जहाँ हुँदैछ निर्वाचनमा रोचक भिडन्त

२०७४ मंसिर १७ गते १०:२३ मा प्रकाशित


leader

आगामी मंसिर २१ गते हुने प्रतिनिधि सभा र प्रदेश शभा निर्वाचनमा केही क्षेत्रमा रोचक प्रतपश्पर्धा हुँदैछ। यो खबर आजको नयाँ  पत्रिकामा छापिएको छ।

डडेल्धुरा
प्रधानमन्त्री शेरबहादुर देउवालाई डडेल्धुरामा वाम गठबन्धनबाट माओवादी उम्मेदवार खगराज भट्टले चुनौती दिँदै छन् । ०६४ मा झिनो मतले पराजित भट्ट त्यसयता लगातार देउवासँग भिड्दै छन् । उनलाई भोट माग्न एमाले अध्यक्ष केपी ओली पनि डडेल्धुराको आमसभामा पुगेका थिए ।

चितवन–३
माओवादी अध्यक्ष प्रचण्ड उम्मेदवार रहेको चितवन ३ पनि निकै चर्चामा छ । उनलाई एमालेको साथ छ । राप्रपा (प्रजातान्त्रिक) का विक्रम पाण्डेलाई कांग्रेसले समर्थन गरेपछि प्रतिस्पर्धा रोचक बनेको छ । प्रचण्डको प्रचारमा एमाले अध्यक्ष केपी ओली र नेता माधव नेपाल पनि चितवन पुगेका छन् ।

तनहुँ–१
कांग्रेस नेता रामचन्द्र पौडेल र वाम गठबन्धनका उम्मेदवार कृष्णकुमार श्रेष्ठबीच पनि रोचक प्रतिस्पर्धा हुँदै छ । निर्वाचन आयोगमा उजुरी दिएर कांग्रेसकै विद्रोही गोविन्दराज जोशीको उम्मेदवारी खारेज गरे पनि पौडेल ‘रिस्क जोन’मै छन् । स्थानीय निर्वाचनको मत पनि वाम गठबन्धनको बढी छ ।

झापा–३
झापा ३ मा कांग्रेसका कृष्ण सिटौला र राप्रपाका राजेन्द्र लिङ्देन भिड्दै छन् । देशभर कांग्रेस र राप्रपाबीच गठबन्धन बने पनि यस क्षेत्रमा एमाले, माओवादी र राप्रपाले सिटौलाविरुद्ध मोर्चाबन्दी कसेपछि भिडन्त पेचिलो बनेको छ । लिङ्देन ०७० मा सिटौलाबाटै पराजित भएका थिए ।

मोरङ–६
मोरङ ६ मा कांग्रेसका डा. शेखर कोइराला र एमालेका लालबाबु पण्डित उम्मेदवार छन् । प्रतिस्पर्धा निकै पेचिलो छ । सामान्य प्रशासनमन्त्री हुँदा डिभी र पिआरधारी कर्मचारीलाई कारबाही गर्ने निर्णय गरेपछि पण्डितको लोकप्रियता बढेको छ । कोइराला यही क्षेत्रबाट यसअघि सांसद भएका थिए ।

काठमाडौं–४
चर्चित युवा नेता गगन थापा र राजन भट्टराईको प्रतिस्पर्धाले काठमाडौं ४ पनि चर्चामा छ । ०७० मा यही क्षेत्रबाट निर्वाचित थापा स्वास्थ्यमन्त्री भएपछि थप चर्चामा आए । भट्टराई परराष्ट्र क्षेत्रमा चर्चित तथा प्रबुद्ध समूहका सदस्यसमेत हुन । यो क्षेत्रको चुनावी समीकरण आकलन गर्न नसकिने बनेको छ ।

काठमाडौं–१
कांग्रेसका प्रकाशमान सिंह र वाम गठबन्धनका अनिल शर्मालाई विवेकशील साझा पार्टीका रवीन्द्र मिश्रले चुनौती दिएपछि काठमाडौं १ को प्रतिस्पर्धा रोचक बन्दै छ । ०६४ र ०७० मा सिंह यही क्षेत्रबाट निर्वाचित भएका थिए । नयाँ पार्टी खोलेर पूर्वपत्रकार मिश्र चुनावी मैदानमा आएपछि चर्चा थप चुलिएको हो ।

धनुषा–३
कांग्रेसका विमलेन्द्र निधि र राजपाका राजेन्द्र महतोको प्रतिस्पर्धाले धनुषा ३ चर्चामा छ । मधेसका केही क्षेत्रमा कांग्रेस र राजपाबीच चुनावी तालमेल भए पनि यो क्षेत्रमा भने तालमेल हुन सकेन । प्रदेश २ को राजधानी जनकपुर हुने भएकाले पनि दुवै नेताले आफ्नो जितलाई प्रतिष्ठाको विषय बनाएका छन् ।

झापा–१
प्रतिनिधिसभा निर्वाचनमा झापा १ बाट उम्मेदवार बनेका कांग्रेसका विश्वप्रकाश शर्मा र वाम गठबन्धनबाट माओवादीका सुरेन्द्र कार्कीबीचको प्रतिस्पर्धा पनि रोचक देखिएको छ । दुवै उम्मेदवार बौद्धिक नेताका रूपमा परिचित छन् । सद्भावपूर्ण निर्वाचन प्रचार अभियानले पनि उनीहरू चर्चामा छन् ।

रुपन्देही–३
एमालेका नेता घनश्याम भुसाल रुपन्देही ३ मा राप्रपा (प्रजातान्त्रिक) का नेता तथा बहालवाला
स्वास्थ्यमन्त्री दीपक बोहरासँग प्रतिस्पर्धा गर्दै छन् । ०७० को निर्वाचनमा कांग्रेसका बालकृष्ण खाणसँग ३२ मतले पराजित भुसाल वाम गठबन्धनको साझा उम्मेदवार हुन् । बोहरालाई कांग्रेसको समर्थन छ ।

गुल्मी–१
एमाले सचिव प्रदीप ज्ञवाली र कांग्रेसका नेता चन्द्र भण्डारीबीचको प्रतिस्पर्धाले गुल्मी १ पनि तातेको छ । ०७० को निर्वाचनमा भण्डारीले ज्ञवालीलाई पराजित गरेका थिए । ज्ञवाली अहिले वाम गठबन्धनका साझा उम्मेदवार हुन् । दुवै शालीन र बौद्धिक नेताका रूपमा परिचित छन् ।

कैलाली–१
प्रमुख दलबाट महिला उम्मेदवार आमनेसामने भएको एक मात्र क्षेत्र कैलाली १ चर्चामा छ । यहाँ कांग्रेसकी ईश्वरी न्यौपाने र एमालेकी गरिमा शाह भिड्दै छन् । स्थानीय तह निर्वाचनको मतपरिणाम पनि कांग्रेस र वाम गठबन्धनको हाराहारी छ । यो क्षेत्रमा कसले जित हात पार्छ भन्ने अनुमान गर्न गाह्रो छ ।

You may also Like this

थप समाचार

प्रदेश प्रमुख भोलि तोकिने
प्रदेश प्रमुख भोलि तोकिने

कानुनमन्त्री यज्ञबहादुर थापाले आगामी मन्त्रिपरिषद् बैठकबाट सातै प्रदेश प्रमुख नियुक्त गर्ने बताएका छन् । माघ २४ गते राष्ट्रि ...

मेलम्ची काठमाडौं आइपुग्दा २८ अर्ब खर्च हुने
मेलम्ची काठमाडौं आइपुग्दा २८ अर्ब खर्च हुने

मेलम्ची खानेपानी आयोजना सम्पन्न हुँदा करिब २८ अर्ब रुपैयाँ खर्च हुने भएको छ। १७ अर्ब लागत अनुमान गरेर सुरु भएको आयोजना समयमै ...

दाहाललाई उचाल्दै मधेसवादी दल !
दाहाललाई उचाल्दै मधेसवादी दल !

नेकपा एमाले र माओवादी केन्द्रको वाम गठबन्धनलाई फुटाउन राष्ट्रिय जनता पार्टी नेपाल र संघीय समाजवादी फोरम नेपालको मधेसवादी गठब ...

निर्वाचन आयोग, अख्तियार र महालेखा प्रमुखबीच गोप्य भेटघाट
निर्वाचन आयोग, अख्तियार र महालेखा प्रमुखबीच गोप्य भेटघाट

प्रमुख निर्वाचन आयुक्त अयोधीप्रसाद यादवले अख्तियार दुरुपयोग अनुसन्धान आयोगका प्रमुख आयुक्त दीप बस्न्यात र महालेखा परीक्षक टं ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...