दुई दिन हिँडेर मतदान केन्द्रमा

२०७४ बैशाख ३१ गते १०:०२ मा प्रकाशित


जिल्लाका दुर्गम गाउँका मतदाता मतदानको अघिल्लै दिन शनिबारै मतदान केन्द्र आइपुगेका छन्। रुबीभ्याली गाउँपालिका–५ नेवेरका मतदाता दुई दिन हिँडेर शनिबार दिउँसो सदाचेतस्थित लापा मावि मतदान केन्द्र आइपुगेका हुन्। मतदान केन्द्र गाउँबाट टाढा भएकाले मतदानको अघिल्लै दिन केन्द्र आसपास आएर बास बस्नुपरेको ती मतदाताले बताए। स्थानीय तहको पहिलो चरणको निर्वाचनका लागि आइतबार बिहान ७ बजेदेखि मतदान सुरु हुँदैछ। यो खबर शंकर श्रेष्ठले आजको नागरिक दैनिकमा लेखेका छन्।

‘गाउँभन्दा मतदान केन्द्र धेरै टाढा छ। भोट हाल्न भ्याउँदिन कि भनेर अघिल्लै दिन आएँ,’ शनिबार अपराह्न लापा मावि मतदान केन्द्र नजिकै भेटिएकी नेवेरकी मंगलीमाया तामाङले भनिन्। मंगलीमाया उमेरले ७८ वर्ष लागिन्। नेवेरबाट दुई दिन लगाएर भोट हाल्नकै लागि लापा मावि केन्द्रमा आइपुगेको उनले बताइन्।

‘२८ गते भात खाएर घरबाट हिँडेकी थिएँ। २९ गते कपुरगाउँमा बास बसें। ३० गते त यहाँ (मतदान केन्द्र) आइपुगें,’ मंगलीमायाले भनिन्, ‘आफन्त नै उठेका छन्, जसरी नि जानु पर्छ भने, त्यसैले आएँ। भोलि (३१ गते आइतबार) भोट हालेर हिँडिहाल्छु।’ आफूभन्दा एक दिनपछि २९ गते घरबाट हिँडेका गाउँलेहरू बाटोमा आउँदै गरेको उनले सुनाइन्।

नेवेरका उर्गेन तामाङ पनि भोट हाल्न शनिबारै मतदान केन्द्र आइपुगेका छन्। ‘२०४६ सालदेखि सबै चुनावमा भोट हालेको छु, यसपटक छुट्ला कि भनेर अघिल्लै दिन भोट हाल्ने ठाउँमा आएँ,’ उनले भने।

उत्तरी धादिङमा पर्ने रुबीभ्याली गाउँपालिकाको नेवेर गाउँ पहाडबीचमा छ। गाउँबाट मतदान केन्द्र सदाचेतस्थित लापा मावि आइपुग्न भीरको बाटो एक दिन हिँड्नुपर्छ। युवालाई एक दिन लागे पनि वृद्धवृद्धालाई मतदान केन्द्र पुग्न दुई दिन लाग्ने स्थानीय तिसमान तामाङले बताए।

‘ठिटाठिटी अलि चाँडै एकै दिनमा पुग्छन्, हिँड्न नसक्ने बूढापाका, बास बस्दै जान्छन्,’ नेवेरका घनबहादुर तामाङले भने, ‘गाविस त हटेर वडा भयो तर हाम्रो समस्या हटेन, अहिले जितेर आउने प्रतिनिधिले हाम्रो समस्या बुझिदेलान भन्ने आशा छ।’

यसअघिका निर्वाचनमा पनि अघिल्लै दिन नै मतदान केन्द्र पुगेर भोलिपल्ट भोट खसालेको उनको अनुभव छ।

६३ घरधुरी रहेको नेवेरमा भूकम्पपछि त्यो संख्या घटेर ४६ भएको छ। सो गाउँबाट विस्थापित भएर सदरमुकाम आसपासका शिविर, सल्यानटार र ढोलाको शिविरमा बसिरहेका पनि शनिबारै मतदान केन्द्र पुगिसकेका छन्। अघिल्ला निर्वाचनमा पनि नेवेरवासीले मतदान केन्द्र नजिक पारिदिन आग्रह गरेका थिए। नेवेर मात्रै होइन लापाको तेन्चेत, तिङ्चेत, कचेत, छुम्राङ, चपाङचेतलगायत बस्तीका मतदाता पनि शनिबारै मतदान केन्द्र आइपुगेका छन्।

आइतबार भोट खसाल्न शनिबारै मतदान केन्द्र आसपास रहेका आफन्तका घरमा आएर बसेको तेन्चेतका अमन तामाङले बताए।

साबिकको लापा, तिप्लिङ र सेर्तुङ गाविस मिलाएर रुबीभ्याली गाउँपालिका बनाइएको छ। यो गाउँपालिका जिल्लाकै दुर्गम हो। रुबिभ्याली गाउँपालिकामा ८ वटा मतदान केन्द्र छन्। प्रायः मतदाता शनिबारै मतदान केन्द्र आसपास रहेका आफन्तको घर पुगेर बसेको सामाजिक अगुवा शिलास तामाङले बताए। केन्द्र टाढा भए पनि मतदानका लागि मतदाता उत्साहित भएको उनले बताए।

 

You may also Like this

थप समाचार

अफगानिस्तानले दियो नेपाललाई १९६ रनको टार्गेट
अफगानिस्तानले दियो नेपाललाई १९६ रनको टार्गेट

१०, साउन, काठमाडौं । आईसीसी यू-१९ विश्वकप छनोटमा अफगानिस्तानले नेपाललाई १९६ रनको लक्ष्य दिएको छ । यसअघि टस जितेर पहिले ब्याटि ...

मुद्दामा अनावश्यक दुःख दिए झगडियाबाटै खर्च भराइने !
मुद्दामा अनावश्यक दुःख दिए झगडियाबाटै खर्च भराइने !

काठमाडौं, साउन १० । अनावश्यक रुपमा मुद्दा हालेर कसैले दुःख÷हैरानी दिए मुद्दामा लागेको खर्च त्यस्ता झगडियाबाटै भराइने भ ...

हिउँदमा लोडसेडिङ फर्किदैं
हिउँदमा लोडसेडिङ फर्किदैं

काठमाडौं, साउन १० । आगामी हिउँदमा मुलुकमा लोडसेडिङ हुने सम्भावना बढेको छ । नेपाल विद्युत प्राधिकरणले लोडसेडिङ हटाउन अगाडि सार ...

जीप दुर्घटना, चारजनाको ज्यान गयो
जीप दुर्घटना, चारजनाको ज्यान गयो

९ साउन । बाग्लुङको बडीगाड गाउँपालिकामा पिकअप जीप दुर्घटना हुँदा चार जनाको मृत्यु भएको छ । दुर्घटनामा अन्य ६ जना गम्भीर घाइते ...

IME Rashifall Ncell

worldब्लग /विचारपुरा हेर्नुहोस्

दलाल र अध्यागमनका कर्मचारीको लुट कहिलेसम्म ?

हरि दुलाल । जेठको पहिलो साता गोरखाका शिवलाल अधिकारी दोहोरो हवाई टिकट, होटेल बुकिङ र एक हजार अमेरिकी डलर बोकेर पर्यटन प्रवेशाज्ञा ...


विदेशिएका नेपालीको अधिकार घोषणापत्रको कुन बुँदामा छ नेता ज्यू ?

१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दि ...