विदेशिएका नेपालीको अधिकार घोषणापत्रको कुन बुँदामा छ नेता ज्यू ?

२०७४ जेष्ठ १० गते १५:२४ मा प्रकाशित


Siru(1)१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दिएको गन्जी लगाएर पसिना बगाउँदै छन् । विदेशमा महिना मर्ला र तलब आउला भन्दै दिन गन्दै छन् । कोही साथीहरुसँग विदेश आउँदा लिएको ऋण तिर्न सापटी माग्दै छन् । त्यसैले उस्तै उस्तै छ, घरदेश र परदेशको अवस्था ।

नेपालबाट झण्डै ४४ लाख युवा वैदेशिक रोजगारको लागि विदेशमा छन् । उनीहरुले स्थानीय चुनावमा आफ्ना प्रतिनिधि चुन्न पाएनन् । बिदेशमा पसिना बगाउँनेहरुले आफ्ना उम्मेद्वारसँग के चाहन्छन् ? यसको बारेमा बुझेका छन् कि छैनन् होला नेताहरुले । अहिले धेरै गाउँमा यो गर्छु त्यो गर्छु भन्दै भोट मागे नेताहरुले । धेरैले गाउँमा नै रोजगारीको अवसर सिर्जना गर्छु, विकासका भौतिक पूर्वाधारमा जोड दिन्छु अनि आर्थिक विकास अबको नयाँ योजना भनेर चिल्ला भाषण खुब गरे ।
वास्तविक आर्थिक विकास कस्ले गरेको छ ?

नेपालमा गरिबीको रेखा मुनि परेका हामी । खाडीमा खजुरको रुखमुनि बसेर पसिना पुछ्दैछौँ । साहुसँग सय कडा पाँच रुपैयाँले ऋण काढेर परदेशिनुका पीडा शब्दमा व्यक्त गर्न सकिँदैन । सानोमा चुहिने छानोमा निदाउन नपाउँदै विदेशको सपना देख्न थालिन्छ । आमाको चोलो फाटेर कुम देखिन्छ । बाबाको कमिजमा टाल्ने ठाउँ छैन ।
अनि जवान छोरो खेती गरेर फर्किंदा पेटभरी खान पाउँदैन । त्यो परिस्थितीमा विदेशमा पसिना बगाउनु बाहेक अरु केही विकल्प देखिदैंन । विदेशबाट पसिना बगाएर कमाएको पैसाले आमाको चोलो र बाबाको कमिज फेरिएको छ । चुहिएको छानो फेरिएको छ । केटाकेटीले स्कूल जान पाएका छन् । श्रीमतीको गलामा गहना सुहाएको छ । अनि तिहारमा दिदीबहिनीले चित्त बुझ्दो दक्षिणा पाएका छन् । सय रुपैयाँ देख्न मुस्किल घरमा हजार र लाखका कुरा हुन थालेको छ ।

कमाएर बचेको पैसाले व्यवसाय चलेको छ । राज्यले रेमिट्यान्स र कर पाएको छ । यो नै हैन र आर्थिक विकास ? सिद्घान्तले केलाई आर्थिक विकास भन्छ ?
एउटा श्रमिकलाई के सरोकार ? उसको आर्थिक विकास भनेको भोको बसेको मान्छेले खान पाउनु, बिरामी भएको बेला औषधि पाउनु अनि नचुहिने छानोमा निदाउनु पाउनु नै आर्थिक विकास हो । यी आर्थिक विकासका खम्बाहरुको दुखका कुरा कुन कुन उम्मेद्वारहरुले उठाउनु भएको छ स्थानीय चुनावमा ?
अबको उम्मेद्वारले विदेशमा पसिना बगाउँनेको कुरा सुन्लान त ?

नेपालमै रोजगारीको व्यवस्था सिर्जना गर्छु भन्दै भाषण गर्न जस्तो सजिलो छैन गरेर देखाउन । रोजगारी गोजीबाट निकालेर थालमा हाल्ने कुरा हैन रोजगारी । यसको लागि आवश्यक नीति तयार गरेर कार्यान्वयन गर्नुपर्ला । रोजगारीका अवसर के के छन ? त्यसका लागि कस्तो कच्चा पदार्थ चाहिन्छ ?
अनि त्यसका लागि कस्ता कामदार चाहिन्छन् ? कति लागत लाग्ला ? कामदारले कमाएको पैसाले आफ्ना र परिवारको आवश्यकता पूरा गर्न सक्छ कि सक्दैन भनेर सोच्नु अगाडि नै रोजगारी ग्यारेन्टी गर्ने नेता ज्यू सजिलो छैन बोल्नु जस्तो ।

नेपालमै रोजगारीको अवसर पाउनु भनेको राम्रो कुरा हो । त्यसको लागि समय लाग्छ । तत्काल सम्भव छैन । लगानी गर्नका लागि रकम चाहिन्छ । त्यो रकम वैदेशिक रोजगारबाट धेरै भित्रिएको छ । रकम ल्याउने कामदारको हकहितको लागि वडा अध्यक्ष ,मेयर र उप मेयरहरुले के कस्ता कदम चाल्ने भनेर स्पष्ट बोलेको भेटिदैंन ।
वैदेशिक रोजगारीमा जाने कामदारको पक्षमा किन बोल्दैनन उम्मेद्वारहरु

सरकारले वैदेशिक रोजगारमा खाडी र मलेसिया जानको लागि फ्रि भिषा फ्रि टिकटको व्यवस्था लागु गरेको छ । रोजगारदाता कम्पनीले नै म्यानपावर कम्पननीलाई सेवा शुल्क दिएको हुन्छ । नदिएको खण्डमा मात्र १० हजार रुपैयाँ लिन पाउने ब्यवस्था छ ।

अझै पनि म्यानपनवर कम्पनीहरुले मोटो रकम कामदारसँग लिइरहेका छन् । गाउँमा एजेण्टले झुटो सपना देखाएर मरुभूमिमा आफ्नै पैसाले आफैंलाई बेच्न बाध्य छन् नेपाली दाजुभाई दिदीबहिनीहरु । विदेशमा भनेको काम नपाउँदा रुनु पर्नेको कुरा कसले सुनेको छ ? एक दुई लाख रुपैयाँसम्म पैसा लिएर १० हजार रुपैयाँको बिल थमाएको सबैलाई थाहा छ ।

त्यसको बारेमा कुन पार्टीले आवाज उठाएको र एजेण्डा बनाएको छ ? बिरामी र अंगभंग भएर फर्किनेहरुले क्षतिपूर्ति नपाउँदा कुन उम्मेद्वारले वकालत गरेको छ ? अनि विदेशमा कमाउने सपना बोकेर उडेका कामदार आफैं बन्द बाकसमा फर्किएका परिवारले के पाउँछन् नेताज्यू तपाईलाई जिताउँदा ?

वैदेशिक रोजगारीको कारणले धेरैले मानसिक सन्तुलन समेत गुमाएका छन् । उनीहरुको अधिकार कुन तपाईको घोषणापत्रको कुन बुँदामा समेट्नु भएको छ ? वडाको प्रतिनिधित्व गर्ने वडा अध्यक्ष ज्यूलाई थाहा छ कि छैन तपाईको वडाका युवा विदेशमा के गर्दैछन् ? उनीहरुलाई कुन म्यानपावरले कति पैसा लियो विदेश जाने बेलामा ? कुन म्यानपावर र कुन एजेण्टले ठगे भन्ने कुरा ? तपाईलाई जिताउँदा के उनीहरुको पक्षमा बोल्नु हुन्छ तपाई ? उनीहरुलाई खुलेआम ठग्ने एजेण्ट र म्यानपावर विरुद्घ बोल्छु भनेर भाषण किन गर्नु भएन तपाईले ?

तपाईका युवा दिनदिनै वैदेशिक रोजगारीको नाममा ठगिदै छन्, बेचिदै छन् । अनि तपाईले ठूला कुरा गरेर कसरी विकास हुन्छ ? कार्यकर्तालाई गन्जी बाँड्दा कति खर्च भयो भनेर हिसाब होला तपाईसँग । विदेश छोरो पठाउँदा कति ऋण लियौ साइँला दाई ? भनेर कहिले आफ्ना कार्यकर्तालाई सोध्नु भएको छ ?

विदेशमा भएको कामदार पलपल रगतको आँसु रुँदैछन् । तपाईलाई जिताउँदा उनीहरुले के पाउँछन् ? यसको जवाफ परिवारले सोधे के भन्नु हुन्छ ? कमाउन विदेशिएको छोरो १० वर्षदेखि बेपत्ता छ । छोरो खोज्न तपाईंले सहयोग गर्नु हुन्छ कि हुँदैन ? बिरामी भएर फर्केकी छोरीले उपचार पाएकी छैन यो मुद्घा समाबेश छ कि छैन घोषणापत्रमा ? तपाईका कार्यकर्ताको घरमा चुलो वैदेशिक रोजगारीमा कमाएको पैसाले बलेको छ ।

अनि किन उनीहरुको पक्षमा बोल्नु बिर्सिनुभयो ? वास्तविक विकास त्यो हो जहाँ आत्मा सन्तुष्टि हुन्छ । त्यो तपाईबाट आश गरेका छन् । उनीहरुको चाहनाको यो कदर गर्न सकोस यो स्थानीय चुनाव २०७४ ले । नत्र चाहनाको बली चढाएर तपाईले जित्नु कुनै अर्थ हुँदैन ।

You may also Like this

थप समाचार

गुन्डा नाइके गणेश लामालाई इन्काउन्टरको प्रयास
गुन्डा नाइके गणेश लामालाई इन्काउन्टरको प्रयास

काठमाडौं । गुन्डा नाइके गणेश लामालाई पिंगलास्थानमा भएको ‘फाइट’मा इन्काउन्टर गर्न खोजिएको तथ्य फेला परेको छ । तर ...

विमान दुर्घटना अपडेटः जलेको अवस्थामा दुई जनालाई नर्भिक अस्पताल ल्याइयो
विमान दुर्घटना अपडेटः जलेको अवस्थामा दुई जनालाई नर्भिक अस्पताल ल्याइयो

काठमाडौ । त्रिभुवन विमानस्थलमा सोमबार साँझ भएको युएस बंगला एयरको विमान दुर्घटनामा उद्दार गरिएका दुई जना यात्रुलाई नर्भिक अन् ...

टुँडिखेलमा डेढ लाखले एकसाथ बुद्धबचन बाचन गरे, बन्ला त विश्व रेकर्ड ?
टुँडिखेलमा डेढ लाखले एकसाथ बुद्धबचन बाचन गरे, बन्ला त विश्व रेकर्ड ?

काठमाडौं । विश्व कीर्तिमान बनाउने प्रयासमा आज हजारौं मानिस टुँडिखेलमा भेला भएर एकसाथ भगवान गौतम बुद्धको वचन ‘धम्मपद&rsq ...

यि तस्विरहरु जसले विश्वभरी नै चर्चा पाए
यि तस्विरहरु जसले विश्वभरी नै चर्चा पाए

काठमाडौँ । वाइल्डलाईफ अर्थात वन्य जीवन झल्काउने यी तस्बिरहरुले धेरैको मन जितेको छ । वाइल्डलाइफ फोटोग्राफरका क्यामेराले कैद गर ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...