• रवि भट्टराई

काठमाडौँ । पुर्वी पहाडी जिल्ला भोजपुरमा जन्मिएका गजेन्द्र बहादुर कार्की नेपाली कांग्रेस भोजपुरका पुराना कांग्रेस नेता मध्यका एक हुन । अंग्रेजी विषयमा स्नातक गरेका उनी जिल्लाबाट संभावना हुदा–हुँदै पनि राष्ट्रिय राजनीतिमा उदाउन सकेनन् या आफ्नै पार्टीको गुटगत चङ्गुलको सिकार भए ।
ऊनी यो पङ्क्तिकारका हजुरबुवाका प्रिय थिए । मेरो हजुरबुवा पनि नाम चलेको पण्डित कर्मकाण्डका ज्ञाता हुनुहुन्थ्यो गजेन्द्र भनेपछि हुरुक्कै हुने र ज्ञानगुनका कुरा खुब मज्जाले गर्ने मेरो हजुरबुवा, ठट्यौली पारामा भन्नु हुन्थ्यो गजेन्द्र कांग्रेस हो । त्यसैले म पनि कांग्रेस हुँ ।
कांग्रेस राजनीतिमा होमिएकाले उनले विबाह पनि ४५ काटे पछि नै गरेका हुन । त्यो बेला मलाई राम्रोसंग याद छ ।उनी राजनीतिक उचाई नचुल्याई विबाह नगर्ने मनसायमा थिए होला तर मेरो हजुरबुवाले भेट्नासाथ उनलाई बिवाह कहिले गर्ने भनेर सोधेर हैरान बनाउनु हुन्थ्यो ।
हो उनले उर्जामय समय सबै कांग्रेसको राजनीति मै बिताएका छन । यो पङ्क्तिकारसंग लगभग चार महिना अगाडि मेरो हजुरबुवाको ८७ वर्षको उमेरमा स्वर्गबास भएको बेला गजेन्द्रसंग समान्य कुराकानी गर्ने अवसर मिलेको थियो । ऊनि भन्दै थिए असल र निष्ठावानलाई माथि उठ्न गाह्रो रहेछ बावु, मैले शिक्षकको छदाखादाको जागिर छोडेर राजनीतिमा होमिएको हुँ । अझै जिल्लामा अनवरत जनताको सेवामा खटिइ रहेको छु तर कहिलेकाही लाग्छ मैले धेरै गर्न सक्थे तर अवसर पाईनकि भन्ने । हुनत काम गर्नेलाई कहा छेक्छ र म जनताको सेवा गरि नै रहेको छु । जिल्लामा कांग्रेसको एक्लो वृहस्पति जस्तो भएर बसेको छु, यो राजनीतिक नशा न छोड्न सकियो न समाऊननै सकिएको छ । वल्ल अलि बलियो गरि खुट्टा टेक्न लाग्यो टेक्नै दिदैनन या यस्तै छ बावु भनेर लामो हासो गरेका थिए ।
मैले प्रतिप्रश्न गर्दै भनेको थिए तपाई त जमानामा स्नातक गरेको पढेको मान्छे, धेरै अगाडी देखि कांग्रेस राजनितिमा होमिएको मन्त्री, प्रधानमन्त्री हुने सपना देख्नु भएन ?, उनको हसोमा उत्तर थियो बावु नदेखेको कहाँ हो र खै काम गरि नै रहेको छु । अझैबेला भएको छैन होला आउलानी पालो । एक न एक दिन कसो नपुगिएला भन्दै लामो हासो हाँसे लाग्थ्यो अझै पचास नाघिसकेका गजेन्द्रको उर्जा जस्ताको तस्तै थियो । निष्ठा मरेको थिएन र उत्कट जनताको सेवा गर्ने चाहाना गलेको थिएन ।
अज यो पङ्क्तिकारले उनकै विषय समाचार पढ्यो, उनी भोजपुर जिल्ला अस्पताल संचालक समितिको अध्यक्षमा नियुक्त भएछन् । मनमनै लाग्यो माथि आउने मान्छे जावो जिल्ला अस्पतालको सञ्चालक मै थन्किन्छन कि ? फेरि अर्को मनले सोच्यो एउटा अवसर पाएका छन यसलाई राम्ररी सदुपयोग गर्ने क्षमता उनमा छ, त्यो क्षमता देखाउने छन र भोजपुर जिल्ला अस्पतालको स्तरउन्नतिमा उल्लेखनिय भुमिका खेल्नेछन शुभकामना कांग्रेसि गजेन्द्र बहादुर कार्किलाई ।