स्थानीय तहको सञ्चालनका लागि ‘नमुना कानुन’

२०७४ साउन २ गते १७:४९ मा प्रकाशित


local-taha२ साउन । सरकारले स्थानीय तहको सन्चालनका लागि ‘नमुना कानुन’ ल्याएको छ ।


स्थानीय तहले कानुन नबनाउँदासम्म ‘नमुना कानुन’का भरमा काम गर्नुपर्ने छ ।

संघीय मामिला तथा स्थानीय विकास सचिव दिनेशकुमार थपलियाले संक्रमणकालीन अवस्थामा एकै प्रकारको कानुनबाट स्थानीय तह सन्चालनका लागि नमुना कानुन ल्याइएको जानकारी गराए ।

ती कानुनमा सबै स्थानीय तह एउटै किसिमले सन्चालन गर्नुपर्ने उल्लेख छ । ती नमुना कानुन प्रदेश नम्बर–२ बाहेक सबै प्रदेशका स्थानीय तहले साउनदेखि नै लागू गर्नुपर्ने हुन्छ ।

उनले संघ, प्रदेश र स्थानीय तहबाट बन्नुपर्ने कानुन नबनिसकेको हुनाले नमुना कानुन ल्याउनुपरेको बताए । मन्त्रालयले यस्ता १९ कानुन ल्याएको मन्त्रालयका सहप्रवक्ता इन्द्रकुमारी थपलियाले जानकारी गराइन् ।

मन्त्रालयले स्थानीय तहको कार्यसम्पादन र कार्यविभाजन नियमावली, निर्णय वा आदेश प्रमाणीकरण कानुन, नमुना आचारसंहिता, गाउँसभा तथा नगरसभाको बैठक सन्चालन तथा विधायन कार्यविधिसम्बन्धी कानुन, गाउँपालिका तथा नगरपालिकामा कर तथा गैरकर लगाउनेसम्बन्धी नमुना कानुन ल्याएको छ ।

यस्तै, गाउँपालिका तथा नगरपालिकाको सञ्चित कोषबाट रकम खर्च गर्ने अर्थात् स्थानीय तहको आर्थिक कार्यविधिसम्बन्धी कानुन, सेवा प्रवाह मापदन्ड, राजश्व र व्ययको अनुमानसम्बन्धी कानुनलगायत स्थानीय तहको सन्चालनका लागि ल्याइएको छ ।

सहप्रवक्ता थपलियाले स्थानीय तहले कानुन नबनाएका बेला सेवा गुणस्तर र सहज होस् भनेर सम्बन्धित मन्त्रालयको राय–सल्लाहमा त्यस्ता कानुन ल्याएको जानकारी गराइन् ।

अस्थायीरुपमा ल्याइएका ती कानुन स्थानीय तहले नयाँ कानुन बनाएपछि स्वतः निस्क्रिय हुनेछन् ।

‘संघ र प्रदेशको निर्वाचन भएपछि स्थानीय तहले आ–आफ्नो कानुन बनाउने छन्’–थपलियाले भनिन्–‘स्थानीय तहले नयाँ कानुन संविधान, सन्धि–सम्झौताअनुसार आफ्नो आवश्यकता, स्रोत, साधन, जनशक्तिअनुसार बनाउनुपर्ने हुन्छ ।’

माघसम्म संघ र प्रदेशको निर्वाचन भएपछिमात्र स्थानीय तहले आफ्नो छुट्टै कानुन बनाउन पाउनेछन् ।

संविधानले स्थानीय तहसम्बन्धी व्यवस्थाको अनुसूची–८ मा भएका २२ र अनुसूची–९ मा भएका संघ र प्रदेशसँग मिलेर गर्नका लागि १५ अधिकार प्रत्यायोजित गरेको छ । रासस

You may also Like this

थप समाचार

यसकारण रद्द भयो भक्तपुरमा ट्रायल परीक्षा...
यसकारण रद्द भयो भक्तपुरमा ट्रायल परीक्षा...

८ साउन । आइतबारदेखि सञ्चालन हुन लागेको सवारी चालक अनुमतिपत्रको प्रयोगात्मक परीक्षा सशुल्क हुन लागेको लगायत कारणले विवाद भई रद ...

नेपालले सिंगापुरलाई दियो १६९ रनको टार्गेट
नेपालले सिंगापुरलाई दियो १६९ रनको टार्गेट

काठमाडौं, साउन ६ । १९ वर्षमुनिको विश्वकप क्रिकेट छनौट अन्तर्गत नेपालले सिंगापुरलाई १६९ रनको लक्ष्य दिएको छ । सिंगापुरको इन्डि ...

सिरियामाथि यस्तो तयारी गर्दैछन् ट्रम्प !
सिरियामाथि यस्तो तयारी गर्दैछन् ट्रम्प !

५ साउन । अमेरिकाले सिरियामा राष्ट्रपति बसार अल असद विरुद्ध लडिरहेका विपक्षी लडाकु समूहलाई सहयोग कटौती गर्ने भएको छ । अमेरिकी ...

फेसबुक, ट्वीटर धेरै चलाउनुहुन्छ ? होसियार ! यस्तो खतरा
फेसबुक, ट्वीटर धेरै चलाउनुहुन्छ ? होसियार ! यस्तो खतरा

४ साउन । सामाजिक सञ्जालले युवा पुस्तामा चिन्ताको दर बढिरहेको एक अध्ययनले देखाएको छ । दुव्र्यवहार विरुद्धको संस्था डिच द लेबलल ...

IME Rashifall Ncell

worldब्लग /विचारपुरा हेर्नुहोस्

दलाल र अध्यागमनका कर्मचारीको लुट कहिलेसम्म ?

हरि दुलाल । जेठको पहिलो साता गोरखाका शिवलाल अधिकारी दोहोरो हवाई टिकट, होटेल बुकिङ र एक हजार अमेरिकी डलर बोकेर पर्यटन प्रवेशाज्ञा ...


विदेशिएका नेपालीको अधिकार घोषणापत्रको कुन बुँदामा छ नेता ज्यू ?

१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दि ...