (भिडियो)

काठमाडौँ । चुनिखेलमा रहेको पिक प्वाइन्ट एकेडेमीले आफ्नो १२औँ खेलकुद सप्ताह सम्पन्न गरेको छ । पुस २४ गतेबाट सुरु भएको उक्त खे ...

पायोनियरले गर्यो कोरियन स्वयंसेवकहरुलाई बिदाई
पायोनियरले गर्यो कोरियन स्वयंसेवकहरुलाई बिदाई

काठमाडौँ । कपनमा रहेको पायोनियर पब्लिक स्कुलले दक्षिण कोरियाको गांरुङ्जु युनिभर्सिटिबाट आएका स्वयंसेवकहरुको पुस २८ गते विशेष ...

शारदाको खेलकुद सप्ताह सम्पन्न
शारदाको खेलकुद सप्ताह सम्पन्न

काठमाडौँ । कपनमा रहेको शारदा एकेडेमीको खेलकुद सप्ताह सम्पन्न भएको छ । हरेक वर्ष आयोजना गरिने खेलकुद सप्ताह यस वर्ष पनि पुस २ ...

नेसनल प्याब्सन काठमाडौँको प्रथम जिल्लाव्यापी खेलकुद सप्ताह सम्पन्न
नेसनल प्याब्सन काठमाडौँको प्रथम जिल्लाव्यापी खेलकुद सप्ताह सम्पन्न

काठमाडौँ । राष्ट्रिय निजी तथा आवासिय विद्यालय एसोसियशन नेपाल (एनप्याब्सन) काठमाडौँले आयोजना गरेको प्रथम काठमाडौँ जिल्लाव्याप ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...