कानुनको धज्जी उडाउँदै वायुसेवा निगम

२०७४ पुस ८ गते १०:२० मा प्रकाशित


Subarna-Awale-768x460

नेपाल वायु सेवा निगमका क्याप्टेन रमेशचन्द्र उपाध्यायलाई विदेशबाट जहाज अवतरण गर्नासाथ प्रहरीले पक्राउ गर्‍यो। उनको साथबाट केही थान नाडी घडी बरामद भयो। लगत्तै घडी तस्करीको आरोपमा निगमले उनलाई जागिरबाट बर्खास्त गर्‍यो। यो करिब ४ दशक अघिको घटना हो।

त्यस्तै तीन दशकअघि क्याप्टेन कमलकृष्ण श्रेष्ठ दुबईबाट जहाज लिएर काठमाडौं आउनासाथ प्रहरी फन्दामा परे। उनको साथमा केही ग्राम सुन भेटियो। त्यसपछि सुन तस्करीको आरोपमा उनलाई पनि जागिरबाट बर्खास्त गरियो।

साढे दुई दशकअघि विदेशबाट जहाज लिएर आएका क्याप्टेन लक्ष्मणलाल दास प्रधानको साथबाट २० हजार अमेरिकी डलर बराबद भयो। लगत्तै निगम व्यवस्थापन समितिले विदेशी मुद्रा तस्करी आरोपमा उनलाई जागिरबाट बर्खास्त गर्‍यो। त्यसपछि एयर होस्टेज पुष्पलता त्रिखत्री, तुलसा बस्नेतलगायतको साथबाट पनि केही थान घडी भेटिएपछि घडी तस्करीको आरोपमा उनीहरूलाई पनि जागिरबाट बर्खास्त गरियो।

निगमको ऐन कानुन यथावत छ। तर त्यसबेला पाइलट र एयरहोस्टेजलाई ठाउँको ठाउँ कारबाही गर्ने निगम अहिले यस्तै प्रकृतिको घटनामा कारबाही गर्न धेरै उदार देखिएको छ। यो खबर सुशील भट्टराईले आजको नागरिक दैनिकमा लेखेका छन्।

२०७३ चैत २८ गते दुबई उडान भर्न लाग्दा निगमका वरिष्ठ क्याप्टेन सुवर्ण अवाले त्रिभुवन अन्तर्राष्ट्रिय विमानस्थलबाट पक्राउ परे। नियमित ड्यूटी अनुसार जहाज कमाण्ड गरेर दुबई जान लागेका  अवालेको ब्याग राति करिब साढे ११ बजे विमानस्थलका सुरक्षाकर्मीले खान तलासी गर्यो। ब्यागबाट९३ हजार ६ सय अमेरिकी डलर बरामद भएपछि उनलाई पक्राउ गरिएको हो। कानुन अनुसार एक व्यक्तिले १ हजार ५ सय अमेरिकी डलर मात्र साथमा लिएर विदेश जान पाउँछन्। उड्यान नियम अनुसार चालक दलका सदस्यले आफूले पाउने भत्ता बाहेक एक पैसा पनि साथमा लिएर जान पाउँदैनन्।

उनै क्याप्टेन अवलेलाई निगमका महाप्रवन्धक सुगतरत्न कंशाकारको जोडबलमा सरकारले उडान लाइसेन्स अध्यवधिक गर्ने तालिममा पठाउने अनुमति दिएको छ। अवाली आज राति ११ बजे निगमकै जहाजबाट मलेसिया हुँदै सिंगापुर जाँदैछन्। उनले त्यहाँ करिब २ साता बिताउनेछन्।

You may also Like this

थप समाचार

संसद् भवनको वार्षिक भाडा १५ करोड
संसद् भवनको वार्षिक भाडा १५ करोड

नयाँ बानेश्वरस्थित सरकारी स्वामित्वमा रहेको अन्तर्राष्ट्रिय सम्मेलन केन्द्रलाई संघीय संसद् सचिवालयले वार्षिक १५ करोड भाडा ति ...

नक्कली फैसलाको बिगबिगी
नक्कली फैसलाको बिगबिगी

डिल्लीबजार अस्थायी ठेगाना भई बेलायत बसोबास गर्ने कल्पना जोशीले सम्बन्धविच्छेद भएको देखाएर दुई नाबालक छोरा आफूसँगै लैजाने प्रय ...

अघि बढ्यो पेट्रोलियम पाइपलाइन १५ महिनामा सक्ने लक्ष्य
अघि बढ्यो पेट्रोलियम पाइपलाइन १५ महिनामा सक्ने लक्ष्य

बहुप्रतीक्षित मोतीहारी–रक्सौल–अमलेखगन्ज पेट्रोलियम पाइपलाइन विस्तारको काम तीव्र गतिमा भइरहेको छ । गत २३ फागुनदेखि ...

छ वटै चिनियाँ जहाज आए, तर चलेनन्
छ वटै चिनियाँ जहाज आए, तर चलेनन्

नेपाल सरकारले ५ वर्षअघि ६ अर्ब ६७ करोड १० लाख रुपैयाँ सहुलियतपूर्ण ऋण लगानीमा चीनसँग खरिद गरेका दुई प्रकारका ६ वटै जहाज यतिब ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...