हर्न बजाउने १७ सयभन्दा बढी सवारी कारबाहीमा

२०७४ बैशाख ८ गते १६:५७ मा प्रकाशित


sawariकाठमाडौं, वैशाख ८ – सरकारले गएको बैशाख १ गतेदेखि लागू गरेको हर्न निषेध अभियानको पहिलो एक हप्तामा १७ सय भन्दा बढी गाडी कारबाहीमा परेका छन् । कारवाहीबाट एक लाख भन्दा बढी राजस्व संकलन भएको छ ।

महानगरीय ट्राफिक प्रहरी महाशाखाका अनुसार बैशाख २ गतेदेखि ७ गतेसम्म १७ सय १७ जना हर्न बजाएको अभियोगमा कारबाहीमा परेका छन् । कारबाहीबाट १ लाख २० हजार ४ सय ७९ रुपैयाँ राजस्व उठेको महाशाखाले जनाएको छ ।

कारबाहीमा परेकालाई अहिले ५ सय रुपैयाँ जरिवाना तिराउने गरिएको छ । महाशाखाका अनुसार अभियानको पहिलो दिन हर्न बजाउनेलाई सम्झाई बुझाई छोडे पनि २ गतेदेखि भने कारबाही गर्न थालिएको हो । महाशाखाका प्रहरी नायव महानिरीक्षक मिङमार लामाले हर्न निषेध अभियान लागु गरिएपछि काठमाडौं उपत्यकामा हर्नको आवाजमा ९५ प्रतिशत कमी आएको दाबी गर्नुभयो ।

हर्न निषेध अभियानपछि महाशाखाले सडकमा जथाभावी हिँड्ने तथा जथाभावी बाटो काट्ने पैदल यात्रुलाई पनि कडाइका साथ कारबाहीको गरेको छ । जेठको पहिलो हप्तादेखि सडकमा जथाभावी हिड्ने तथा बाटो काट्नेलाई २ सय रुपैयाँ जरिवाना वा जरिवाना तिर्न नसकेको खण्डमा केहिबेर नियन्त्रणमा राखिने महाशाखाका प्रहरी नायब महानिरीक्षक लामाले बताउनुभयो । सरकारले अत्यावश्यक बाहेकका अवस्थामा हर्न नबजाउन आग्रह गर्दै बैशाख १ गतेदेखि हर्न निषेध अभियान लागू गरेको हो ।

You may also Like this

थप समाचार

रियललाई क्लब विश्व कपको उपाधि
रियललाई क्लब विश्व कपको उपाधि

क्रिस्टियानो रोनाल्डोले एकमात्र गोलको मद्धतले रियल म्याड्रिडले लगातार दोस्रो पटक क्लब विश्व कपको उपाधि जितेको छ । ग्रिमिओलाई ...

​हुस्सुका कारण तराईको जनजीवन प्रभावित
​हुस्सुका कारण तराईको जनजीवन प्रभावित

हुस्सुका कारण तराईका जिल्लाहरुको जनजीवन आइतबार पनि प्रभावित भएको छ । शनिबारदेखि तराईमा बाक्लो हुस्सु लागेको छ । तर हुस्सु लाग ...

धनुषा १ बाट मातृका यादव विजयी
धनुषा १ बाट मातृका यादव विजयी

काठमाडौं । धनुषा १ बाट माओवादी केन्द्रका नेता मातृकाप्रसाद यादव विजयी भएका छन् । उनले संघीय समाजवादी फोरम नेपालका दीपक कार्क ...

मनाङ प्रदेशसभा ‘ख’: दीपक मनाङेको जित
मनाङ प्रदेशसभा ‘ख’: दीपक मनाङेको जित

काठमाडौं । स्वतन्त्र उम्मेदवार राजीव गुरुङ (दीपक मनाङे) हिमाली जिल्ला मनाङको प्रदेश (ख) बाट प्रदेश सभा सदस्यमा विजयी भएका छन ...

IME Rashifall Ncell

worldब्लग /विचारपुरा हेर्नुहोस्

मन्टेश्वरी प्रविधिमा आधारित शिक्षा आजको आवश्यकता

(१) पृष्ठभूमी       मन्टेश्वरी प्रविधिको कुरा गर्दा हामीले सर्वप्रथम इटालियन दर्शनशास्त्री डा. मारिया मन ...


नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...