एमालेको चुनावी गीतः उज्यालो घामलाई दिनुहोस्, देश बनाउने जिम्मेवारी हाम्लाई दिनुहोस् (भिडियो)

२०७४ बैशाख ६ गते १३:२५ मा प्रकाशित


nekapa-uml-geet-बैशाख ५, काठमाडौं । स्थानीय तहको निर्वाचन जति नजिकिँदै छ, दलहरू तीब्र रूपमा आ-आफ्नो चुनावी तयारीमा जुटेका छन् । आगामी बैशाख ३१ गते हुने निर्वाचनबारे दलहरूबीच अन्योल भइँरहदासमेत दलहरूले आफ्नो आन्तरिक तयारीलाई भने तीब्र पारेका छन्। चुनावका लागि सबै दलले चुनावका लागि आवश्यक गतिविधिसँगै अन्य सामग्रीहरू समेत तयार पारिसकेका छन्। मुख्य प्रतिपक्षी दल नेकपा एमालेले आफ्ना निर्वाचनका गतिविधि केन्द्रदेखि गाउँसम्म तीब्र पारेको छ। एमालेले स्थानीय तहको निर्वाचनका लागि साङ्गीतिक रूपमा जनताका बीचमा जान साङ्गीतिक तयारीसमेत गरिरहेको छ।

एमालेको चुनावी प्रचारका लागि चर्चित लोक तथा दोहोरी गायक पुरुषोत्तम न्यौपानेले घामलाई दिनुहोस्, भोट कल्लाई ? उज्यालो घामलाई दिनुहोस्, देश बनाउने जिम्मेवारी हाम्लाई दिनुहोस्। नेकपा एमाले जिन्दावाद ! भोट केमा सूर्यमा जिन्दावाद !! बोलको चुनावी गीत तयार पारेका छन्। सो गीतमा यसो भनिएको छ- सिमानामा छिमेकीले साह्रै आँखा गाढे अरू कोही बोल्ने छैनन् एमालेले छाडे आँच पुर्‍याउन खोजे भने राष्ट्रियतामाथि एकजुट हुने बेला आयो देशैभरका साथी१ गीतमार्फत् गायक न्यौपानेले सिमानामा छिमेकीले आँखा गाडेर नेपालीलाई दुःख दिएको उल्लेख गरेका छन्। उनले सिमानामा आँखा गाडेर नेपालीलाई दुःख दिएको कुरा एमालेले बोल्ने छाडे अरूले कोही नबोल्नेसमेत भनेका छन् गीतमा।

सूर्य न्यौपानेको शब्द तथा संगीत रहेको घामलाई दिनुहोस्, भनेर गीतमा एमालेलाई भोट दिन आग्रह गरिएको छ। नेपाली लोकसङ्गीतको क्षेत्रमा पुराना तथा पाका गायक पुरुषोत्तम न्यौपानेले नेपाली राष्ट्रियतामाथि आँच पुर्‍याउनेमाथि एकजुट हुने बेला भएको आग्रहसमेत गरेका छन्। गीतमार्फत् हिमाल, पहाड, तराईका सबै नेपाली लामो समयदेखि मिलेर बसेको भन्दै अहिले केहीले पहाडलाई फुटाएर पराई बनाउन खोजेको भन्दै त्यसका विरुद्ध लाग्नसमेत आग्रह गरिएको छ।

आफै मिली बसेका छन् हाम्रा हिमाल-तराई पहाडलाई फुटाएर बनाउँदै छन् पराई ठूला पार्टी भनेकाले छिमेकीलाई टेरे सधैँ शान्ति पाउने थियौँ देशले मुहार फेरे। ठूला पार्टी भनेका केही दलले छिमेकीलाई टेर्न छाडे देशमा शान्ति छाउने र देशको अहिलेको मुहार फेरिनेसमेत बताइएको छ गीतमा। सिमानाको सुरक्षाका क्रममा आज पनि कयौँ नेपाली युवाहरू छातीमा गोली थापेर मर्न तयार भएको भन्दै गीतमा विभिन्न क्षेत्रमा मिचिएको नेपालको सिमाना फिर्ता पाउनुपर्ने उल्लेख छ।

नेपालीको छोरा यहाँ सिमानामा मर्छ मिचिएको सिमा हाम्ले फिर्ता पाउनुपर्छ हाम्ले आफ्नो संविधान मान्न पाउनुपर्छ किन विवाद भएको छरु जान्न पाउनुपर्छ। नेपाली जनताको लामो समयको संघर्षपछि प्राप्त उपलब्धि नेपाली जनताका प्रतिनिधिले निर्माण गरेको संविधान नेपालीले नै कार्यान्वयन गर्न पाउनुपर्ने गीतमा उल्लेख छ। संविधानबारे अहिले भइरहेको विवादको चुरो कुरो जनताले जान्न पाउनुपर्नेसमेत उल्लेख छ गीतमा।

जनताको बहुमतले एमालेलाई पठाऊ देशै बेच्न खोज्नेलाई नेतृत्वमा हटाऊ देश विकासका थाक्ने छैनन् एमालेका नेता हार्‍यौ भने उस्तै हुन्छ यो देशको ब्यथा। देश विकासका लागि अब नेकपा एमालेको आवश्यकता मुलुकमा भएको भन्दै अबको चुनावमा एमालेलाई बहुमतले जिताएर पठाउन आग्रह गरिएको छ। एमालेका नेताहरू देश विकासमा डटेर लाग्ने भन्दै देशै बेच्न खोज्नेलाई नेतृत्वबाट हटाउनसमेत जनतालाई एमालेको चुनावी गीतमा आग्रह गरिएको छ। गीतमा चुनावमा एमालेले हारे देशको मुहार कहिल्यै नफेरिनेसमेत उल्लेख गरिएको छ। शालिग्राम इन्टरटेनमेन्टको युट्युव च्यानलमार्फत सोमबार सार्वजनिक गरिएको उक्त गीत करिब ९ मिनेट लामो छ।

भिडियो :

You may also Like this

थप समाचार

महानगरपालिकाले २५ करोड खर्चिएर खाल्डा पुर्ने
महानगरपालिकाले २५ करोड खर्चिएर खाल्डा पुर्ने

काठमाडौं, कात्तिक २० । काठमाडौं महानगरपालिकाले आफ्नो क्षेत्रभित्र पर्ने भित्री सडकका खाल्डाखुल्डी पुरेर कालोपत्रे गर्ने भएको ...

साउदी राजकुमारको हेलिकोप्टर दुर्घटनामा निधन
साउदी राजकुमारको हेलिकोप्टर दुर्घटनामा निधन

कात्तिक २० । साउदी अरेबियाका राजकुमार मन्सुर बिन मुक्रिनको हेलिकोप्टर दुर्घटनामा निधन भएको छ । राजकुमार मन्सुर चढेको हेलिकोप ...

मोदी तेस्रोपटक नेपाल आउँदै
मोदी तेस्रोपटक नेपाल आउँदै

काठमाडौँ । भारतीय प्रधानमन्त्री नरेन्द्र मोदी तेस्रोपटक नेपाल आउने प्रायस् निश्चित भएको छ । प्रधानमन्त्री भएलगत्तै उनी नेपाल ...

राजपाले मार्‍यो बाजी
राजपाले मार्‍यो बाजी

काठमाडौं, असोज ५ । बाराको देवताल गाउँपालिका अध्यक्षमा राजपाका उम्मेदवार विजयी भएका छन् । राजपा नेपालका उम्मेदवार चन्दन कुमार ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...