ढुक्क हुनुहोस अव लोडसेडिङ हुदैनः ऊर्जा मंत्री शर्मा (भिडियो कुराकानी)

२०७३ माघ १७ गते ११:१० मा प्रकाशित


काठमाडौँ । घण्टौँ लोडसेडिङ भएर हैरान भईरहेको वेला एकाएक दियो जस्तै बनेर उदाएका नेपाल सरकारका उर्जामन्त्री हुन जनार्दन शर्मा (प्रभाकर) । नेपालको पानी जनताको लगानी भन्ने मान्यतालाई आत्मसाथ गर्दै उर्जा क्षेत्रको विकाशबाट मात्र राष्ट्रको भाग्य र भबिष्य चम्कन सक्छ भन्ने विचार सगर्व प्रस्तुत गर्ने मन्त्री प्रभाकरसंग केटीएम खबर डट कमका लागि रवि भट्टराईले विशेष भिडियो संवाद गरेका छन् । प्रस्तुत छ सोही भिडियो संवादको सम्पादित अंशः

Janardan-sharma
मन्त्री ज्यु विशेष संवादमा यहाँलाई स्वागत छ
धन्यवाद ।
पहिले पनि मंत्रीहरु आउनु हुन्थ्यो तर घण्टौ लोडसेडिङ हुन्थ्या,े अहिले तपाईको नेतृत्वदायी भुमिकाले लोडसेडिङ अन्त्य भएको हो ?
पहिलेको कुरा मलाई थाहा छैन तर मैले आएर ईमान्दारी पुर्ण प्रयत्न गरे एउटा चुनौती खडा गरे र त्यो चुनौतीलाई सामना गर्ने प्रयत्न गरे र सोही अनुरुप मन्त्रालय र प्राधिकरणलाई सञ्चालन गरे त्यसको परिणम स्वरुप जनताले उज्यालो पाएको छ । जनता खुशी हुनु भनौन मेरो सामान्य प्रयासबाट जनताले सुुबिधा पाउनु नै मेरो लागि त्यही ठुलो कुरा हो ।
तपाई भन्दा अगाडि धेरै मन्त्रीहरुले यो मन्त्रालय सम्हालेका थिए तर तपाई आउँदा के पाँऊनु भयो, के कारणले उज्यालो रोकिएको रहेछ ?
मुख्य कुरा काम गर्ने ईच्छा शक्तिको कुरा हो । काम गर्नु पर्छ भन्ने इच्छा शक्ति भयो भने हामीसंग जे श्रोत छ त्यसैलाई नै सदुपयोग गर्ने र व्यवस्थापन गर्ने कुरा हो । यो ब्यवस्थापन गर्ने कुरा पनि हो । त्यही ब्यवस्थापन गर्न नसक्दा हिजो वा अन्य व्यवस्थापकिय कमजोरीहरुले हुन सक्छ काम नभई रहेको थियो । मैले आएर केही सुधार गर्नु पर्ने ठाऊँमा सुधार गर्ने र केही कारबाही गर्नु पर्ने ठाऊँमा कारबाही गर्ने, एउटा काम गर्ने वाताबरण मिलाऊने काम र जिम्मेवारी बाडफाड गर्ने काम गरेको हुनाले यो काम भएको हो र मैले विगतमा किन भएन भनेर चाहिँ भन्न सक्दिन ।
जो अन्धकार चाहान्थे उनिहरुले उज्यालो चाहेक थिएनन् भन्ने तपाईको भनाई हो ?
म लोडसेडिङको विरुद्धमा उज्यालो नेपाल निर्माण गर्न लागि रहेको छु, हाम्रो सरकारका सम्माननिय प्रधानमन्त्रीको निर्देशन पनि उज्यालो नेपाल निर्माण गर्न लागि रहेको छ र सोही अनुसार मन्त्रालयमा पहल गरिरहेको छु । उज्यालो नेपालको अभियान हो । यो केवल बत्ती बाल्ने मात्रै अभियान हैन, यो राष्ट्रलाई आत्मनिर्भर बनाउनको लागि ऊर्जा क्षेत्रको विकास त्यसको प्रयोग कसरी गर्ने भन्ने प्रश्न महत्वपुर्ण छ । यसको लागि मैले सैत्तिस बुदे कार्ययोजना बनाएको छु र त्यसैको आधारमा म अगाडी बढिरहेको छु र त्यसले अबको पचास देखि सय वर्षसम्मको समस्यालाई समाधान गर्ने सुरुवात गर्छ भन्ने विश्वास लिएको छु । र तत्काल नेपाली जनताको खुशीको लागि लोडसेडिङ अन्त्य गरेर यसको सुरुवात गरेको हुँ र यसो गरिरहँदा कतैबाट रोकावट विरोध आउनु हुदैन थियो कही कतै आयो भने पनि उहाँहरुले वुज्नुहुनेछ र सदाका लागि लोडसेडिङको अन्त्य तिर उहाँहरु लाग्नुहुनेछ ।
अबका दिनमा फेरी जनताले लोडसेडिङ भोग्नु पर्छ कि पर्दैन ?
मैले म मंत्री भएर आए पछि पत्रकार साथीहरुले सोध्नु भएको थियो, कति घण्टा लोडसेडिङ गर्नुहुन्छ भनेर, मैले भनेको थिए म घण्टामा लोडसेडिङ गर्न आएको हैन उज्यालो दिन आएको हुँ भनेर भनेको थिँए । मैले कहिल्यै लोडसेडिङ अन्त्यको घोषणा पनि गरिन र स्विच अन गर्दा बत्ति आयो भने बत्ती आएछ भन्ने वुज्नुहोला, छैन भने लोडसेडिङ बुझ्नु होला भनेर भन्ने गरेको छु र यो विषय घोषणा नै गर्नुपर्ने विषय पनि हैन ब्यवहारिक रुपमा हेर्दा लोडसेडिङको तालीका जनता सामु फर्किएर आउदैन मैले भन्ने कुरा यत्ती हो ।
दावाका साथ भनिरहँनु भएको हो ?
मैले भनिसके अब लोडसेडिङको तालीका जनताले हेर्नु पर्दैन, पछ्याऊनु पर्दैन । लोडसेडिङ हुदैन ।
प्रमुख शहर बाहेकका केहि ठऊँमा थोरै मात्रामा लोडसेडिङ अझै बाकि छ, अब यसलाई पुर्ण रुपमा अन्त्य चाँही कसरी गर्नु हुन्छ ?
अहिले देशको थोरै भागमा मात्र एक, दुई घण्टा लोडसेडिङ छ । काठमाण्डौ लगायत अन्य ठुला शहरमा लोडसेडिङ छैन र ती भएका ठाऊहरुमा पनि छिटो भन्दा छिटो अन्त्य गरिने छ र काठमाण्डौ लगाएतका मुख्य शहरहरुमा लोडसेडिङ हुने छैन ।
राजनीतिक परिघटणामा आउन चाँहे, अहिले राजनीति संकटमा छ यसलाई फुकाउन सरकार के गरि रहेको छ ?
हाम्रो प्रधानमन्त्री ज्युले भनिरहँनु भएको छ विषय बस्तुमा सहमती गरौँ, प्याकेजमा सहमती गरौँ नभए विधिमा सहमति गरौँ भनेर प्रधानमन्त्री ज्यु लागिरहनु भएको छ र अबको एक हप्ता भित्र सहमति होला आशा गरौँ तर सहमति भएन भने प्रक्रिया अगाडि बढ्छ । सरकारले स्थानिय निकाएको चुनाव घाषणा गर्छ । अहिले जुन हिसाबबाट साथीहरुले वखेडा झिक्न खोज्नुभएको छ त्यसले पाएका उपलब्धि पनि गुम्ने खतराहरु देखिन थालेका छन् र म सम्पुर्ण साथीहरुलाई सहमतिमा आउन अपिल पनि गर्दछु ।

janardan sharma with rabi bhattarai
मधेसवादी दलहरु संशोधन प्रस्तावको टेबल नगरी अगाडी नबढ्ने, एमाले टेबल गर्नै हुन्न भन्ने यो अबस्थामा सरकार के गरिरहेको छ ?
वार्ता संवाद गरिरहेको छ, वार्ता र संवाद कै माध्यमबाट सरकारले सहमतिको खोजि गरिरहेको छ । यदि यो भएन भने संसदमा टेबल गर्छ र प्रक्रियाबाट यसलाई अगाडी लैजान्छ ।
फेरि ऊर्जा मै जोडिन चाँहे, अवका दिनमा ऊर्जा क्षेत्रको विकासमा तपाईका नयाँ योजना केहि छन् ?
अहिले सरकारले जेनेरेसन कम्पनि निर्माण गरेको छ । प्रसारण कम्पनि निमार्ण गरेको छ । टे«ड कम्पनि निमार्णंको अन्तिम चरणमा छ । ईन्जिनेरिङ कम्पनि अन्तिम चरणमा छ । यस्ता नया संमरचना नेपाल सरकारले बनाएको छ । हामीसंग प्राधिकरण छ र यसलाई नै आधार बनाएर उर्जा उत्पादन गर्ने र यसलाई उद्योगिकरण गरेर समुन्नत नेपालको श्रृजना गर्ने तर्फ हामी जुटेका छौ । ऊर्जा क्षेत्रमा सबैको ध्यान केन्द्रीत हुनु पर्छ भन्नेमा हामी जुटेका छौँ ।
फेरि मैले सोधे, जो बत्ती चाहँदैन थिए ऊनीहरुलाई तपाईले निस्कासन गर्नु भयो तर अदालतबाट फेरी पुनर्बाहालिको स्टे अर्डर आएछ नि ?
अदालतको निर्णयको विषयमा म केही भन्न चाहन्न । मैले उहाँहरुले पदिय जिम्मेबारी भन्दा बाहिर गएर बैठक गरेर प्रधिकरणलाई बन्धि वनाउन खोज्नु भएको थियो । त्यसलाई मैले हुन नदिएर उहाँहरुलाई निस्कासन गर्ने निर्णय गरेको थिए । त्यो निर्णय जनताको पक्षमा छ र त्यसलाई कार्यन्वयन गरेर जाने हो । अदालतको विषयमा म बोल्न चाहन्न ।
मलाई बताइ दिनुहोस उज्यालो नचाहँने पनि ब्यक्तिहरु छन् प्राधिकरणमा ?
जनताले नै देखिरहेका छन् । म केहि भन्न चाहान्न ।
अव अन्त्यमा भनिदिनुहोस अव लोडसेडिङको चपेटाबाट साच्चै जनताले उन्मुक्ति पाएका हुन त ?
मैले भनि सके अब लोडसेडिङ हुदैन । तर एउटा अनुरोध छ जुन हामी साझ बिहान पिक आवर भन्छौ यो समयमा धेरै बत्ती खपत हुने साधन चाँहि प्रयोग नगरी दिनुहोस यो जनतालाई मेरो अनुरोध पनि हो ।
समय र सम्वादको लागि धन्यवाद ।
धन्यवाद ।

उर्जामन्त्री जनार्दन शर्मासंगको भिडियो कुराकानीलाई हेर्नका लागि तलको लिंकमा जानुहोसः

You may also Like this

थप समाचार

शसस्त्र प्रहरी बलको विपत व्यवस्थापन विभागसँगको सहकार्यमा साम्तेनले मनायो भूकम्प सुरक्षा दिवस
शसस्त्र प्रहरी बलको विपत व्यवस्थापन विभागसँगको सहकार्यमा साम्तेनले मनायो भूकम्प सुरक्षा दिवस

काठमाडौँ । अजिज फाउन्डेसन, कपनको मुख्य सहकार्य साथै शसस्त्र प्रहरी बलको विपत व्यवस्थापन विभागसँगको सहकार्यमा कपनमा रहेको साम ...

पायोनियरको बृहत सरसफाई कार्यक्रम सम्पन्न
पायोनियरको बृहत सरसफाई कार्यक्रम सम्पन्न

काठमाडौँ । कपनमा रहेको पायोनियर पब्लिक स्कुलले शनिबार बृहत सरसफाई कार्यक्रम सम्पन्न गरेको छ । शनिबार विहान ७ बजेदेखी १० बजेस ...

प्याब्सनका पूर्वअध्यक्ष डा. बाबुराम पोखरेलको निधन
प्याब्सनका पूर्वअध्यक्ष डा. बाबुराम पोखरेलको निधन

काठमाडौँ । निवर्तमान सांसद तथा शिक्षाविद् डा. बाबुराम पोखरेलको आइतबार निधन भएको छ । मुटुरोगबाट पीडित डा पोखरेल आज बिहान ...

सहारा फाउण्डेशनद्धारा स्नेही काखलाई नगद सहित लत्ता–कपडा हस्तान्तरण
सहारा फाउण्डेशनद्धारा स्नेही काखलाई नगद सहित लत्ता–कपडा हस्तान्तरण

काठमाडौँ । सामाजिक गविविधिलाई समेट्ने उद्देश्य सहित सञ्चालित सहारा फाउण्डेशनले शनिबार ललितपुरमा रहेको स्नेही काखलाई नगद सहित ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...