दासढुंगा र दरबार हत्याकाण्डको रहस्य पत्ता लाग्छः केपी ओली

२०७४ जेष्ठ ३ गते १०:२५ मा प्रकाशित


madan-and-birendra३ जेठ, काठमाडौं । नेकपा एमालेका अध्यक्ष केपी ओलीले चितवनको दासढुंगामा २४ वर्षअघि भएको मदन भण्डारी र जीवराज आश्रतिको हत्याको रहस्य पत्ता लाग्ने बताएका छन् । ओलीले राजपरिवार बंश सखाप हुने गरी भएको दरबार हत्याकाण्डको पनि रहस्य पत्ता लाग्ने दाबी गरेका छन् ।


एमालेको पुरानो पार्टी कार्यालय रहेको स्थान मदननगर बल्खुमा बुधबार २४ औं मदन(आश्रति स्मृति दिवसमा बोल्दै एमाले अध्यक्ष ओलीले दासढुंगा काण्ड र दरबारकाण्डलाई ठूला शक्तिले गरेको षडयन्त्रपूर्ण हत्याका रुपमा चित्रित गरे ।

एमालेविरुद्ध ठूल्ठुला षडयन्त्रहरु हुने गरेको भन्दै एमाले अध्यक्ष ओलीले दासढुंगा काण्डलाई त्यसैको सिलसिलाका रुपमा व्याख्या गरे ।

ओलीले भने( ‘मदन आश्रति हत्याकाण्ड, दरबार हत्याकाण्ड, जस्ता ठूला षडयन्त्रको रहस्य पत्ता लाग्न समय लाग्छ । तर, पत्ता लाग्छ ।’

नेकपा एमालेका तत्कालीन महासचिव मदन भण्डारी र संगठन विभाग प्रमुख जीवराज आश्रतिको ०५० साल जेठ ३ गते आजकै दिन चितवनको दासढुंगामा दुर्घटनामा परी निधन भएको थियो ।

पोखराबाट गाडीमा चितवनतर्फ जाँदै गर्दा भण्डारी र आश्रति चढेको गाडी त्रिशुली नदीमा खसेको थियो ।

आफ्ना नेताहरुको निधन दुर्घटनाबाट नभई षडयन्त्रबाट गरिएको भन्दै त्यसबेला एमालेले आन्दोलन गरेको थियो ।

के अब नेकपा एमालेले दासढुंगा काण्ड र दरबार हत्याकाण्डको फाइल खोल्ला रु कि यो विषय प्रत्येक वर्षको जेठ ३ गते वा जेठ १९ गते भन्ने कुरा मात्रै हो रु

तर, विभिन्न छानविनहरुले सो घटनालाई दुर्घटना मानेपछि एमालेले अहिले २४ वर्ष बित्दासम्म यो प्रकरणबारे कुनै अनुन्धान अघि बढाएको छैन । यसवीचमा सरकार पुग्दा पनि एमालेले दासढुंगा काण्डबारे बोलेको थिएन ।

तर, एमाले अध्यक्ष ओलीले बुधबार दासढुंगा काण्डलाई पुनः ठूला शक्तिले गराएको षडयन्त्रमूलक हत्याकाण्डको संज्ञा दिँदै यसको रहस्य पत्ता लगाउने उदघोष गरेका हुन् ।

बुधबार २४ औं मदन स्मृति दिवस मनाइरहँदा मदनपत्नी राष्ट्रपति विद्यादेवी भण्डारी विदेशमा छिन् ।

एमालेले दरबार हत्याकाण्डको फाइल खोल्ला रु

 

दासढुंगा काण्डको ८ वर्षपछि ०५८ साल जेठ १९ गते राति भएको दरबार हत्याकाण्ड पनि अहिलेसम्म रहस्यकै गर्भमा छ । नारायणहिटी दरबारमा मध्यरातमा भएको गोलीकाण्डमा वीरेन्द्र राजाको बंश नाश भएको थियो ।

त्यसबेला पोखरामा रहेका तत्कालीन अधिराजकुमार ज्ञानेन्द्र शाहले ७ वर्षसम्म राजगद्दी सम्हालेपछि देशमा गणतन्त्र आयो ।

तत्कालीन युवराज दीपेन्द्रले दरबार हत्याकाण्ड मच्चाएको भनिए पनि जनमानसमा यो घटनालाई अहिलेसम्म षडयन्त्रकै रुपमा हेर्ने गरिएको छ । यही क्रममा बुधबार एमाले अध्यक्ष केपी ओलीले समेत दरबार हत्याकाण्डलाई पनि दासढुंगा काण्डजस्तै षडयन्त्रमूलक हत्याकाण्डको कोटीमा राखेर व्याख्या गरे ।

के अब नेकपा एमालेले आगामी निर्वाचनपछि सरकारको नेतृत्व गर्न पायो भने दासढुंगा काण्ड र दरबार हत्याकाण्डको फाइल खोल्ला रु कि यो विषय प्रत्येक वर्षको जेठ ३ गते वा जेठ १९ गते भन्ने कुरा मात्रै हो ? यो हेर्न बाँकी छ ।

You may also Like this

थप समाचार

गुह्येश्वरीद्धारा एसईई उतिर्ण विद्यार्थीहरुलाई सम्मान तथा विदाई (फोटो–भिडियो)
गुह्येश्वरीद्धारा एसईई उतिर्ण विद्यार्थीहरुलाई सम्मान तथा विदाई (फोटो–भिडियो)

काठमाडौँ । बासबारी, पिपलबोटमा रहेको गुह्येश्वरी बोर्डिङ्ग हाई स्कुलले एसईई उतिर्ण विद्यार्थीहरुलाई सम्मान तथा विदाई कार्यक्रम ...

एक मात्र अन्तर्राष्ट्रिय एयरपोर्टले आफ्नो रुप फेर्दैै
एक मात्र अन्तर्राष्ट्रिय एयरपोर्टले आफ्नो रुप फेर्दैै

८ असार । फोहर र प्रदुषण को कारण कुरुप बन्दै गएको एक मात्र अन्तर्राष्ट्रिय विमानस्थल त्रिभुवन विमानस्थलको सरसफाइ कार्यक्रम अर् ...

विश्वको जनसंख्या सन् २०५० सम्म १० अर्ब पुग्ने
विश्वको जनसंख्या सन् २०५० सम्म १० अर्ब पुग्ने

काठमाडौं, असार ८ । विश्वको जनसंख्या सन् २०५० सम्म झण्डै १० अर्ब पुग्ने एक अध्ययनले देखाएको छ । संयुक्त राष्ट्रसंघको आर्थिक तथ ...

लोकप्रिय लोक तथा दोहोरी गायक पशुपति शर्माले ल्याए नयाँ तीज गीत
लोकप्रिय लोक तथा दोहोरी गायक पशुपति शर्माले ल्याए नयाँ तीज गीत

८ असार । लोकप्रिय लोक तथा दोहोरी गायक पशुपति शर्मा र गायिका जुना श्रीस मगरले ‘माईती भन्छन् किन आइती’ बोलको तीजको ...

IME Rashifall Ncell

worldब्लग /विचारपुरा हेर्नुहोस्

दलाल र अध्यागमनका कर्मचारीको लुट कहिलेसम्म ?

हरि दुलाल । जेठको पहिलो साता गोरखाका शिवलाल अधिकारी दोहोरो हवाई टिकट, होटेल बुकिङ र एक हजार अमेरिकी डलर बोकेर पर्यटन प्रवेशाज्ञा ...


विदेशिएका नेपालीको अधिकार घोषणापत्रको कुन बुँदामा छ नेता ज्यू ?

१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दि ...