निर्वाचन हुनुअगाडि नै सबै पदमा निर्विरोध निर्वाचित

२०७४ बैशाख २२ गते १५:४९ मा प्रकाशित


chunabडोल्पा, वैशाख २२ । उत्तरी डोल्पाको शे फोक्सुन्डो गाँउपालिकामा स्थानीय तहको निर्वाचन हुनुअगाडि नै सबै पदमा निर्विरोध निर्वाचित भएका छन् ।

सो गाँउपालिकाको अध्यक्षमा नेकपा एमालेका उम्मेदवार टसी टुन्डुक गुरुङ तथा उपाध्यक्षमा स्वतन्त्र उम्मेदवार दावा गुरुङ निर्विरोध निर्वाचित भएको जिल्ला निर्वाचन अधिकारी रामबहादुर बुढाले जानकारी दिए ।

यस्तै, उक्त गाउँपालिकाको ९ ओटै वडामा वडाध्यक्ष, महिला, दलितलगायत सम्पूर्ण सदस्य पदमा निर्विरोध निर्वाचित भएका छन् ।

जिल्ला निर्वाचन अधिकारी बुढाकाअनुसार वडा नम्बर–१ को वडाध्यक्षमा जिमे छोइङ नर्बु लामा, महिला सदस्यमा फना लामा गुरुङ तथा अन्य सदस्यमा पेमा छिरिङ र छुल्डिम लामा निर्विरोध निर्वाचित भएका छन् ।

यस्तै, वडा नम्बर–२ को वडाध्यक्षमा ग्याल्जेन लामा, महिला सदस्यमा लेङदेन गुरुङ, अन्य सदस्य फुर्वा टसी गुरुङ र पाल्दाङ गुरुङ, वडा नम्बर–३ को वडाध्यक्षमा कर्मा तुन्डुक लामा, महिला सदस्यमा खाँडो गुरुङ तथा अन्य सदस्यमा कर्म आङग्याल गुरुङ र दावाटासी गुरुङ निर्विरोध निर्वाचित भएका छन् ।

यसैगरी वडा नम्बर–४ को वडाध्यक्षमा पेमा वाङछिङ गुुरुङ, महिला सदस्यमा छिरिङ साङमो बुढा, दलित आङमे विक तथा अन्य सदस्यमा फन्जाङ दोर्जे गुरुङ र मोना दोर्चे लामा निर्विरोध भएका छन् भने वडा नम्बर–५ को वडाध्यमा पेमा गुरुङ, दलित छिलिङ मुटुन विक, महिला सन्चोक लोगु गुरुङ तथा अन्य सदस्यमा निमा छिरिङ गुरुङ र कोची चोकडाल्या गुरुङ निर्विरोध निर्वाचित भएका छन् ।

यस्तै, सो गाउँपालिकाको वडा नम्बर–६ को वडाध्यक्षमा सिमजिङ गुरुङ, महिला पेमा छिरिङ गुरुङ तथा अन्य सदस्यमा कोङचोर गुरुङ र धार्के गुरुङ निर्विरोध भएका छन् भने वडा नम्बर–७ को वडाध्यक्षमा पासाङ गुरुङ, महिला छैतन गुरुङ तथा अन्य सदस्यमा पेमा तेन्जिङ गुरुङ र नर्कु टोन्डुक गुरुङ निर्विरोध निर्वाचित भएका छन् ।

यसैगरी, वडा नम्बर–८ को वडाध्यक्षमा निमा लामा, महिला पेमा सांगे बैजी तथा अन्य सदस्यमा टसी गुरुङ र चाइना छिरिङ गुरुङ निर्विरोध भएका छन् भने वडा नम्बर–९ को वडाध्यक्षमा लार्के लामा, महिला सदस्यमा पासाङ लिमा बैजी तथा अन्य सदस्यमा छिल्या बैजी गुरुङ र मुन्डुङ छेवाङ लामा निर्विरोध निर्वाचित भएका जिल्ला निर्वाचन अधिकारी बुढाले बताए ।

सम्पूर्ण पदका उम्मेदवार निर्विरोध भएपछि सो गाँउपालिकामा स्थानीय तहको निर्वाचन सम्पन्न भएको मुख्य निर्वाचन अधिकृत सनतचन्द्र लवटले बताए ।

करिब तीन दिनको पैदलदूरीमा रहेको शे फोक्सुन्डो गाउँपालिकाका गाउँ–गाउँमा खटिएका निर्वाचन अधिकृत, सुरक्षाकर्मीलगायत सम्पूर्ण कर्मचारी सदरमुकाम फर्किन लागेको लवटले बताए ।

निर्विरोध निर्वाचित भएकाहरुमध्ये वडा नम्बर–१ का वडासदस्य पेमा छिरिङ, वडा नम्बर–२ का सदस्य फुर्वा टसी गुरुङ र वडा नम्बर–७ का सदस्य नर्कु टोन्डुक गुरुङ नेकपा माओवादी केन्द्रका तथा वडा नम्बर–८ का वडासदस्य मुन्डुङ छेवाङ लामा नेपाली कांग्रेसका उम्मेदवार हुन् ।

अन्य सबै निर्विरोध निर्वाचित उम्मेदवार नेकपा एमालेका भएको जिल्ला निर्वाचन अधिकारी बुढाले जानकारी दिए । रासस

You may also Like this

थप समाचार

३५ प्रतिशत मत खस्यो
३५ प्रतिशत मत खस्यो

काठमाडौं, असोज २ । स्थानीय तहको तेस्रो चरणको निर्वाचनमा आज प्रदेश नम्बर–२ का ८ जिल्लाका १३६ ओटा स्थानीय तहमा जारी मतदान ...

२७ मेट्रिक टन मह उत्पादन
२७ मेट्रिक टन मह उत्पादन

स्याङ्जा, भदौ २८ । आर्थिक वर्ष २०७३र७४ मा जिल्लामा २७ मेट्रिक टन मह उत्पादन भएको छ । जिल्ला कृषि विकास कार्यालयका सूचना अधिका ...

रोहिङ्गा ज्यादतीबारे राष्ट्रसंघको आकस्मिक बैठक बस्दै

२७ भदौ, कोक्स बजार । म्यानमारबाट झण्डै तीन लाख रोहिङ्गा मुस्लिम समूदायका मानिस भागेर शरणार्थीका रुपमा बङ्गलादेश विस्थापित भएप ...

बूढीगण्डकी आयोजनाको मुआब्जा वितरण नभएकामा प्रभावितको आपत्ति
बूढीगण्डकी आयोजनाको मुआब्जा वितरण नभएकामा प्रभावितको आपत्ति

काठमाडौं, भदौ २५ । बूढीगण्डकी आयोजनाको डुबान क्षेत्रमा पर्ने आरुघाट, आर्खेत र खहरे बजारको मुआब्जा निर्धारण नभएको भन्दै प्रभाव ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...