आइपिएल क्रिकेटः हैदराबादको प्लेअफमा पुग्ने सम्भावना दरिलो, मोहम्मद नाबी ताते

२०७४ बैशाख २६ गते १०:४३ मा प्रकाशित


naabi२६ वैशाख, काठमाडौं । इण्डियन प्रिमियर लिग (आइपिएल) क्रिकेटमा सनराइजर्स हैदराबादको प्लेअफमा पुग्ने सम्भावना बलियो भएको छ । हैदराबादको जितमा अफगानिस्तानका मोहम्मद नाबी र रसिद खानको भूमिका उल्लेखनीय छ ।

सोमबार रातिको खेलमा मुम्बई इन्डियन्सलाई ७ विकेटले हराउँदै हैदरावदले प्ले अफमा पुग्ने सम्भावना बलियो बनाएको हो । पावर प्लेमै तीन ओभर गरेका नाबीले जम्मा १० रन खर्चेर लेन्डल सिमोन्सलाई आउट गरेका थिए । उनले पावरप्लेमै १२ बल डट गरे । ‘मैले ब्याट्सम्यानमा फोकस गरेर बलिङ गरेँ, उसले के गर्दै छ भन्ने विचार गरेर बल फालेँ । त्यसैले पावरप्लेमा राम्रो बलिङ भयो’ जितपछि उनले भने ।

४ ओभरमा उनले १ विकेट लिएर १३ रन खर्चेका हुन् । पावरप्लेमै मुम्बईविरुद्ध दबाब कायम गर्न उनको ओभर निकै फलदायी भयो । केन विलियम्सनको स्थानमा नाबीलाई खेलाउने हैदराबादको निर्णय प्लेअफमा पुग्ने सम्भावना बलियो बनाउन सफल देखियो । जारी आइपिएलमा नाबीको यो दोस्रो खेल थियो ।

यस्तै अफगानिस्तानका अर्का खेलाडी रसिद खानको बलिङ पनि मुम्बईविरुद्धको जितको आधार हो । ४ ओभरमा बलिङ गरेका रसिदले २२ रन खर्चेर एक विकेट लिएका थिए । उनले आइपिएलमा खेलेको १० खेलमा ९ विकेट लिएका छन् ।

सोमबार राति मुम्बईले दिएको १ सय ३९ रनको लक्ष्य हैदरावदले १० बल बाँकी छँदै भेट्टायो । हैदरावादका लागि शेखर धवनले दोस्रो विकेटका लागि मोइसस हेनरिकेससँग गरेको ९१ रनको साझेदारी नै जितको आधार बन्यो । धवनले ४६ बलमा दुई छक्का र चार चौका गरी ६२ रन बनाए । यस्तै हेनरिकेसले ३५ बलमा ६ चौकाको सहयोगले ४६ रन बनाए । युवराज सिंहले ९ रन बनाए । जितसँगै हैदराबाद अंक तालिकाको चौथो स्थानमा उक्लिएको छ । मुम्बईका मिचेल म्याक्लेनेगन, लसिथ मालिंगा र जसप्रित बुम्राहले एक एक विकेट लिए ।

यसअघि टस जितेर पहिले ब्याटिङ गरेको मुम्बईले निर्धारित २० ओभरमा ७ विकेट जाँदा १ सय ३८ रन बनाएको थियो । मुम्बईका पार्थिव पटेलले १७ बलमा २३ रन, रोहित शर्माले ४५ बलमा ६७ रन बनाए । हैदराबादका सिद्धार्थ कौलले तीन, भुवनेश्वर कुमारले दुई साथै मोहम्मद नाबी र रसिद खानले एक एक विकेट लिए । नाबी र खानले गरेको ८ ओभरमा ३५ रन मात्र खर्चेका थिए ।

You may also Like this

थप समाचार

यस्तो रह्यो फ्रेण्डसिप क्याफेको न्यू इअर इभ
यस्तो रह्यो फ्रेण्डसिप क्याफेको न्यू इअर इभ

काठमाडौँ । बुढानिलकण्ठ नगरपालिका वडा नम्वर ७ भेटघाट चोकमा रहेको फ्रेण्डसिप क्याफेले आइतबार न्यू इअर इभ तथा छैटौ वार्षिक उत्स ...

लोकतन्त्रमा मात्र श्रमिकको हित हुन्छः काठमाण्डौ ट्रेड युनियन सभापति भट्टराई (भिडियो)
लोकतन्त्रमा मात्र श्रमिकको हित हुन्छः काठमाण्डौ ट्रेड युनियन सभापति भट्टराई (भिडियो)

समग्र मजदुरहरुको हकहितको लागि भनेर स्थापना गरिएको नेपाली कांग्रेस पार्टीको सुवेच्छुक संगठन हो नेपाल ट्रेड युनियन कांग्रेस । ...

म्यान्चेस्टर सिटी विजयी
म्यान्चेस्टर सिटी विजयी

काठमाडौँ । शनिबार भएको इङ्लिस प्रिमियर लिगमा म्यान्चेस्टर सिटी विजयी भएको छ । सो विजयसंगै सिटीले लगातार १६ औं जितको कीर्तिमान ...

वाम गठबन्धन टुट्दैनः प्रचण्ड
वाम गठबन्धन टुट्दैनः प्रचण्ड

नेकपा माओवादी केन्द्रका अध्यक्ष एवं पुर्वप्रधानमन्त्री पुष्पकमल दाहाल 'प्रचण्ड' ले प्रतिनिधिसभा सदस्य र प्रदेशसभा सदस्य निर् ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...