गुन्डा नाइके गणेश लामालाई इन्काउन्टरको प्रयास

२०७४ चैत्र २० गते १२:०७ मा प्रकाशित


ganesh Lama

काठमाडौं । गुन्डा नाइके गणेश लामालाई पिंगलास्थानमा भएको ‘फाइट’मा इन्काउन्टर गर्न खोजिएको तथ्य फेला परेको छ । तर लामाले इन्काउन्टर गर्न प्रयास गर्नेलाई पेस्तोल ताकेर धम्काएको एक भिडियोमा सार्वजानिक भएपछि यो तथ्य पत्ता लागेको हो ।

गत फागुन ३० गते बेलुका पिंगलास्थानस्थित पशुपती भिजन होटलबाट निस्किएलगत्तै एक व्यक्तिले लामालाई गोली हान्ने प्रयास गरेका थिए। पछि लामाले पेस्तोल देखाएर ती व्यक्तिलाई धम्क्याउँछन्।

भिडियोमा लामा होटलबाट निस्कनुअघि एक गाडी त्यहाँबाट अघि बढ्छ। प्रहरी स्रोतका अनुसार त्यो गाडीमा गणेश लामाका भाई राकेश र उनका साथी मनोज आचार्य थिए।

रातो टिसर्ट लगाएका लामा झोला बोकेर गाडीतर्फ जाँदै गर्दा झगडा भएको थियो। भिडियोमा देखिएअनुसार पेस्तोल उनकै जीउबाट भुईमा खस्छ। त्यही पेस्तोल हातमा लिएर प्रतिद्वन्द्वीलाई उनले तर्साउँछन्। त्यो पेस्तोल लामाको भएको प्रहरीको दाबी छ। सोही आरोपमा उनलाई थुनामा राखी प्रहरीले हातहतियार तथा खरखजना मुद्दामा कारबाही अघि बढाएको छ।

लामाले बयानमा बताएअनुसार मास्क र हुक लगाएका एक व्यक्तिले उनलाई पेस्तोल ताकेका थिए। एक राउन्ड फायरसमेत भएको थियो। तर, समयमै आफूले प्रतिवाद गर्दा गोली भुइँमा लागेको उनले बताएका छन्। आफूमाथि आक्रमण भएको पेस्तोल नै त्यहाँ भेटिएको र प्रहरीले बरामद गरेको उनको दाबी छ। तर, भिडियोमा भने उनले नै पेस्तोल लिएर धम्क्याएको देखिन्छ।

महानगरीय प्रहरी परिसर काठमाडौंका प्रमुख एसएसपी विश्वराज पोखरेल भने आफूहरुको अनुसन्धानमा सो हतियार लामाकै भएको खुलेको दाबी गर्छन्। ‘लामाकै हातबाट प्रहरीले जबर्जस्ती पेस्तोल खोसेको थियो,’ पोखरेल भन्छन्, ‘त्यहाँ भेटिएको गोलीको खोका त्यही पेस्तोलबाट चलेको पुष्टि भइसकेको छ।’

को थिए आक्रमणकारी ?

लामामाथि गोली हान्न खोज्ने व्यक्ति को थिए भन्ने अहिलेसम्म प्रहरीले पत्ता लगाउन सकेको छैन। लामाले आफूले पनि ती व्यक्तिलाई नचिनेको बताएका छन्। प्रहरी स्रोतका अनुसार आक्रमणकारीको हुलिया निर्माण व्यवसायी शरद गौचन हत्याका फरार अभियुक्त रोशन बुढाथोकीसँग मिल्दोजुल्दो छ।

बुढाथोकी गुन्डा नाइके समिरमानसिंह बस्नेतका प्रमुख सहयोगी हुन्। सो समूह र लामा समूहबीच पहिलेदेखि नै दुस्मनी रहँदै आएको छ। न्युज २४ नेपालबाट 

You may also Like this

थप समाचार

ट्रम्प र किमको भेट सिंगापुरमा हुने टुंगो
ट्रम्प र किमको भेट सिंगापुरमा हुने टुंगो

काठमाडौँ । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ तारिखमा सिंगापुरमा भेटवार्ता ह ...

पर्सामा स्थानीय र प्रहरीबीच झडप, ५ प्रहरी घाइते
पर्सामा स्थानीय र प्रहरीबीच झडप, ५ प्रहरी घाइते

२४ वैशाख, वीरगञ्ज । अपराधी छुटाउन प्रहरी कार्यालय पुगेका स्थानीय र प्रहरीबीच पर्सामा झडप भएको छ । घटनामा ५ प्रहरी घाइते भएका ...

डा. देवकोटालाई नेपाल ल्याइयो
 डा. देवकोटालाई नेपाल ल्याइयो

काठमाडौं । प्रख्यात न्युरो सर्जन डा. उपेन्द्र देवकोटालाई बेलायतमा रहेको किङ्स कलेज हस्पिटलमा पाँच महिना लामो उपचारपछि नेपाल ...

ऐतिहासिक वार्तापछि दुई कोरियाको ‘परमाणु वाचा’
ऐतिहासिक वार्तापछि दुई कोरियाको ‘परमाणु वाचा’

दुई कोरियाको सीमाक्षेत्रमा भएको ऐतिहासिक वार्तापश्चात् उत्तरका नेता किम जङ-अन तथा दक्षिणका राष्ट्रपति मून जे-इनले कोरियाली प ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...